Te rongorongo Ibukin Kakorakoraia Kairake ae Katoa Namwakaina, Aokati 2023

Ukoukora te Ataibwai

Iroun Unimwaane Ulisses Soares

Man te Kooram n Abotoro n te Tengaun ma Uoman

Ulisses Soares

Anaaki man te maroro n te maungatabu ni kabuta Eberi 2019.

aine ma oeran te taura

Kamataata n te tamnei iroun Emily Jones

Oin ara kantaninga ngkai ti ukora te reirei ao n reireia ana euangkerio Iesu Kristo e riai ibukin karikirakean ara onimaki iroun te Atua ao n Ana baaire ni kakukurei mai ieta ao iroun Iesu Kristo ao Ana karea ni kamaiu ao ni karekea te rairaki ae reitinako. Te onimaki ao te rairaki ae reitinako e buokiira ni karaoi ao ni kawakin ara berita ma te Atua, ao e kakorakora nanora ni kan iriira Iesu ao ni karekei bitaki aika a tamaroa inanora. Te bitaki aei e na anganiira te maiu ae kakukurei riki, ae nakoraoi ma te marurung ao ni buokiira ni kateimatoa te nonori ae akea tokina.

te ataeinimwaane ae wareware ni koroboki aika tabu

Ni karekean aei, ti riai ni kabaeira ma Iesu Kristo man teboakinan koroboki aika a tabu, kimwareirei inanona, n reiakin Ana tua, ao n teimatoa ni maiuakina arona ngke E maiu. Man anne ti na kina riki ao ni kina bwanaana, n ataia bwa ngkai ti nakoina ao ti kakoaua, ti na bon aki manga baki ke n taka. (taraa Ioane 6:35).

te ataeinimwaane ae tataro

Anne e aki maninnati. N anga ngaira ni butimwaai anainano aika a rietata n te aro n atua e aki bebete karaoana; tiaki te bwai ae e kai karaoaki, e kainnanoa ae ko na butiia te Atua ao n reiakinna bwa ko na kanga ni uota ana euangkerio Iesu Kristo nakon oin maiura.

ataeinnaine ae taua bwanibwanna

I kakoaua nakoimi bwa ngkana ti kamatoai, nanora, ae matoa ao ae koaua n ukora ao n reiakina ana euangkerio Iesu Kristo ao n reirei imarenara ma te kaantaninga ae koaua ao iaan ana kairi te Tamnei, anga reirei aikai a na kona ni bitii naano ao ni kaungaa te nano ni maiu ni kaineti ma ana koaua te Atua.

Te rairaki: Wakin te onikaki, e raonaki n te bitaki are e riki ngke ko nakon Kristo ao ko butimwaai ao n iriiri Ana reirei ao ana tua.

Inako inanon: Ni kabaeaki inanon waaki ni kakukurei ke te mwakuri. Kateboaki e nanonaki naba n te tebonako inanon te mwaimwai, n aron te ran. Ngkana ti bwabetitoaki, ti bwabetitoaki man te kateboaki.

Kakauongo raoi: Ni butimwaea ke n ata te bwai teuana.

Kanakoa mai kabin nanom: Ni karaoan te bwai teuana ni baneakinna ma nanom ao korakoram ni kan katia.

© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly For the Strength of Youth Message, August 2023. Language. 19046 859