Etinda ya sanza ya Mpo na Bokasi ya Bilenge, Sanza ya Zomi 2023

Zwa Molimo mpo na Bokambi na Yo

Na Mpaka Ronald A. Rasband

Ya Lisanga Likoki ya Bapostolo Zomi na Mibale

Uta na Lisukulu ya likita linene ya Sanza ya Minei 2017.

Tata na biso na Lola ayebaki ete na bokufi tokokutana na mikakatano, bolozi, mpe mobulu; Ayebaki tokobunda na mituna, mawa, komekama, mpe botau. Mpo na kopesa biso bokasi ya kufa mpe bokambi ya bonzambe, Apesaki Molimo Mosantu.

Na mosala ya bonzambe, Molimo afulaka, atatolaka, ateyaka, mpe atindikaka biso totambola na pole ya Nkolo. Tozali na mokumba ya bule ya koyekola koyeba bopusi na Ye na bomoi na biso mpe koyanola.

Lolenge nini tokosala yango?

Ya yambo, tosalaka makasi mpo na kozala na bomoi oyo ebongi na Molimo.

Ya mibale, tosengeli kondima kozwa Molimo.

Ya misato, tosengeli koyeba Molimo ntango ayaka.

Ya minei, tosengeli kosala na kolandaka nungunungu ya yambo.

Tika ete tozwa na motuya libiangi ya Nkolo mpo na “kozala na esengo, mpo ete nakokamba bino” (Malongi mpe Mayokani 78:18). Akambaka biso na nzela ya Molimo Mosantu. Tika ete tofanda penepene na Molimo, kosalaka nokinoki na banungunungu na biso ya yambo, koyebaka ete euti na Nzambe. Natatoli nguya ya Molimo Mosantu mpo na kokamba biso, kobatela biso, mpe kozala ntango nyonso elongo na biso.

Bililingi na Corey Egbert

Tosa mibeko ya Nzambe, yekola makomi, sambela, kende na tempelo.

Kende mokolo na mokolo na mokano ya koyoka Molimo.

Yekola lolenge nini Molimo azali kosolola na yo. Mongongo ya Molimo Mosantu ezali kimya mpe moke.

Sala engebene na banungunungu. Yango wana mbala mingi, ezali Molimo oyo azali kofula biso mpo na kosalisa moto oyo azali na mposa.

© 2023 na Intellectual Reserve, Inc. Makoki manso mabatelami. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly For the Strength of Youth Etinda, Sanza ya zomi 2023. Language. 19048 639