“Take the Spirit for Your Guide,” For the Strength of Youth, Oct. 2023.
ຂ່າວສານປະຈຳເດືອນ For the Strength of Youth, ເດືອນຕຸລາ 2023
ໃຫ້ພຣະວິນຍານເປັນຜູ້ນຳທາງຂອງເຈົ້າ
ພຣະບິດາຜູ້ສະຖິດຢູ່ໃນສະຫວັນຂອງເຮົາຮູ້ວ່າ ໃນຄວາມເປັນມະຕະ ເຮົາຈະປະເຊີນກັບຄວາມທ້າທາຍ, ຄວາມທຸກຍາກລຳບາກ, ແລະ ຄວາມວຸ້ນວາຍ; ພຣະອົງຮູ້ວ່າເຮົາຈະຕ້ອງຕໍ່ສູ້ກັບຄຳຖາມ, ຄວາມຜິດຫວັງ, ການລໍ້ລວງ, ແລະ ຄວາມອ່ອນແອ. ເພື່ອມອບກຳລັງທາງມະຕະ ແລະ ການນຳພາແຫ່ງສະຫວັນໃຫ້ແກ່ເຮົາ, ພຣະອົງໄດ້ປະທານພຣະວິນຍານບໍລິສຸດ.
ໂດຍວຽກງານມອບໝາຍແຫ່ງສະຫວັນ, ພຣະວິນຍານດົນໃຈ, ເປັນພະຍານ, ສິດສອນ, ແລະ ກະຕຸ້ນເຕືອນເຮົາໃຫ້ເດີນໄປໃນຄວາມສະຫວ່າງຂອງພຣະຜູ້ເປັນເຈົ້າ. ເຮົາມີໜ້າທີ່ຮັບຜິດຊອບທີ່ສັກສິດໃນການຮຽນຮູ້ທີ່ຈະຮູ້ຈັກອິດທິພົນຂອງພຣະອົງ ໃນຊີວິດຂອງເຮົາ ແລະ ຕອບສະໜອງ.
ເຮົາຈະເຮັດເຊັ່ນນັ້ນໄດ້ຢ່າງໃດ?
ກ່ອນອື່ນ, ເຮົາພະຍາຍາມດຳລົງຊີວິດໃຫ້ມີຄ່າຄວນຕໍ່ພຣະວິນຍານ.
ສອງ, ເຮົາຕ້ອງເຕັມໃຈທີ່ຈະຮັບເອົາພຣະວິນຍານ.
ສາມ, ເຮົາຕ້ອງຮູ້ຈັກພຣະວິນຍານເມື່ອພຣະອົງມາ.
ສີ່, ເຮົາຕ້ອງເຮັດຕາມການກະຕຸ້ນເຕືອນເທື່ອ ທຳອິດ.
ຂໍໃຫ້ເຮົາຈົ່ງຮັບເອົາການເອີ້ນຂອງພຣະຜູ້ເປັນເຈົ້າດ້ວຍຄວາມຈິງໃຈ ແລະ “ເບີກບານເຖີດ, ເພາະເຮົາຈະນຳພາເຈົ້າໄປ” (ຄຳສອນ ແລະ ພັນທະສັນຍາ 78:18). ພຣະອົງນຳພາເຮົາໂດຍພຣະວິນຍານບໍລິສຸດ. ຂໍໃຫ້ເຮົາຈົ່ງດຳລົງຊີວິດຢ່າງໃກ້ຊິດກັບພຣະວິນຍານ, ເຮັດຕາມການກະຕຸ້ນເຕືອນທຳອິດຂອງເຮົາຢ່າງວ່ອງໄວ, ໂດຍຮູ້ວ່າມັນມາຈາກພຣະເຈົ້າ. ຂ້າພະເຈົ້າເປັນພະຍານເຖິງອຳນາດຂອງພຣະວິນຍານບໍລິສຸດ ໃນການນຳທາງເຮົາ, ປົກປ້ອງເຮົາ, ແລະ ຢູ່ກັບເຮົາຕະຫລອດເວລາ.
© 2023 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, October 2023. Language. 19048 331