“Tekem Spirit Olsem Gaed blong Yu,” Blong Ol Yut Oli Kam Strong, Oktoba 2023.
Mesej Blong Ol Yut Oli Kam Strong blong Evri Manis, Oktoba 2023
Tekem Spirit Olsem Gaed blong Yu
I kam long wan toktok blong jeneral konfrens blong Epril 2017
Papa blong yumi long Heven i save se long laef long wol ia, bae yumi go tru ol jalenj, ol trabol, mo konfius; Hem i save se bae yumi traehad wetem ol kwestin, tingting we i foldaon, temtesen, mo ol wiknes. Blong givim yumi paoa long wol ia, mo blong i soem rod long yumi, Hem i bin givim Tabu Spirit.
Long tabu wok ia, Spirit i givim insperesen, i testifae, i tijim, i toktok kwaet long yumi blong wokbaot long laet blong Lod. Yumi gat tabu responsabiliti ia blong lanem blong luksave paoa blong Hem insaed long laef blong yumi mo ansa long hem.
?Olsem wanem nao yumi mekem hemia?
Faswan, yumi traehad blong laef klin inaf blong Spirit i stap wetem yumi.
Nambatu, yumi mas wantem blong kasem Spirit.
Nambatri, yumi mas luksave Spirit taem Hem i kam.
Nambafo, yumi mas tekem aksen folem fas filing we i pusum yu blong mekem samting.”
Bae yumi tekem singaot blong Lod i series blong “stap glad, from we bambae mi lidim yufala i go” (Doktrin mo Ol Kavenan 78:18). Hem i lidim yumi tru long Tabu Spirit. Letem yumi laef kolosap long Spirit, blong stap tekem aksen kwik folem ol filing we i pusum yumi blong mekem samting, mo blong save se ol filing ia oli kam long God. Mi serem witnes abaot paoa blong Tabu Spirit blong i gaedem yumi, protektem yumi, mo oltaem stap wetem yumi.
© 2023 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Monthly For the Strength of Youth Message, October 2023. Language. 19048 852