“Karekea Iroum te Tamnei ae Raoiroi bwa Am Tia Kairi,” Ibukin Kakorakoraia Kairake, Okitobwa. 2023.
Te Rongorongo Ibukin Kakorakoraia Kairake Katoa Namwakaina, Okitobwa 2023
Karekea Iroum te Tamnei ae Raoiroi bwa Am Tia Kairi
E a kaman ataia Tamara are Ikarawa bwa ti na kaitara ma kakaewenako, kangaanga, ao te mangaongao n te maiu ae mamate; E kaman ataia naba bwa ti na kaiangatoa ma taian titiraki, unra, kaririiaki, ao te mamaara. Ibukin anganakira te korakora n rabwata ao te kairi mai karawa, E katauraoa te Tamnei ae Raoiroi.
Taben te Tamnei mai ikarawa, bwa e na kairiira, e na kakoauaa, e na reireiniira, ao e na wirikirikiniira bwa ti na nakonako inanon Otan te Uea. Iai mwiokoara ae moan te tabu bwa ti na reiakina ao n kinaa Ana kairiiri inanon maiura ao ni kona ni kaeka.
Ti na kanga ni karaoa anne?
Te moan, ti riai ni kekeiaki ni maiuakina te kororaoi ibukin karekean te Tamnei.
Te kauoua, ti riai n tauraoi ni butimwaea te Tamnei.
Te kateniua, ti riai ni kinaa raoi te Tamnei ngkana e roko.
Te kaaua, ti riai ni mwakuria te moan wirikiriki.
Ti riai ni karaua raoi n iangoa ana wewete te Uea are kangai “kukurei, bwa N na kaiririko i nanon kawaim” (Reirei ao Berita aika Tabu 78:18). E kairiira rinanon te Tamnei ae Raoiroi. Ti riai ni maeka ni kaan ma te Tamnei, mwakuria te moan wirikiriki are roko iroura, n ataia raoi bwa e bon roko mai iroun te Atua. I kaota au kakoaua bwa mwaakan te Tamnei ae Raoiroi e kairiira, kamanoira, ao ni maeka ma ngaira.
© 2023 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly For the Strength of Youth Message, October 2023. Language. 19048 859