“Nka Moea Bakeng sa Tataiso ea Hau,” Bakeng sa Matlafalo ea Bacha, Mphalane 2023
Molaetsa oa Khoeli Bakeng Sa Matlafalo ea Bacha, Mphalane 2023
Nka Moea Bakeng sa Tataiso ea Hau
Ho tsoa ho seboka se akaretsang sa ´Mesa 2017.
Ntat´a rona ea Maholimong o ile a tseba hore lefats´eng re tla kopana le liqholotso, mats´oenyeho, le moferefere; O ile a tseba hore re tla loana le lipotso, lits´oabo, liphephetso le bofokoli. Ho re fa matla le tataiso ea bomolimo, O fane ka Moea o Halalelang.
Ka thomo ea bomolimo, Moea oa bululela, oa paka, oa ruta,´me o re susumetsa ho tsamaea khanyeng ea Morena. Re na le boikarabelo bo halalelang ba ho ithuta ho hlokomela ts´usumetso ea Hae bophelong ba rona ´me re arabele.
Re etsa seo joang?
Ea pele, re leka ho phela re lokeloa ke Moea.
Ea bobeli, re tlameha ho ba le boikemisetso ba ho amohela Moea.
Ea boraro, re tlameha ho elelloa ha Moea o tla.
Ea bone, re tlameha ho nka khato ho ts´usumetso ea pele.
Ha re nkeng pitso ea Morena ka tieo ea “thabang ke hona, hobane ke tla le etella pele” (Lithuto tsa Tumelo le Lilekane 78:18). O re etella pele ka Moea o Halalelang. Ha re pheleng haufi le Moea, re nkeng khato ka potlako ho lits´usumetso tsa pele, ka ho tseba hore li tsoa ho Molimo. Ke beha bopaki ba matla a Moea o Halalelang ho re tataisa, ho re ts´ireletsa, le ho ba le rona kamehla.
© 2023 by Intellectual Reserve, Inc. All rights reserved. E hatisitsoe USA. Tumello ea Sekhooa: 6/19. Tumello ea Phetolelo: 6/19. Phetholelo ea Monthly For the Strength of Youth Message, October 2023. Language. 19048 739