“Kauka Nanom nakon te Tamnei ae Raoiroi,” Ibukin Kakorakoraia Kairake, Eberi. 2023.
Te Rongorongo Ibukin Kakorakoraia Kairake ni Katoa Namwakaina, Eberi 2023
Kauka Nanom nakon te Tamnei ae Raoiroi
N bongin te Itita aio, I karabwa Tamara are i Karawa ibukin te bwaintangira n Ana Rikitemanna, are e roko n anganano nakon te aonaaba bwa te Tia Kabooi Maiura. I kakaitau ngkai I ataia bwa E karaoa te Mwakuri ni Kamaiu ibukin ara bure ao ni Mangauti. I kakabwaiaki ni katoabong n ataia bwa, ibukin Ana Mwakuri ni Kamaiu, N te bong teuana N na manga karekea te mangauti ao ni maeka n akea tokina n te utu ae tatangira.
I atai bwaai akanne bwa ti te kawai ae ti kona ngaira n ataia. E a tia te Tamnei ae Raoiroi n taetae nakon au iango ao nanou bwa a bon koaua—tiaki tii n tetaina ma n taainako.
Iai iroura te tamnei ae Raoiroi ae beritanaki n akea boona bwa raora. Katabeara bwa ti na rineia ni kauka nanora ni karekea ana kairiiri te tamnei ae reitinako ao te rau rinaon te Tamnei ae Raoiroi i nanon maiura.
Kamataata n te tamnei iroun Emily E. Jones
Te moan rinerine ko na nanorinano i matan te Atua.
Te kauoua te tataro ma te onimaki iroun Iesu Kristo.
Te kateniua te ongotaeka ni koaua.
Ao te kaaua bon te tataro n atai kainanoia ao nanoia tabeman ao e kanga aron buokaia ibukin te Uea.
I tataro ma nanou ni kabane bwa kam na ongo bwanaan te Tamnei, are e kanakoaki nakoimi ma te nano ae korakora. Ao I tataro bwa e na kaukaki nanom n taainako ni karekea te Tamnei bwa e aonga n reke iroum te kimwareirei n karekeana iroum bwa Raom n taainako.
© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Rongorong ibukin Kakorakoraia Kairake ni Katoa Namwakaina, Eberi 2023. Language. 19006 859