Mukenji wa ku Ngondu Bua Dikankamika dia Bansonga Ngondu wa Muanda Mukulu 2023

Keba Lumvu

Kudi Mukulu Ulisses Soares

Wa mu Mpuilu wa Bapostolo Dikumi ne Babidi

Ulisses Soares

Biangata ku diyisha dia mu mpuilu munena wa Ngondu Muinayi 2019

mukaji ne mafuta a muinda

Bimfuanyi bia kudi Emily Jones

Kipatshila ketu mu kukeba lumvu lua lumu luimpa lua Yezu Kilisto kadi kikala bua kuvudija ditabuija dietu mu Nzambi ne mu dilongolola dia bunzambi Dienda dia disanka ne mu Yezu Kilisto ne mulambu Wenda wa bupikudi ne kukumbaja ndekelu wa dikudimuna moyo. Ditabuija divula ne dikudimuna moyo edi nebituambuluisha bua kuenza ne kulama bipungidi ne Nzambi, ne bidi bikankamika dijinga dietu dia kulonda Yezu ne dishintuluka dishuwa dia mu nyuma mu tuetu. Dishintuluka edi neditutuadila disanka divula, bipeta bimpa, ne moyo wa bukole bua mubidi ne nedituambuluisha bua kulama dienza dia bimpa tshiendelela.

nsongaluma ubala mifundu

Bua kukumbaja etshi, tudi dijinga ne kushala mu Yezu Kilisto mu kudinyisha mu mifundu, kusankilamu, kulonga dilongesha dienda, ne kuluangana bua kuikala muvuaye. Apu pashishe netufika ku Dimumanya ne kujandula dîyi Dienda, kumanya ne bu mutudi tulua Kudiye ne Tumuitabuija, katuakupeta nzala nansha nyota to.(tangila Yone 6:35).

nsongaluma usambila

Atshi katshiena tshienzeka ku mpuka mpuka. Kudifila ku buenzeji bukulu bua lusa ki mbualu bupepela nansha, bidi bilomba dibikidibua kudi Nzambi ne kulonga mushindu wa kutuala lumu luimpa lua Yezu Kilisto munkatshi mua mioyo yetu.

nsongakaji ulenga mutshima wenda

Ndi nnujadikila ne, patudi tukeba lumvu lua lumu luimpa lua Yezu Kilisto mu bushuwa, ne moyo mujima, ne lulamatu, ne bulelela ne tululongeshangana umua ne mukuabu ne kipatshila kalelela ne mu buenzeji bua Nyuma, malongesha â adi mua kushintulula mioyo ne kutunungena dijinga dia kuenza malu bilondeshela bulelela bua Nzambi.

Dikudimuna moyo: Njila wa dishintuluka, udi ulomba dishintuluka didi dienzeka mu kulua kudi Kilisto ne kuitaba ne kulonda malongesha ne mikenji bienda.

Kuinyisha: Kubuejibua mu mudimu anyi mu tshienzedi. Kuina kudi kabidi kumvuija kudinyisha mu bintu bienguluka, bu mudi mâyi. Patudi batambuishibua, tudi batambushibua mu kuinyishibua.

Kudifila: Bua kupeta anyi kumanyishibua ku bualu kampanda.

Mu bushuwa: Bua kuenza bualu mu bulelela ne tshishiki ne diandamuna dikole.

© 2023 kudi Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, August 2023. Language. 19046 760