Miaba ifumina ku Mifundu

Getesemane

Longa bia bungi bua muaba uvua makenga a Musungidi mabangila bua bualu buetu.

Budimi bua olive

Budi Kueyi?

Ku mpulumuku wa Mukuna wa Olive, ku esete wa Yelushalema (ku dia baluma dia tshimfuanyi, kudi mutshi mupita bunena).

kalata ka Yelushalema wa kala

Tshimfuanyi tshia kalata ka Yelushalema ka kudi Jim Madsen

Tshivua Momu Ntshinyi?

Budimi bua mitshi ya olive ne kumisangu munyenga bua kupeta manyi a olive.

munyenga wa olive

Tshivua Tshipitakana Apa Ntshinyi?

Panyima pa Didia tshia Ndekelu, Yezu Kilisto wakaya ne Bayidi benda dikumi ne umue ba ku Bapostolo benda ku Getesemane. Pashisha wakaya ntanta bua kusambila ne wakangata Petelo, Yakobo ne Yone.

Yeya “wakabanga kukema bikola, mutshima wenda wakatamba kunema.” Wakabambila ne, “Anyima wanyi udi utamba kunyingalala tô ne ku lufu” (Mâko 14:33–34).

Wakasambila, “Tatu, biwasua, ungumushile lupanza elu: bualu ebu buenjibue bu mudi musue, kadi kabuenjibu bu mundi musue.

“Ne muanjelu wa mu diûlu wa kamueneka kudiyi ne kumukolesha.

“Ne wa kakenga ne kanyinganyinga wakatendelela Nzambi bikola: luanga luakapatuka mamata manena a mubidi wenda bu mashi amata panshi” (Luka 22:42–44).

Panyima pa dikenga dikola dia Musungidi, Uvua mupangila kudi Yudasa ne mukuata kudi mbulamatadi wa bena Yuda ne musumba wa masalayi a bena Lomo.

Nudi Bamanya Anyi?

Budimi ebu ku Mukuna wa Olive uvua muaba uvua Yezu uya ba tshibidilu (tangila Luka 22:39; Yone 18:2).

“Mu tshiena Arameen, muaku getesemane udi umvuija ‘munyenga wa olive.’”¹

Padi bakama olive bua musangu wa kumpala mu munyenga wa olive, manyi adi apatukamu adi makunza, bu mashi.

Mu tshikondu tshia Musungidi, dipatula dia manyi a olive tshivua tshienzedi bua divudija nyengelu mu tshitupa tshionsu bua kubandisha difina dia manyi abungi biobi bikumbana:

1. Kuboza olive ne dibua dinena.

2. Teka olive miboza mu bitunga biluka, ne ambakaja bitunga binga bamutu a pa bikuabu.

3. Ela mukamba mula anyi lukunyi pa mpala pa bitunga biambakaja.

4. Kanga mabua ku ndekelu kua mukamba umua.²

Manyi a olive avua menzela mu tshikondu tshia kala bua manyi a muendu, a kuipika nawu, tshikudia, a nsabanga, a mishinga ya ntendelelu, ne tshilabu bua kondapa mputa.

Bidimu bia bungi kumpala kua Kilisto kulua, muanjelu wakambila Mfumu Benyamina pa dikenga dia Kilisto ku Getesemane, wamba ne, “mashi enda neapatuka mu kasosu konsu ka mubidi, bualu dipampakana dienda nedikala dikola” (Mosiya 3:7).

Musungidi wakakenga bua bualu buetu tuela ne dikenga dienda ku Getesemane ne ku mutshi mutshiamakana, kuvuaye mufuila. Wakangata pa mutu wenda mibi yetu, bisami bietu, ntatu yetu, mateta, masama, ne bulema (tangila Alama 7:11–12).

Yezu Kilisto mu Getesemane

Getesemane, kudi Michael Malm

Vulukayi Getesemane

“Vulukayi, bu mubidi wa olive, uvua muboza bua kufila manyi a kutemeshanawu mudilu, Yezu Kilisto uvua mubozeka. Ku kasosu konsu kuvua kupuekeshibua mashi a Mupandishi wetu. … Padi dikopu dia disanka dieba diula ntenta, vuluka dikopu dia bululu diankenza bua bikala nunku. Ne bianufikila ntatu mikola, nuvuluka ku Getesemane.”

Mulombodi mukulu Russell M. Nelson, “Why This Holy Land?” Ensign, Dec. 1989, 18.

© 2023 by Intellectual Reserve, Inc. All rights reserved. Mupatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, June 2023. Language. 19006 760

Biakumanya

1. Guide to the Scriptures, “Gethsemane.”

2. See D. Todd Christofferson, Oct. 2016 general conference (Ensign or Liahona, Nov. 2016, 50).