Mukenji wa ku Ngondu wa Liahona, Ngondu Muitanu 2023
Makalenga a Butumbi
Tshikepeshelu
Madagascar
Dibuluila dia dilongesha dia Ekelezia mupingajilula wa Yezu Kilisto wa Basantu ba Matuku a Ndekelu didi dilongesha ne bana bonsu ba Nzambi—ne masunguluja mashikila a kutangila panu—ku nshikidilu, nebabuela mu bumue bua makalenga a butumbi, nansha wa mukese udi mupita lumvu lonsu [Dilongesha ne Bipungidi 76; 89]. …
Dilongesha dikuabu dia pa buadi pamua ne bienzedi bia Ekelezia mupingajilula ndia mikenji mibuluibua ne bipungidi bidi bipesha bana bonsu ba Nzambi mapa a tshijila bua kufika bua kupeta tshipidia tshinena tshia butumbi mu bukalenga bua selestiya. Muaba wa ndekelu munene awu—dizanjikibua mu bukalenga bua selestiya—tshidi lumonu lua Ekelezia wa Yezu Kilisto wa Bansantu ba Matuku a Ndekelu. …
… mu butumbi bua “selestiya” mudi bipidia bisatu, ne tshibipia tshidi tshila ku bionsu ntshia dizanjikibua mu bukalenga bua selestiya. …
Dilongolola dia Nzambi, dibakibua pa bulelela bua tshiendelela, didi dileja ne, dizanjikibua didi mua kukumbajibua amu kupitshila ku lulamatu ku bipungidi bia dibaka dia tshiendelela pankatshi pa muntu muluma ne mukaji mu ntempelo wa tshijila, dibaka didi dikumbanyina bena lulamatu bonsu. …
Tshilumbuluidi tshia Ndekelu katshiena amu bua kupima malu onsu a mimpa ne a mabi —atuvua benza to. Tshidi tshishindamena mu tshipeta tshia ndekelu tshia bienzedi ne meji etu—a mushindu utudi balua. Tudi tupeta moyo wa tshiendelela kupitshila ku dikudimuna dia moyo. …
Kupitshila kudi Yezu Kilisto ne bupikudi buenda, patudi tupona mu moyo ewu, tudi mua kukudimuna mutshima ne kupingana mu njila wa tshipungidi udi uleja bidi Tatu wetu wa mu diûlu utujingila.
© 2023 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, November 2023. Language. 19050 760