“Bue W’akoma mu ma Sunsum Krɔnkrɔn no,’’ Ma Mbabun Enya Ahoɔdzen Ebɔbira 2023.
Bosoom bosoom Ma Mbabun Enya Ahoɔdzen Amandzɛɛbɔ, Ebɔbira 2023
Bue W’Akoma mu ma Sunsum Krɔnkrɔn no
Easter Ber yi, Meda hɛn Ɔsor Egya ase wɔ No Dɔba a, Ɔnoara baa asaase yi do dɛ Ɔrebɛyɛ hɛn Pomfo no, akyɛdze ho. Ɔyɛ me enyisɔ dɛ minyim dɛ Ɔbɔɔ werdam dze tuaa hɛn bɔn kaw na Ɔsoɛree wɔ Wusoɛr no mu. Ɔyɛ nhyira ma me daa daa dɛ minyim dɛ, osian No Werdambɔ no ntsi, dabi mubodua wusoɛr atsena ase afebɔɔ wɔ ebusua adɔyɛ mu.
Ɔnam kwan kor pɛr noara a hɛn mu biara botum dze ehu no do na minyim dɛm ndzɛmba yinom no. Sunsum Krɔnkrɔn no akasa wɔ m’adwen na m’akoma mu dɛ ɔyɛ nokwar—nnyɛ mpɛn kor mbom mpɛn pii.
Yɛwɔ anohoba a ɔsom bo kɛsenara dɛ Sunsum Krɔnkrɔn no yɛ adamfo. Hɛn asɛdze nye dɛ yɛbɛsan mu eyi dɛ yebue hɛn akoma mu, dua Sunsum Krɔnkrɔn no do, dze gye daa daa sunsum mu akwankyerɛ na awerɛkyekyer wɔ hɛn nkwa ber nyina mu.
Emily E. Jones yɛɛ nsaano mfonyin horow no
Nsan mu yi a odzi kan nye dɛ yɛbɛyɛ ahobrɛadze wɔ Nyankopɔn enyim.
Otsĩa ebien nye dɛ yɛdze gyedzi bɔ mpaa wɔ Jesus Christ mu.
Otsĩa ebiasa nye dɛ yɛyɛ setsie pɛpɛɛpɛr.
Na otsĩa anan nye dɛ yɛbɔ mpaa dze ehu binom hɔn ehiadze na hɔn akoma mu na mbrɛ yebesi bɔboa hɔn ama Ewuradze.
Medze m’akoma nyina bɔ mpaa dɛ hom betsie Sunsum no a, wɔasoma no ɔdɔ mu ara wɔ hom nkyɛn no, ne ndze. Na mobɔ mpaa dɛ hom bobue hom akoma mu aber nyina dze agye Sunsum no ama hom eetum eenya enyigye dɛ Ɔwɔ hom nkyɛn dɛ hom daa daa adamfo.
© 2023 odzi wɔ Intellectual Reserve, Inc. Wɔakora ho tumdzi nyinara Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, April 2023 ne nkyerɛase. Language. 19006 502