“Ita Nagungaren ni Cristo,” Para iti Pigsa dagiti Agtutubo, Sept. 2023.
Binulan a Mensahe ti Para iti Pigsa dagiti Agtutubo , Septiembre 2023
Ita Nagungaren ni Cristo
Ammuen no ania ti insuro ni Apostol Pablo maipapan iti Panagungar ni Jesucristo.
Ti Nagungar a Cristo, ni Wilson J. Ong
ita nagungaren ni Cristo manipud kadagiti natay
Natay ni Jesucristo iti krus, naipan iti maysa a tanem, ken nagungar manipud kadagiti natay iti maikatlo nga aldaw.
umuna a bunga dagiti naturog
Ti nausar a balikas a Griego ditoy ket umuna a bunga (firstfruits) a kaipapananna ti kaunaan nga apit ti tawen. Daytoy ti umuna a maapit—ti umuna kadagiti ad-adu pay a sumangbay.
Ti ragup ti balikas nga isuda a naturog kayatna a sawen ti “isuda a natayen.”
Ni Jesucristo ti immuna a nagungar, ket kalpasan ti Panagungarna, agungarto ti amin a tattao.
Babaen iti tao umay ti ipapatay
Sarsaritaen daytoy ti maipapan ken Adan. Ti pannakatnagna ket kayatna a sawen a matay amin a tattao nga umay ditoy lubong. (Kitaen iti Moises 4).
ken ni Cristo mapagbiagto ti amin
Gapu iti Panagungar ni Jesucristo, agungarto ti amin a tao. Kayatna a sawen a mapagungarto ti tunggal maysa a nagbiag wenno agbiagto pay laeng. Makitiponto manen dagiti espiritutayo kadagiti bagitayo, ket agbalinto a naan-anay ken imortal ti bagitayo. (Kitaen iti Alma 11:43–45.)
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, September 2023. Language. 19047 864