“Ro Remej Renaaj Jutak Im̧aan Mejān Anij,” N̄an Kōkajoorļo̧k Jodikdik ro, Tij. 2023.
Ennaan eo an N̄an Kōkajoorļo̧k Jodikdik ro Kajjojo Allōn̄, Tijem̧ba 2023
Ro Remej Renaaj Jutak Im̧aan Mejān Anij
Ilo revelesōn eo an Jon, Jon ekar lo Ekajet eo Āliktata.
Ej Itok Bar Juon Alen n̄an Kiene im Irooj, jān Mary Sauer
ro remej, reddik im ļap, rej jutak im̧aan mejān Anij
Kajoor eo an Jerkakpeje eo an Jisōs Kraist ej bōktok aolep armej n̄an im̧aan mejān Anij n̄an maron̄ ekajet (lale Alma 11:42–44; 33:22; 40:21; Hiļamōn 14:15–17; Mormon 9:13–14).
bok ko rekar peļļo̧k
Bok kein rej bōk jikin rekoot ko kar kōjparok ioon laļ kōn ta eo armej ro rekar kōm̧m̧ane ioon laļ n̄an ļoore iaļ in bujen eo (lale Katak im Bujen Ko 128:7).
bok in mour
“ilo juon etale an Bok in Mour ej oran ļōmņak ko im m̧akūtkūt ko an juon armej—rekoot in mour eo an. Ijoke, jeje ko rekwojarjar rej barāinwōt kwaļo̧k bwe juon rekoot ilan̄ em̧ōj kōjparoke kōn tiljek, ekoba etaer im ļo̧o̧k in kōm̧m̧an ko aer rewāppen” (Unin Tōl eo n̄an Jeje ko Rekwōjarjar, “Book of Life,” scriptures.ChurchofJesusChrist.org).
ekajet
Ekajet eo Āliktata ej itok ālkin an armej jerkakpeje. Jisōs Kraist enaaj riekajet eo an kajjojo armej. Ekajet in enaaj ņamejļan aiboojoj indeeo eo kajjojo armej renaaj bōke. (Lale Unin Tōl eo n̄an Jeje ko Rekwōjarjar, “Ekajet eo Āliktata,” scriptures.ChurchofJesusChrist.org; Alma 41:3–5; Katak im Bujen Ko 88:26–32.)
ekkar n̄an jerbal ko aer
Kajjojo armej renaaj ekajet kōn ta ko rekar kōm̧m̧ani im ta ko rekar kōņaan (lale Katak im Bujen Ko 137:9). Renaaj ekajet eļan̄n̄e rekar pokake kien ko an Anij im m̧akūtkūt ilo inem̧m̧an kōn jabdewōt meram im m̧ool rekar bōke ilo mour in.
© 2023 by Intellectual Reserve, Inc. All rights reserved. Kar būriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly For the Strength of Youth Message, December 2023. Language. 19049 874