Mbeambea a ɔwɔ Kyerɛwsɛm mu.

Gethsemane

Sũa bea a Agyenkwa no N’amandzehu wɔ hɛn ntsi hyɛɛ ase ho nsɛm ara yie.

ngo dua kwaa

Henfa na ɔwɔ?

Ngo Bepɔw ne ntaae do, wɔ Jerusalem anee (nsaano mfonyin n’enyimfa, bea a dua kɛse bi hyɛ no nsew) no.

Tsetse Jerusalem <i>map</i>

Jerusalem map nsaano mfonyin a Jim Madsen yɛe

Nna Ebɛnadze na Ɔwɔ Hɔ?

Olive ngo dua kwã na bia a efir a wɔdze kyi ngo fi olive ngo aba mu.

olive ngo efir

Ebɛn Adze Sii Ha?

Ewimbir Edzidzi a Odzi Ekyir ewiei no, Jesus Christ nye N’Asomafo dubeako no kɔr Gethsemane. Nkyii Ɔkɔr nkyɛn kɔbɔɔ mpaa na Ɔfaa Peter, James, na John kãa Noho.

“Ɔhyɛɛ ase bɔɔ hu, na ɔbɔmee.” Ɔsee dɛ, “Me kra awerɛhow ahyɛ mo do dze kɔ owu mu” (Mark 14:33–34).

Ɔbɔɔ mpaa dɛ, “Egya, sɛ epɛ a, yi kuraba yi pa mo ho: naaso nnyɛ me pɛ a, na wodze na ɔnyɛ.

“Na ɔbɔfo bi fi sor beyii noho kyerɛɛ no hyɛɛ no dzen.

“Na owuyaw mu no, ɔsɔɔr enyiberdo, na ne fifir yɛ dɛ bɔgya atɔwatɔw a ogugu famu” (Luke 22:42–44).

Agyenkwa no hun amandzehu yaayaw yi ekyir no, Judas yii No mae na Jewfo edzibewdzifo na Roman nsordaafo kuw bɛkyeer no.

Ana Nna Inyim?

Ngo Bepɔw ture yi yɛ bea a nna Jesus taa kɔ (hwɛ Luke 22:39; John 18:2).

“Aramaia kasa mu no, nsɛmfua gethsemane asekyerɛ nye ‘olive ngo efir.’”¹

Sɛ wodzi kan mia olive aba wɔ olive ngo efir mu a, ngo no a ofi mu ba n’enyi yɛ kɔkɔɔ, tse dɛ bɔgya.

Agyenkwa ne mber mu no, nna kwan a wɔfa do nya olive ngo nye wɔkɔ do ara mia mu kyi mu nkakrankakra ara yie a wobotum.

1. Nyam olive aba no wɔ boba kɛse ase.

2. Fa olive aba a wɔanyam no gu kɛntsɛn a wɔawen mu, na hyehyɛ nkɛntsɛn kor wɔ kor no sor.

3. Fa mpuna kɛse anaa dua kɛse bi to nkɛntsɛn a wɔaheyehyɛ no sor.

4. Fa mboba kyekyer mpuna no n’ano kor.²

Tsetse no nna wɔdze olive ngo gu awerba kandzea mu, ɔyɛ ngo a wɔdze yɛ edziban, wodzi, dze yɛ semina, nyamesom som ho adzeyɛ, na ngohuam a wɔdze sa kur.

Ansaana Christ Ne mbae mfi pii no, ɔbɔfo bi kãa N’amandzehu wɔ Gethsemane ho asɛm kyerɛɛ Ɔhen Benjamin, rese dɛ, “Bɔgya befi honam tokura biara mu egu, na n’amandzehu bɔdɔɔ sõ” (Mosiah 3:7).

N’amandzehu wɔ Gethsemane na wɔ mbeamudua no do, bea a Owui no, kã Agyenkwa N’amandzehu wɔ hɛn ntsi ho. Ɔfaa hɛn bɔn, hɛn yaw, atseetsee, nsɔhwɛ, yarba, na mberɛwyɛ too noho do (hwɛ Alma 7:11–12).

Jesus Christ a Ɔwɔ Gethsemane

Gethsemane, Michael Malm yɛɛ nsaano mfonyin no

Kaa Gethsemane

“Kaa, dɛ ma olive ngo aba a wɔaboa ano no, womiaa do dze nyaa ngo a ɔmaa kan no, dɛmara so na Agyenkwa no womiaa No. Fir No honam tokura biara mu no Hɛn Pomfo no nkwa bɔgya kyii. … Ber a w’enyigye kuraba ebu do no, kaa No kuraba wenwen no a ɔmaa otumii baa mu no. Na sɛ nsɔhwɛ yaayaw ba wo do a, kaa Gethsemane.”

President Russell M. Nelson, “Why This Holy Land?” Ensign, Mumu 1989, 18.

© 2023 odzi wɔ Intellectual Reserve, Inc. Wɔakora ho tumdzi nyinara Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, June 2023 ne nkyerɛase. Language. 19026 502

Nsɛnsin

1. Kyerɛwsɛm no Kwankyerɛ, “Gethsemane.”

2. Hwɛ D. Todd Christofferson, Oct. 2016 wiadze mfɛndzanan ehyiadzi (Ensign anaa Liahona, Ɔberɛfɛw 2016, 50).