Mulwol ni Fan ko Gelngin e Pi’in ni Fal’yangren ko, April 2023

Bing Gum’ircha’med ngak fare Kan ni Thothup

Keb rok President Henry B. Eyring

Bin La’agruw e Counselor u lane Bin Somm’on e Presidency

Henry B. Eyring

Yib ko April 2018 ko thin ko general conference.

Ngiyal’ ko Easter ney, gube pinning e magar ngak e Chitimandad ni bay u Tharmiy nifan e tawa’ath ko Fak nib T’uf rok’, nike mel’eg ni nge yaen nge feylang ni nge mang e Tabayulrodad Gub falfalaen’ ni nggu nang ni ke bayul nag nifan ko pi denen rodad nge ke bagbag nga lang ulan fare Faskoyam’. Gubin e rran gub falfalaen’ guma nang biney, bachane e Bayul’ Rok’, reb e rran rayog ni nggu fas ko yam’ nge paer ngak e tabinaw rog ko gubinfen.

Guma nang pi’nen udakaen kemus ni rayog ni ngad nanged binem. Fare Kan ni Thothup ke non ngak e tafney rog nge gum’ircha’eg ni’ir ma riyul’—gathi ta’areb e yay machane bo’or yay.

Bay e micheg ni dariy’ e pulwon riy’ rodad ni ngad thapeged e Kan ni Thothup ni fagar roraed. Thingari mel’eg ni gadad ra bing e gum’ircha’dad ni ngad thapeged e thogthog nge gapas udakaen’ fare Kan ni Thothup ufithik’ e yafos rodad.

falooreas

Yib rok’ Emily E. Jones

Somm’on e mel’eg ni ra sobut’aen’ dad umon Got.

rogon pa’ay ni ngan meybil

Bin L’agruw ni ra meybil ufithik’ e mich ngakʼ fare Somoel ni Yesus Kristus.

compass

Bin dalip ni ra fol ni chirogon.

ya’an ko gum’irchai’ay

Nge bin aningeg ni ra meybil ni ngam nanged e tin yad bat’uf nge gum’ircha’med nge urogon ni ngam ayuweg ngorad nifan Somoel.

Gube meybil nib gel’ ma garam rung’aged laman Kan thothup, nira yib ngomed ni fini gol. Nge gube meybil ni ngam bing gum’ircha’med ere rayog ni ngam thapeged fare Kan Thothup ni gamed ra thapged e falfalaen’ napan ni ma paer ngom ni lgubinfen.

© 2023 ko Intellectual Reserve, Inc. Gubin ni mat’won ma bay. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Monthly For the Strength of Youth Message, April 2023. Language. 17466 905