“Seesei Kristo Asɔre,” Mmabunu Ahoɔden Nti, Ɛbɔ 2023
Bosome bosome Mmabunu Ahoɔden Nti Nkransɛm, Ɛbɔ 2023
Seesei Kristo Asɔre
Sua deɛ Ɔsomafoɔ Paulo kyerɛkyerɛ faa Yesu Kristo Wusɔreɛ ho.
Kristo a Wasɔre no, ɛfiri Wilson J. Ong hɔ
Seesei Kristo asɔre afiri owuo mu
Yesu Kristo wuu wɔ asɛnnua no so, wɔde no too damena mu, na ɔsɔre firii owuo mu ne nnansa soɔ.
wɔn a wɔdedaeɛ no aduabakan
Greekfoɔ kasa a wɔde dii dwuma wɔ ha maa aduabakan kyerɛ afe no mu nnɔbaeɛ a ɛba ntɛm pa ara. Ɛno na wɔdi kan twa—deɛ ɛdi bebree a ɛbɛba no kan.
Kasasini wɔn a wɔdedaeɛ kyerɛ “wɔn a wɔawuwuo.”
Yesu Kristo na wɔdii kan nyanee no, na Ne Wusre akyiri no, wɔbɛnyane nnipa nyinaa.
owuo nam onipa so na ɛbaeɛ
Yei rekasa fa Adam ho. N’ahweaseɛ no kyerɛɛ sɛ nnipa a wɔbɛba wiase nyinaa bɛwu. (Hwɛ Moses 4.)
Wɔ Kristo mu wɔbɛma nnipa nyinaa anya nkwa.
Ɛnam Yesu Wusɔreɛ nti, wɔbɛnyane nnipa nyinaa. Ɛno kyerɛ sɛ wɔbɛnyane obiara a watena ase pɛn anaa ɔbɛtena asee da. Yɛn honhom ne yɛn nipadua bɛsane aka abom, na yɛ nipadua bɛwie pɛyɛ a ɛrenwu bio. (Hwɛ Alma 11:43–45.)
© 2023 by Intellectual Reserve, Inc. All rights reserved. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ ma Bosome bosome Ma Mmabunu Ahoɔden Nkransɛm. Language. 19047 000