“Eyom Edifiɔk,” Kabaŋa Nsɔŋɔnda eke Iwaad, Ɔfiɔŋ Itiaita 2023.
Ɔfiɔŋ-ke-ɔfiɔŋ Etop emi Enɔde ke Nsɔŋɔnda eke Iwaad, , Ɔfiɔŋ Itiaita 2023
Eyom Edifiɔk
Esiode eto ke etop eke akwa mbono April 2019.
Mme Edinam-anwaŋa otode Emily E. Jones
Ntak nnyin ke nte nnyin iyomde ifiɔk ikɔ Abasi Jesus Christ enyene ndidi man mbuɔtidem nnyin ɔkɔri ke Abasi ye ke edisana uduak inemesit Esie ye ke Jesus Christ ye ke uwa usio-isop Esie ndien man inyene edibigih nkabare-esit. Oruk nkɔri mbuɔtidem ye nkabare-esit oro eyenwam nnyin ndinam nyuŋ nim ediomi ye Abasi, ntre edisɔŋɔ udɔŋ nnyin editiene Jesus nyuŋ nwut ata ukpuhɔde ŋkpɔ-Abasi ke idem nnyin. Ukpuhɔde emi eyeda akwa inem, ufɔn, ye uwem nsɔŋidem osɔk nnyin ndien anwam ndinyene nsinsi idorenyin.
Man inyene emi, ana nnyin ibuɔtidem ke Jesus Christ ke edisin idem nnyin ke ŋwed Abasi, idaresit ke mmɔ, ikpep ikpɔ ukpepŋkpɔ Esie, inyuŋ idomo edidu uwem ntiene usuŋ emi Enye okodude. Ntre kpɔt ke nnyin idi-diɔŋɔ Enye inyuŋ idiɔŋɔ uyo Esie, idiɔŋɔ ite ke nte nnyin idide ibine Enye inyuŋ inim Enye ke akpanikɔ, ke nnyin idikopke biɔŋ mme nsatitɔŋ (se John 8;35).
Oro isitibeke ke idue-enyin. Ediyak idem nnyin nkesim mkpon-nkan odudu Abasi idige ekpri mbubehe, oro oyom edikot Abasi nyuŋ mkpep nte ididade ikɔ Abasi Jesus Christ isin ke ata-esit uwem nnyin.
Ami ntiŋ ikɔ ntiense nnɔ mbufo nte kini nnyin inehede, ke-ofuri-esit, isɔŋɔ, ndien inehede iyom edifiɔk ikɔ Abasi Jesus Christ ndien ikpep oto inɔ kiet eken ye eti ntak ye ke idak odudu Spirit, mme ukpepŋkpɔ ekeme edikpuhɔ mme esit onyuŋ esin udɔŋ man idu-uwem itiene mme akpanikɔ eke Abasi.
©2023 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Kabaŋa Nsɔŋɔnda eke Iwaad, Ɔyɔhɔ Ɔfiɔŋ Itiaita 2023. Language. 19046 553