Shoko reMwedzi Woga Woga reLiahona, Chivabvu 2023
Mufambidzani Wedu Nguva Dzose
Zvikamu Zvakatorwa
Tinoda, uye unozoda, hufambidzani hwenguva dzose hweMweya Mutsvene. Zvino, tinohuda, asi zvakadaro tinoziva kubva muzviitiko kuti hazvisi nyore kubudirira pazviri. Mumwe nemumwe wedu anofunga anokutaura uye anokuita zvinhu muupenyu hwedu hwezuva nezuva zvinokwanisa kugumbura Mweya.
Apo izvozvo pazvinokaitika, sezvo zviri zvinozoitika, tinogona kunzwa kurangwa kubva kuna Ishe. Uye tinogona kuyedzwa kunzwa sekuti tiri toga. …
Kana ukazviwana uchinetseka kunzwa Mweya Mutsvene, ungangofungisisa kana paine chimwe chinhu chaungatendeuka pachiri uye ugogamuchira ruregerero. Unokwanisa kunamata nerutendo uzive zvokuita kuti ucheneswe uye nokudaro ugovapadyo nokukodzera hufambidzani hwenguva dzose hweMweya Mutsvene.
Kana uchida kugamuchira hufambidzani hweMweya Mutsvene, unofanira kuhuda nezvikonzero zvakanaka. Zvinangwa zvako zvinofanirwa kuva zvinangwa zvaIshe. Kana zvinangwa zvako zviri zvakanyanya undingoveni, unozowana zvakaoma kugamuchira nekunzwa femero yeMweya.
Chinhu chikuru kwandiri uye kwauri ndechekuda izvo Muponesi zvaanoda. Zvinangwa zvedu zvinofanira kukurudzirwa nerudo rwakarurama rwaKristu. .…
… Mweya Mutsvene uri kutumirwa kunhengo dzechibvumirano dzakatendeka dzeChechi yaJesu Kristu. Zvino, zviitiko zvako zvinozova zvakasiyana nezvimwe, uye Mweya unozotungamira nemunzira yakanyatsokodzera rutendo rwako nekwaniso yako yekugamuchira zvakazarurwa zvako iwe uye zveavo vaunoda nokushandira. Ndinonamata nemwoyo wangu wose kuti chivimbo chenyu chinozokura.
© 2023 ne Intellectual Reserve, Inc. All rights reserved. Chakadhindwa muUSA. Mvumo yemuChirungu: 6/19. Mvumo yeDudziro: 6/19. Dudziro yeMonthly Liahona Message, November 2023.Language.19050 731