“Ketetemane,” Ibukin Kakorakoraia Kairake, Eberi 2023.
Taabo man Booki aika tabu
Ketetemane
Reiakina taekan riki te tabo are e karawawataaki iai te Tia Kamaiu ibukira.
E mena Ia?
N raabeen te Maunga ae Oriweta, i maeaon Ierutarem (n te atai n te tamnei, e mwakenaki n te aroka ae riao bubura).
Mwaben Ierutarem kamatataana n te tamnei Iroun Jim Madsen
Tera ae Mena Ikekei?
Te o n aroka n oriwa ao tao te bwai ni kamantinti ibukin karekean te oera man te oriwa.
Tera ae Riki Ikai?
Imwin ana Kabanea ni Katairiki, Iesu Kristo e nako ma Ana Abotoro ake tengaun ma temana nako Ketetemane. Ngkanne E nako ni kararoa n tataro ao e kaira Betero, Iakobwa, ao Ioane ma Ngaia.
E “kubanrou, ao e bati n rawawata nanona.” E taku, “Moan te rawawata tamneiu, n ai aron ae N nangi mate” (Mareko 14:33–34).
E tataro, “Tamau, ngkana e riai iroum, ao ko na uota nako te mangko aei mairou: e na karaoaki ae nanom, ma tiaki nanou.
“Ao e kaoti te anera mai karawa nakoina, ni kakorakora.
“Ao e bati n rawawata nanona ao E kakorakora ana tataro: ao maonona ai aron timtim n raraa aika bubura, aika bwaka i aontano” (Ruka 22:42–44).
Imwin te korakai ma rawawata ae reke iroun te Tia Kamaiu, E kamaneaki iroun Iuta ao e kairaki irouia Iutaia ma Tautian Rom.
Ketetemane, iroun Michael Malm
© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly For the Strength of Youth Message, June 2023. Language. 19026 859