Binulan a Mensahe iti Para iti Pigsa dagiti Agtutubo , Pebrero 2024

2 Nephi 5

Agbibiagak Kadi “iti Wagas a Naragsak”?

Ni Eric D. Snider

Dagiti Magasin iti Simbaan

Adtoy ti sumagmamano a kapanunotan tapno agbiagkayo iti wagas a kinuna ni Nephi a panagbiag dagiti taona.

Panangiladawan ni Alyssa Gonzalez

Nabiit kalpasan ti pannakisinana kadagiti Lamanite, kinuna ni Nephi a dagiti taona “nagbiag iti wagas a naragsak” (2 Nephi 5:27). No panunoten nga adda sabali a grupo dagiti tao nga agtarigagay a mangpatay kadakuada (kitaen iti 2 Nephi 5:1–6, 14), mabalin a makapasiddaaw. Kasano a makapagbalin a naragsak ti asino man iti baet dagiti kasta a kasasaad?

Umuna ti amin, panunoten a “nagbiagtayo iti wagas a naragsak” saan a kayat a sawen a “naragsak iti 24/7 ti tunggal maysa a Nephite.” Kayatna a sawen a nagbiagda iti kita ti wagas, ken inaramidda dagiti kita ti banag, a gagangay a mangiturong iti kinaragsak. Iti pakabuklan, iti laksid dagiti karitda, naragsak dayta a panawen.

Isu nga ania “ti wagas a kinaragsak”? Kasano a matuladtayo dayta iti bukodtayo a biag, nga addaan met kadagiti karit? Kitaentayo!

• Agbalin a managtungpal. “Tinungpalmi … ti bilin ti Apo” (2 Nephi 5:10).

  Panagbiag iti ebanghelio ti Umuna nga Addang. Mabalin a temporario a naragsakka iti basol, ngem saan nga agpaut daytoy. Ti naigagara a panagsukir iti Dios ket saan a “wagas ti kinaragsak” (kitaen iti Alma 41:10).

• Sukisoken dagiti nasantuan a kasuratan. “Siak, ni Nephi, intugotko … dagiti kasuratan a naikitikit kadagiti pinanid a gambang (2 Nephi 5:12). “Inamirismi ida ket naammuanmi a makaay-ayoda; wen napateg unay dagitoy kadakami” (1 Nephi 5:21).

  Addaan dagiti tao ni Nephi iti nasantuan a kasuratan. Ken saan laeng a basta adda kadakuada— inamirisda ida.

• Dumngeg kadagiti naparegta a lider. “Siak, ni Nephi, inikkak-pateg da Jacob ken Jose, tapno agbalinda a saserdote ken maestro … dagiti taok” (2 Nephi 5:26).

  Inusar dagitoy a mannursuro dagiti nasantuan a kasuratan kas pangiwanwanda (kitaen iti 2 Nephi 4:15; 6:4).

• Mapan iti templo (ken dadduma pay a nasantuan a lugar). “Ket siak, ni Nephi, nangipatakderak iti templo” (2 Nephi 5:16).

  Napateg ti maaddaan kadagiti nasantuan a lugar kas kadagiti balay a paggigimongan ken templo para ti pagtitiponan ken pagdaydayawan dagiti adalan. (Mabalintayo nga ipapan a saan a basta addaan dagiti Nephite iti templo—talaga nga inusarda daytoy.) No dikayo makadar-ay iti maysa a templo a personal, mabalinyo a kanayon nga aramiden ti family history.

• Agbalinkayo a produktibo. “Insurok dagiti taok nga agipatakder iti pasdek, ken agtrabaho. … [Siak] … pinagbalinko dagiti taok a nagaget, ken agtrabaho a mangaramat kadagiti imada” (2 Nephi 5:15, 17).

  Paset “ti wagas ti kinaragsak” ti kaadda iti maysa a banag nga aramiden! Maysa a naituding nga aramiden, maysa a trabaho, maysa a pagrebbengan—maysa a banag a mangted kenka iti pokus ken panggep (nga addaan iti maitutop a panawen a panaginana tapno agrelaks, siempre). Narigat ti agbalin a naragsak no kanayon a maumaka.

Ibagam kadi nga agdama nga agbibiagka kalpasan ti wagas a kinaragsak? No saan, mabalin a ti pagwadan ni Nephi ti makaited kenka iti sumagmamano a kapanunotan no kasano ti dumur-as.

© 2024 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, February 2024. Language. 19276 864