« សួនច្បារគែតសេម៉ានី » ដើម្បីកម្លាំងនៃយុវជន ខែ មេសា ឆ្នាំ ២០២៣ ។
ទីកន្លែងទាំងឡាយ ចេញពី ព្រះគម្ពីរ
សួនច្បារគែតសេម៉ានី
សូមរៀនបន្ថែមទៀតអំពីទីកន្លែងដែលព្រះអង្គសង្គ្រោះបានចាប់ផ្ដើមរងទុក្ខជំនួសយើង ។
តើវានៅទីណា ?
នៅលើជម្រាលភ្នំដើមអូលីវ ខាងកើតក្រុងយេរូសាឡិម ( នៅខាងស្ដាំក្នុងរូបភាព សម្គាល់ដោយដើមឈើធំមួយ ) ។
រូបភាពផែនទីក្រុងយេរូសាឡិម ដោយ ជីម មេដសិន
តើមានអ្វីនៅទីនោះ ?
ព្រៃដើមអូលីវ ហើយប្រហែលជាកន្លែងគាបយកប្រេងពីផ្លែអូលីវ ។
តើមានរឿងអ្វីបានកើតឡើងនៅទីនេះ ?
បន្ទាប់ពីអាហារយប់ចុងក្រោយ ព្រះយេស៊ូវគ្រីស្ទបានយាងទៅសួនច្បារគែតសេម៉ានីជាមួយនឹងពួកសាវកដប់មួយនាក់របស់ទ្រង់ ។ បន្ទាប់មកទ្រង់បានយាងទៅអធិស្ឋាន ហើយបានយកពេត្រុស យ៉ាកុប និងយ៉ូហាន ទៅជាមួយទ្រង់ ។
ទ្រង់ « ចាប់តាំងមានព្រះហឫទ័យភាំងជាខ្លាំង ហើយតប់ប្រមល់ណាស់ » ។ ទ្រង់បានមានព្រះបន្ទូលថា « ចិត្តខ្ញុំព្រួយជាខ្លាំងសឹងតែនឹងស្លាប់ » ( ម៉ាកុស ១៤:៣៣–៣៤ ) ។
ទ្រង់បានអធិស្ឋានថា « ឱព្រះវរបិតាអើយ បើសិនទ្រង់សព្វព្រះហឫទ័យ នោះសូមយកពែងនេះចេញពីទូលបង្គំទៅ ប៉ុន្តែកុំតាមចិត្តទូលបង្គំឡើយ សូមតាមតែព្រះហឬទ័យទ្រង់វិញ ។
« នោះមានទេវតាលេចមកឯទ្រង់អំពីស្ថានសួគ៌ មកចម្រើនកម្លាំងថ្វាយ ។
« ហើយដោយទ្រង់កើតទុក្ខជាខ្លាំងបានជាទ្រង់អធិស្ឋានទទូចរឹតតែខ្លាំងឡើង ញើសទ្រង់ក៏ត្រឡប់ដូចជាដំណក់ឈាមដ៏ធំៗស្រក់ទៅដី » ( លូកា ២២:៤២–៤៤ ) ។
បន្ទាប់ពីព្រះអង្គសង្គ្រោះរងទុក្ខដ៏ខ្លាំងក្លានេះ យូដាសបានក្បត់ទ្រង់ ហើយពួកមន្ត្រីសាសន៍យូដា និងក្រុមទាហានពួករ៉ូមបានចាប់ទ្រង់ ។
សួនច្បារគែតសេម៉ានី ដោយ ម៉ៃឃល ម៉ម
© 2023 by Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly For the Strength of Youth Message, June 2023. Language. 19026 258