Mesazhi i Përmuajshëm për Revistën Për Forcën e Rinisë, Gusht 2023

Kërko Kuptueshmëri

Nga Plaku Ulises Soares,

i Kuorumit të Dymbëdhjetë Apostujve

Ulises Soares

Përshtatur nga një fjalim në konferencën e përgjithshme të prillit 2019.

grua me llambë me vaj

Ilustrimet nga Emily Jones

Qëllimi ynë ndërsa kërkojmë kuptueshmëri për ungjillin e Jezu Krishtit, duhet të jetë që ta rritim besimin te Perëndia dhe te plani i Tij hyjnor i lumturisë dhe te Jezu Krishti dhe flijimi i Tij shlyes dhe që të arrijmë një kthim të përhershëm në besim. Një besim dhe një kthim i tillë më i thellë në besim do të na ndihmojë që t’i bëjmë e t’i mbajmë besëlidhjet me Perëndinë, duke e forcuar kështu dëshirën tonë për ta ndjekur Jezusin dhe duke sjellë një shndërrim të çiltër shpirtëror brenda nesh. Ky shndërrim do të na sjellë një jetë më të lumtur, më frytdhënëse dhe më të shëndetshme dhe do të na ndihmojë që të mbajmë një këndvështrim të përjetshëm.

i ri duke lexuar shkrimet e shenjta

Për ta arritur këtë gjë, ne kemi nevojë të qëndrojmë me Jezusin duke e zhytur veten në shkrimet e shenjta, duke gjetur gëzim në to, duke mësuar doktrinën e Tij dhe duke u përpjekur fort për të jetuar ashtu si jetoi Ai. Vetëm atëherë do të arrijmë ta njohim Atë dhe ta dallojmë zërin e Tij, duke e ditur se ndërsa vijmë tek Ai dhe besojmë në Të, ne nuk do të kemi kurrë uri apo etje (shihni te Gjoni 6:35).

i ri duke u lutur

Kjo nuk ndodh rastësisht. Harmonizimi i vetes me ndikimet më të larta të perëndishmërisë nuk është një gjë e lehtë; ai kërkon t’i bëjmë thirrje Perëndisë dhe të mësojmë se si ta sjellim ungjillin e Jezu Krishtit në qendër të jetës sonë.

e re duke prekur zemrën e vet

Ju dëshmoj se kur kërkojmë ta kuptojmë e t’ia japim mësim njëri‑tjetrit ungjillin e Jezu Krishtit me zell, përzemërsisht, vendosmërisht dhe çiltërsisht, me qëllim të vërtetë dhe nën ndikimin e Shpirtit, këto mësime mund t’i shndërrojnë zemrat dhe të ndezin një dëshirë për të jetuar sipas të vërtetave të Perëndisë.

Kthimi në besim: Procesi i ndryshimit, përfshirë ndryshimin që ndodh kur vijmë te Krishti dhe i pranojmë e i ndjekim mësimet dhe urdhërimet e Tij.

Zhytja: Të qenit i përfshirë thellësisht në një veprimtari ose detyrë. Zhytje gjithashtu do të thotë që të kridhemi në një lëng, të tillë si uji. Kur pagëzohemi, ne pagëzohemi me anë të zhytjes.

Harmonizimi: Të jemi pranues ose të vetëdijshëm për diçka.

Me zell: Ta bëjmë diçka seriozisht me vendosmëri të çiltër dhe të fortë.

© 2023 nga Intellectual Reserve, Inc. All rights reserved. Shtypur në SHBA. Miratuar për anglisht: 6/19. Miratuar për përkthim: 6/19. Përkthim i Monthly For the Strength of Youth Message, August 2023. Albanian. 19046 101