“Mu fek fare Thothup ni nge Powi’iyem,” Fan ko Gelngin e Pi’in ni Fal’yangren, Oct. 2023.
Mulwol ni Ngan Thapeg ko Biney e Pul ni Fan ko Gelngin e Pi’in ni Fal’yangren ko, October 2023
Mu fek fare Thothup ni nge Powi’iyem
Chitamangdaed nu Tharmiy e manang ni gadaedra gafgow u fayleng; manang ni bo’or e pi n’en ni gadaedra duwer nag, kirbaen’ daed ngay, lumel ni bo’or, nge mo’owar. Fa’anra nge yib ngelngin daed nge thothup ni nge powi’iydaed, aram fan nike pii’ fare Kan ni Thothup ni nge rrin’ e biney.
U dakean fare muruwel rok’ nib thothup, fare Thothup e ma thogthog ngodaed, ma kuma machib ngodaed, ma kuma powi’iydaed ni ngaed daroed u fithikʼ e tamilang rokʼ Somoel. Bay e muruwel rodaed ni ngaed poyed ma gadaed thamiy fare Thothup ulan e yafos rodaed.
U rogon ningad rrin’ed biney?
Bin somm’on, e thingar da pired nib fel’ thawingindaed nifan fare Thothup.
Bin migid ngay, e thingar da adaged ni ngad thapagned fare Thothup.
Bin dalip, e thingar da poyed fare Thothup ko napan nira yib.
Bin aningeg, e thingar da rrin’ed fare bin somm’on e thogthog nike pii’ ngodaed.
Ma gadaed fol ko fare mulwol rok’ Somoel ni nge “mu falfalan’, ya gu ra powi’iyem iyaen”(Doctrine and Covenants 78:18). Ma powi’iydaed u dakean fare Kan ni Thothup. Da pired ni gadaed ba chuchugur ngak fare Thothup, ni gadaed be rrin’ fapi n’en nibe thogthog nag, ni yi manang ni ke yib rok’ Got. Gube micheg fare gelngin fare Kan ni Thothup ni nge powi’iy daed, me yiroriy daed, ni gubin ngiyal’ ma be par rodaed.
© 2023 ko Intellectual Reserve, Inc. Gubin ni mat’won ma bay. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyegthin ko Mulwon ni Fan ko Gelngin e Pi’in ni Fal’yangren ko biney e puul ko, October 2023. Language. 19026 905