Bulanan nga Mensahe sang Para sa Kusog sang mga Lamharon, Disyembre 2023

Ang Patay Maga-atubang sa Dios

Sa iya rebelasyon, nakita ni Juan ang Katapusan nga Paghukom.

He Comes Again to Rule and Reign [Magaabot Sia Liwat sa Pagpamuno kag sa Paghari], ni Mary Sauer.

Bugna 20:12

Kag nakita ko ang mga patay, ang dalagko kag magagmay, nga nagatindog sa atubangan sang [Dios]; kag ang mga tulun-an ginbukad: kag isa naman ka tulun-an ginbukad, nga amo ang tulun-an sang kabuhi: kag ang mga patay ginhukman bangod sa nasulat sa mga tulun-an, suno sa ila binuhatan.

ang mga patay, ang dalagko kag magagmay, nga nagatindog sa atubangan sang Dios

Ang gahum sang Pagkabanhaw ni Jesucristo nagadala sang tanan nga tawo sa presensya sang Dios agud hukman (tan-awa sa Alma 11:42–44; 33:22; 40:21; Helaman 14:15–17; Mormon 9:13–14).

ang mga tulun-an ginbukad

Ining mga tulun-an nagarepresentar sang mga rekord nga gintipigan sa duta sang kon ano ang ginhimo sang mga tawo sa duta agud sundon ang dalan sang kasugtanan (tan-awa sa Doktrina kag mga Kasugtanan 128:7).

ang tulun-an sang kabuhi

“Sa isa ka kahulugan ang Libro sang Kabuhi amo ang kabug-osan sang mga panghunahuna kag mga binuhatan sang isa ka tawo—ang rekord sang iya kabuhi. Apang, ang balaan nga mga kasulatan nagapakita man nga may ginatago nga langitnon nga rekord sang mga matutom, pati ang ila mga ngalan kag mga panaysayon sang ila matarong nga mga binuhatan” (Giya sang Balaan nga mga Kasulatan, “Libro sang Kabuhi,” scriptures.ChurchofJesusChrist.org).

ginhukman

Ang Katapusan nga Paghukom magaabot pagkatapos nga ang mga tawo mabanhaw. Si Jesucristo ang mangin Hukom sang tagsa ka tawo. Ining paghukom magapat-od sang walay katapusan nga himaya nga pagabatonon sang kada tawo. (Tan-awa sa Guide to the Scriptures, “Judgment, the Last,” scriptures.ChurchofJesusChrist.org; Alma 41:3–5; Doktrina kag mga Kasugtanan 88:26–32.)

suno sa ila mga binuhatan

Ang kada tawo pagahukman suno sa ila ginhimo kag kon ano ang ila ginhandum (tan-awa sa Doktrina kag mga Kasugtanan 137:9). Pagahukman sila kon bala nangin matinumanon sila sa mga kasugoan sang Dios kag nag-akto santo sa ano man nga kasanag kag kamatuoran nga ila nabaton sa sini nga kabuhi.

© 2023 by Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, December 2023. Language. 19049 861