Vendet nga Shkrimet e Shenjta

Gjetsemani

Mëso më shumë rreth vendit ku filluan vuajtjet e Shpëtimtarit në emrin tonë.

pemë ulliri

Ku Ndodhet?

Në shpatin e Malit të Ullinjve, në lindje të Jerusalemit (ana e djathtë në ilustrim, e shenjuar nga një pemë e stërmadhe).

hartë e Jerusalemit të lashtë

ilustrim i hartës së Jerusalemit nga Jim Madsen

Çfarë Kishte Atje?

Një korije pemësh ulliri dhe mbase një presë për nxjerrjen e vajit nga ullinjtë.

presa e ullinjve

Çfarë Ndodhi Këtu?

Pas Darkës së Fundit, Jezu Krishti shkoi me njëmbëdhjetë nga Apostujt e Tij në Gjetseman. Më pas ai u tërhoq mënjanë për t’u lutur dhe mori me vete Pjetrin, Jakobin dhe Gjonin.

Atë “filloi ta zërë frika dhe ankthi”. Ai tha: “Shpirti im është thellësisht i trishtuar, deri në vdekje; qëndroni këtu dhe rrini zgjuar (Marku 14:33–34).

Ai u lut: “O Atë, po të duash, largoje këtë kupë nga unë! Megjithatë mos u bëftë vullneti im, por yti.

Atëherë iu shfaq një engjëll nga qielli për t’i dhënë forcë.

Dhe ai, duke qenë në agoni, lutej edhe më fort; dhe djersa e tij po i bëhej si gjak i mpiksur që bie për tokë” (Lluka 10:42–44).

Pas kësaj vuajtjeje të madhe nga Shpëtimtari, Atë e tradhtoi Juda dhe e arrestuan krerë judeas dhe një grup ushtarësh romakë.

A e Dije?

Ky kopsht në Malin e Ullinjve ishte një vend ku Jezusi shkonte shpesh (shih te Lluka 22:39; Gjoni 18:2).

“Në gjuhën aramaike, fjala Gjetseman do të thotë ‘presë ullinjsh’.”¹

Kur ullinjtë shtypen fillimisht në një presë ulliri, vaji që del është i kuq, si gjaku.

Në kohën e Shpëtimtarit, prodhimi i vajit të ullirit ishte një proces i rritjes së shtypjes në çdo hap në mënyrë që të shtrydhej sa më shumë vaj që të ishte e mundur:

1. Shtypeshin ullinjtë poshtë një guri të madh.

2. Ullinjtë e shtypur vendoseshin në shporta të thurura dhe shportat vendoseshin në stivë njëra mbi tjetrën.

3. Vihej një tra ose trung sipër shportave të stivosura.

4. Gurët kapeshin në njërin skaj të traut.²

Vaji i ullirit përdorej në lashtësi si vaj llambash, vaj gatimi, ushqim, sapun, për ceremoni fetare dhe pomadë për trajtimin e plagëve.

Shumë vjet përpara ardhjes së Krishtit, një engjëll i tregoi mbretit Beniamin për vuajtjen e Krishtit në Gjetseman duke thënë: “Gjaku del nga çdo por, kaq e madhe do të jetë dhembja e tij” (Mosia 3:7).

Vuajtja e Shpëtimtarit në emrin tonë përfshin vuajtjen e Tij në Gjetseman dhe në kryq, ku Ai vdiq. Ai mori mbi Vete të gjitha mëkatet, dhembjet, mundimet, tundimet, sëmundjet dhe dobësitë tona (shih tek Alma 7:11–12).

Jezu Krishti në Gjetseman

Gethsemane [Gjetsemani], nga Michael Malm

Kujtoje Gjetsemanin

“Kujtoni, ashtu si trupi i ullinjve, i cili u shtyp për vajin që bënte dritë, ashtu u shtyp edhe Shpëtimtari. Nga çdo por rrodhi lëngu jetësor i Shëlbuesit tonë. … Kur kupa e gëzimit tuaj gufon, kujtoni kupën e Tij të hidhërimit që e bëri këtë të mundur. Dhe kur hallet t’ju pushtojnë, kujtoni Gjetsemanin.”

President Russell M. Nelson, “Why This Holy Land?” Ensign, dhjetor 1989, f. 18.

© 2023 by Intellectual Reserve, Inc. All rights reserved. Shtypur në SHBA. Miratuar për anglisht: 6/19. Miratuar për përkthim: 6/19. Përkthim i Monthly For the Strength of Youth Message, June 2023. Albanian. 19026 101

Shënime

1. Udhëzuesi për Shkrimet e Shenjta, “Gjetseman”.

2. Shih D. Tod Kristoferson, “Konferenca e përgjithshme e tetorit 2016”, (Ensign ose Liahona, nëntor 2016, f. 50).