Ebe niile site na Akwụkwọ nsọ

Getsemani

Mụkwuo ihe gbasara ebe ahụ ebe ntaram ahụhụ niile nke Onye Nzọpụta maka n’aha anyị malitere.

Ebee ka Ọ Nọ?

Na mkpọda ugwu nke Ugwu nke Oliv niile, dị na mpaghara ọwụwa anyanwụ nke Jerusalem (ebe aka nri dị na ngosipụta ahụ, nwere akara site na osisi tofere oke).

Ngosipụta maapụ Jerusalem nke si n’aka Jim Madsen

Gịnị Nọbuuru Ebe ahụ?

Ọdọ nke osisi oliv na ikekwe ihe eji apịpụta mmanụ maka ịpịpụta mmanụ site n’oliv niile.

Gịnị Mere Ebe a?

Mgbe Oriri anyasị Ikpeazụ gasịrị, Jizọs Kraịst na Ndị Ozi Ya iri na otu gara na Getsemani. Emesịa Ọ gara n’otu akụkụ ikpe ekpere ma kpọrọ Pita, Jemis, na Jọn tinyere onwe ya.

Ọ “malitere inwe oke ịtụnaanya, na inwe oke nnyịgbu.” Ọ sịrị, “Mkpụrụ obi m malitere inwe ihe mwute dị ukwuu ruo n’ọnwụ” ((Mak14:33–34).

O kpere ekpere, “Nna, ọ bụrụ na ị ga-ekwe, nara m iko nke a: ka osila dị, ọ bụghị ka e mee uche m, kama nke gị, ga-eme.

“Ma otu mmụọ ozi bịakwutere ya site n’eluigwe, na-agba ya ume.

“Ma site n’oke ihe mgbu o kpere ekpere kpesie ike: ma ọsụsọ ya dị ka ọ dịịrị nnukwu ọkpụrụkpụ ọbara na-ada n’ala” (Luk 22:42–44).

Mgbe oke ntaram ahụhụ Onye Nzọpụta nke a gasịrị, Judas raara Ya nye ma ndịisi ọrụ ndị Juu na otu ndị agha dị iche iche nke ndị Rom nwuchiri Ya.

Ị maara?

Ubi nta nke a nọ na Ugwu nke Olive niile bụụrụ ebe Jizọs naara aga ọtụtụ mgbe (lee Luk 22:39; Jọn 18:2).

“Na Aramaic, Mkpụrụ okwu ahụ getsemani pụtara ‘ihe eji apịpụta mmanụ oliv.’”¹

Mgbe ebu ụzọ tipịa oliv niile niihe eji apịpụta mmanụ oliv, mmanụ na-asọpụta na-acha uhie uhie, dị ka ọbara.

N’oge nke Onye Nzọpụta, imepụta mmanụ oliv bụ usoro nke ịnyịwanye ike na nzọ ụkwụ ọbụla iji hụ na-apịpụtara nnukwu mmanụ otu ike kwere:

1. Tipịa oliv niile n’okpuru nnukwu okwute.

2. Tinye oliv ndi etipịara etipịa niime ekete a kpara akpa, ma bugide ekete ndị ahụ n’elu ibe ha.

3. Tụkwasị otu ogologo osisi n’elu ekete ndị ahụ ebukọtara ọnụ.

4. Kedo ọtụtụ okwute n’otu isi ngwụcha osisi ahụ.²

A naara eji mmanụ oliv eme mmanụ oriọna, mmanụ eji esi ihe, nri, ncha, mmemme okpukpere chi na ọgwụ a na-ete ete maka ịgwọ ọnya dị iche iche mgbe gboo.

Ọtụtụ afọ gara aga tupu ọbịbịa Kraịst, otu mmụọ ozi gwara Eze Benjamin ihe gbasara ahụhụ nke Kraịst na Getsemani, na-asị, “Ọbara na-apụta site n’oghere ajị ọbụla, ịdị ukwuu ka oke mgbu ime obi ya ga-adị” (Mozaya 3:7).

Ahụhụ nke Onye Nzọpụta niihi anyị gụnyere ahụhụ Ya na Getsemani nakwa n’elu obe, ebe Ọ nwụrụ. O wekwasịrị Onwe Ya mmehie niile, mgbu niile, mkpagbu niile, ọnwụnwa niile, nrịa nrịa niile na adịghị ike niile nke anyị (lee Alma 7:11–12).

Getsemani, site n’aka Maịkel Malm

Cheta Getsemani

“Cheta, dị nnọọ ka ahụ nke oliv ahụ, nke apịrị apị maka mmanụ nyere ihe, otu ahụ ka esi pịa Onye Nzọpụta. Site n’oghere ajị ọbụla ka ọbarandụ nke Onye Mgbapụta anyị siri sọpụta. … Mgbe iko nke obi ụtọ gị jubigara oke, cheta iko nke ilu Ya nke mere ka okwe omume. Mgbe ajọọ mnwale niile dakwasịrị gị, cheta Getsemani.”

Onyeisi Russell M. Nelson, “Gịnị Mere O ji Bụrụ Ala Nsọ Nke a?” Ensign, Dis. 1989, 18.

© 2023 site n’aka Intellectual Reserve, Inc. Ikike niile ka edokwara. Ebipụtara na USA. Nkwado n’asụsụ Bekee: 6/19. Nkwado ntụgharị asụsụ: 6/19. Ntụgharị asụsụ nke Ozi Maka Ume nke Ndị Ntoroọbịa Kwa Ọnwa, Jun 2023. Language. 19026 593

Hụba ama

1. Nrụaka nye Akwụkwọ nsọ, “Getsemani.”

2. Lee D. Todd Christofferson, ọgbakọ zuru ọha Ọkt. 2016 (Ensign ma ọ bụ Liahona, Nov. 2016, 50).