Padahk en Sounpwong Kan Ohng Kakehlepen me Pwulopwul Oahkos 2023

Rapahki Kamarain

Sang Elder Ulisses Soares

Sang Pwihn en Wahnpoaron Ehk Riemeno

Ulisses Soares

Sang ehu padahk nan kapokon lap en Epreil 2019.

lih kolokol lamp me doadoahngki oail

Mahlen kan sang Emily E. Jones

Kahrepen atail rapahki kamarainpen rongamwahu en Sises Krais anahne iei pwehn kalaudehla atail pwoson Koht oh Sapwelime koasoandi en popohl oh Sises Krais oh Sapwelime tohnmetei en tomw oh pwehn alehdi weliakapw poatoapoat. Soangen kalaudlahn pwoson oh weliakapw wet pahn sewese kitail en wiahda oh kolokol inou kan ohng Koht, oh kakehlaka atail ineng en idawehn Sises oh wiahda weliakapw mehlel en palingenitail. Weliakapw wet pahn wadohng kitail mour mwahu me diren popohl oh pweida mwahu, oh sewese kitail en kolokol marain poatoapoat.

pwutak pwulopwul men wadwadek pwuhk sarawi kan

Pwe met en pweida, kitail anahne idawehn Sises Krais sang atail pahn peinduhla nan pwuhk sarawi kan, pereperenkin irail, kasukuhlki Sapwelime padahk, oh nantiheng momour duwehte Ah ketin ieiaso. Ma kitail wia met ih atail pahn wehwehkihla Ih, kak kasawihada Kepitie, esehla me ansou me kitail pahn kohdo Reh oh kamehlele Ih, kitail pahn sohla men mwengehda de men nimpilda (kilang Sohn 6:35).

pwutak pwulopwul wie kapakap

Met sohte kin katiala wiawi. Kainenehong pein kitail ohng doadoahk laud akan en pwoson sohte mengei; ekin anahne lukwerieng Kauno oh esehla duwen wahdo rongamwahu en Sises Krais nan atail mour.

emen serepein pwulopwul doahke nan mwarmware

I kadehde ohng kumwail me ansou kitail ngoangki, loalehiong, kehlailki, oh inangih rapahki ni mehlel pwehn wehwehkihla rongamwahu en Sises Krais oh kasukuhl ki ohng emen ni kahrepe mehlel oh pahn manaman en Ngehno, kasukuhl pwukat kak wekidala mohngiong oh kainangih ineng en momourki mehlel kan en Koht.

Weliakapwala: Kadoahkepen wekidekla, iangahki wekidek me kin wiawi ansoun kohdo rehn Krais oh alehda oh idawehn Sapwelime padahk kan oh kosonned kan.

Duhla: Wie doadoahk loal nan ehu kemwekid de pwukoah. Duhla pil wehwehki duhdi nan wisekesek, me duwehte pihl. Ansou kitail pepdaisla, kitail pepdaisla sang ni kaduhdi.

Kainene: Pwehn kekehn de tehtehk wasa.

Ngoangki: Pwehn wia mehkot ni mehlel sang ni inangih oh ngihtehte.

© 2023 sang Intellectual Reserve, Inc. Pwuhng koaros kolkoldier. Intingda nan USA. Kamanaman ohng ni Lokaiahn Wai: 6/19. Kamanaman ohng kawehwe: 6/19. Kawehwe pen Padahk en Sounpwung kan Ohng Kakehlepen Me Pwulepwul, Oahkos 2023. Language. 19046 885