Osiik a Klemedengei

Mla er a Elder Ulisses Soares

Er a Chelechad er a Teruich me a Terung el Apostol

Mlengai er sel klumech er a Ongeua el buil 2019 klou el ongdibel.

A moktek er kid sel dosiik el mo medengelii a ebangkelio er a Jesus Kristo a mo melisiich er a klaumerang er kid er a Dios me a chedaol moktek er a deurreng er Ngii me a Jesus Kristo me a tenget er Ngii e mo nguu a mui el bult. Tiaikid el mesisiich el klaumerang me a bult a mo ngosukid el meruul e oltirakl a telbiled lobengkel a Dios, el uchul eng mo mesisiich a blakerreng er kid el mo oltirakl er a Jesus me a belted a kmal mo chedaol. Tiaikid el bult a mo meskid a deurreng, me a klungiaol, me a klengar kid a mo mesisiich e ngosukid el ngmai osenged el bedul a diak a ulebengelel klengar.

ngeasek el sechal el menguiu chedaol llechukl

Me sel bo denguu tiang, eng kired el oltirakl er a Jesus Kristo sel blak a rengud el mesuub a chedaol llechukl, dmeu a rengud el kirel, mesuub a Osisecheklel, e kiei el di uai ngii er a lekiei. Seikid a di ta el rolel e kid a mo Medengelii, Jesus Kristo, e mtebngar otto er a Ngerel, el medengei el kmo sel de bo er Ngii e doumera er Ngii, eng diak bo desengerenger me a ka bol meched a rengud (mesa Johanes 6:35).

Tiang a diak el dil keberul el dubech. A dosmechokl er kid el mo er sel kot el ngarbab el teletael er a kledios a diak el beot el tekoi; ng kired el mo ultuil er a Dios e mesuub el kmo kede mekera e nguu ebangkelio er a Jesus Kristo el mo cheberdil a rengud.

A kuuchais er kemiu el kmo sel meral blak a rengud, e meral ngar er ngii er a rengud, e demesisiich, desemeriar lolisechakl er a ebangkelio er a Jesus Kristo loba meral moktek e dultuil er a odbechel Chedaol Reng, e a ika el osisiechakl a soiseb er a rengud e omekellomes el mo kiei loltirakl a klemerang er a Dios.

© 2023 lokiu Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel ra Monthly For the Strength of Youth Message, August 2023. Language. 19046 881