Bek el Buil Kirel a Klisichir a RengeasekKlumech, Ongeru el Buil 2024

2 Nephi 5

Ngak Ak Kiei “loltirakl ra Blekerdelel a Deurreng”?

Mlara Eric D. Snider

Babier er a Ikelesia

A ikakid a bebil ra uldasu el kirem me bom kiei el uai sel lolekoi er ngii a Nephi el kirel a rechedal.

Olchotel mlara Alyssa Gonzalez

Nguriul ra bol cheroid ra re Lamanites, a Nephi a milekoi el kmo a rechedal a “kiliei e loltirakl ra blekeredelel a deurreng” (2 Nephi 5:27). Sel lodengei el kmong mla rengii a tara chelchad el mle sorir lomekeuad er tir (mesa 2 Nephi 5:1–6, 14), e kede mo mechas a rengud. Ng mekerang e sebechel a ngidil chad a lungil a rengul sel lulsiseb e ra uai tial tekoi?

A kot, e betebengii el kmo “kemam a kiliei e loltirakl ra blekerdelel a deurreng” a diak el belkul “a rokui ra dertal Nephite a mle ungil a renguk 24/7.” TM: Ng belkul a te mle kiei e lokiu ra teletael, e miruul a teletelel a tekoi, el di uai ea bekl el tekoi el kirel a deurreng. Sel kmal ocherngal, ng diak lokor aikel mle ringel el blara chelsel, ng mle taem er a deurreng.

Meng ngera sel “blekerdelel a deureng”? Ng mekera a doruul er a uaingii er a klengar er kid, el ngii a dirrek el betok a ringel er a chelsel? Mei e domes!

• Bom bekongesenges. “Kede ulemas el mo olngesenges … a llechul a Rubak” (2 Nephi 5:10).

  Kiei er a ebangkelio a Kot el bakes. Ke locha di telkib el taem el om ngara deureng el kirel a klengit, e ngdi ng mo diak. Sel ngarngii er a rengum el omtok er a Dios a diak el “blekerdelel a deureng” (mesa Alma 41:10).

• Mosiik a chedaol lechukl. “Ngak, el Nephi, a mla … ngmai a rekord el ngii a mle lluches er a tibereberek el sintsyu” (2 Nephi 5:12). “Aki … ulsiik e mlo metik el kmong ng kmal ungil; uaisei, el muut el klou a ultutelel el merkemam” (1 Nephi 5:21) .

  A rechedal a Nephi a ulab aikal chedaol llechukl. E di dimlak di lolab tirkei—me tir a ulsiik er ngii.

• Morrenges er a omkllomes el merredel. “Ngak, el Nephi, a kilengei el melutk er a Jacob ma Joseph, el kmo tir a mo prist me a chad er a olisechakl el mora … rechedak” (2 Nephi 5:26).

  Tirka el ulsisechakl a ullab a chedaol llechukl el omekrael er tir (mesa 2 Nephi 4:15; 6:4).

• Bora templo (me a bebil er a chedaol basio). “Ngak, el Nephi, a milkedecherur a templo” (2 Nephi 5:16).

  Ng klou a ultutelel el ngar ngii a chedaol basio el uaia blil ongdibel me a templo el bol kldibel er ngii a rechad el oltirakl e mengull. (Ng sebeched el oumedednger el kmo a re Nephites a dimlak di lolab a templo—te uluusbech er ngii.) Alsekum e ng diak el sebechem el mora templo, e ng sebechem el meruul a ureor ra reksi er a telungalek.

• Bo moruul. “Ak ulsisechakl er a rechedak el meleketek a blai, e oureor. … [Ak] rirelterir a rechedak el mo dachelbai, e oureor lolab a chimorir” (2 Nephi 5:15, 17).

  A tebechedel a “blekerdelel a deurreng” a ngarngii a doruul! A ureor el kirel mekedmokl, ureor, me a ngerachel—a ngii a meskau a utebengem me a moktek er kau (el dirrek el, obengkel a kltukl el taem el olengull). Ng meringue sel bom igara deureng sel om sabisi er a bek el taem.

Ng sebechem el kmo ke kiei el ngara blekerdelel a deureng? Alskum e ng diak, e a olechotel a Nephi a locha sebechel meskau a bebil er a uldasu el kmo ke mekerang e mo ungil.

© 2024 mal er a Intellectual Reserve, Inc.Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel a Bek el Buil el Klumech el Kirel a Klisichir a Rengeasek, Ongeru el buil 2024.Language.17464 881