“Kirel a Klisichir a Rengeasek: Klemechel a Osobel el mo er Kau,” Kirel a Klisichir a Rengeasek, Mar. 2024.
Klumech er a bek el buil Kirel a Klisichir a Rengeasek, Ongedei el Buil 2024
Kirel a Klisichir a Rengeasek: Klemechel a Osobel el mo er Kau
Tial babier a ngosukau er a ikel molilit el mo er a Jesus Kristo me a Osisecheklel.
I Stand at the Door and Knock[Ak Dechor er a Tuangel e Melengod er a Chesimer], mla er a J. Kirk Richards
Ka momdasu el ke kiliei er a Galilee er sel chuodel el taem, el erul telael el rak er a mla memong. Kau me a resechelim a le blel sioati er kemiu el mo er a ongdibel er a rengeasek el ngara ikelesia er sel omkiei er ngii, e ngkel tokubets el chad el mo mengedecheduch a: Jesus er a Nazareth. Ngara melengel a Cheldechedechal, ea Jesus a siotai er a rengeasek el ngar tial seked el mo oker er Ngii a ker.
Omomdasu e ngera el ker a bo mrenges?
Ak kumedasu ea locha bebil er a ker a kirel a siukang me a teletael er sel taem. Eng di ak kumerang el kmo ng betok er ngii a di uai ikal ker er kid er a chelechal taem.
El uai tiakid el okesiu, chelsel a Beches el Renged, a rechad a uleker er a Osobel a ikakid el ker:
-
Ngera kirek el meruul me bok nguu a diak a ulebengelel klengar?1
-
A lsekum a tar ngak a mo mekngit el merngak, e ng mo telal kuusubes er ngii?3
-
Ngera mo dubech er tial beluulechad er a chelsel a ngarmedal taem? Ngak ak mo selbechakl?4
-
Kau ng sebechem lomekungil er a betik er a renguk?5
-
Ngerang a klemerang?6
-
Ng mekerang a bo kudengei a lsekum a ngara melemalt el rael?7
Kid rokui ngdiak doumedednger a osisiu el tekoi a lebil er a taem? Ng mla memong a betok el dart el rak, ea ikal ker a diak el sal blal bol mengodech. Ng di uai sel klechubechub er a Osobel el mo er tikrel lolengit er ngii. Ngii a medengei el kmo ua ngera ringel me a rau er reng er tiang klengar. Ngii a medengei el kmo ng kmal beot a bo decheroid er a omeroled. Ngii a medengei el kmo a lebebil er a taem e kede simbai el kirel a ngarmedal taem. E Ngii a melekoi er kau me a ngak, el di uai a ikel lulekoi el mo er tirkel lultirakl er Ngii er a ngara mong el taem:
A le ngarngii a klou a belkul lomelilt el moruul, e a Jesus Kristo me a mla moluut el ebangkelio er Ngii a kot el bedochel lomelilt. A le ngarngii a kerim, e a Jesus Kristo me a mla moluut el ebangkelio er Ngii a bedochel nger.
Tiang a uchul eng soak sel Kirel a Klisichir a Rengeasek: Ulekrael el mo Melilt. Ngmai a osenged el mo bedul a Jesus Kristo me bol sebeched el ngmai a Klisichel. Ak blechoel lobang el ngara chelsel a bokketengek er a bek el taem. Me sel kisteriri a rechad el meliuekl er a beluulechad el sorir mo medengei el kmo ngera uchul me kid, el rechedal a Ikelesia er a Jesus Kristo, a meruul a ikel doruul, e ak kuchotii tial babier el mo er tir.
Kirel a Klisichir a Rengeasek a olsisechakl a diak a ulebengelel klemerang el kirel a Osobel me a Omerollel. Ng siotai er kau el mo melilt lokiu a ikel klemerang. E omerk a klengeltengat el blal yaksok el Ngii a mo mesterir tirkel loltirakl er Ngii. Kulengit me monguiu, momdasu, e mouchais er tial babier!
Msiotai er Ngii me Tmuu
A Jesus Kristo a soal mo telengtengil a klengar er kau—el blechoel, ngarngii er a bek elsils, a le ngarngi a ungil taem me a lak. Ngii a diak el dil dechor e ra ulebengelel a rael, el mengiil er kau el mo er Ngii. Ngii a merael lobengkem er a bek el blekeklem. Ngii a Rael!
Eng di ngdiak lorrimel er Ngii el mer a chelsel a klengar er kau. Kau a siotai er Ngii me tmuu, lokiu a ikel omolilt. Tiang a uchul me tial babier er a teletelel omelilt, el uai a Kirel a Klisichir a Rengeasek, a kmal meringelchad. Bek el taem el mngiltii a llemalt lokiu a diak a ulebengelel klemerang er a Osobel, e kochotii el kmo kau a soam Ngii a bol ngara chelsel a klengar kau. A ikel omulilt a mekengii a chesmerel a babeluades, me a Klisichel a mei er a chelsel a klengar kau.11
Moruul a Mesisiich el Omechelel
Ke locha metebengii sera Osobel longaisisiu er tirkellorrenges e meruul a ikel Lolekoi el kirel a mellomes a rengul chad el “lomekedechor a blil er a bebul a risois.” Ngii a ulechais:
“Ma le me chull, e le borngii a eeleb, e bo le meses a eolt, el mo subechii er ngii el blai; e ng diak le mukel, ele ng dechor er a risois.”12
A blai a diak el bol selbechakl er a sesel eolt e le tial blai a mesisiich. Ng dirrek el diak el bol selbechakl e le tial risois a mesisiich. A blai a selbechakl er a sesel eolt e leng mesisiich el delemakl el mo er tial mesisiich el risois. Ng sel mesisiich el omechelel el mo er tial risois a sei a klou a belkul.
Osisiu, e sel doleketek a klengar er kid, eng klou a ultutelel el dolilt a ungil omeruul. E klou a ultutelel el bo dodengei a diak a ulebengelel klemerang er a Osobel. Ngdi sel klisiich dousbech er ngii loltngakl a sesel eolt er a klengar a mo er ngii sel domak a omechelel a ikel dolilt lobengkel a Jesus Kristo me a Osisecheklel. Tiang sel Kirel a Klisichir a Rengeasek a olngeseu er kid el meruul.
El uai tial okesiu, a resechelim a locha medengei el kmo kau a melasm el diak mousbech a mekngit el tekoi. Te locha mesekau el lolngeseu er ngkel ngalek el ngara skuul el rechad a di oumechad el kirel a lechub e te omcheracheb er ngii. Eng di te medengei el kmo kau a melilt a ikaikid ele Jesus Kristo a ulsisechakl el kmo “a rokui el chad a rodam e rodos er kau—ludimukl … er a rechad el ngodech er kau”?13
A resechelim a locha medengei el kmo kau a mo er a ikelesia er a bek el Sandei. Te locha omtab sel mstob a bebil er a chelitakl a lechub eng diak mkengei el mo omes a bebil er a katsudo. Eng di te medengei el kmo kau a melilt aikang ele kau a ngarngii “a ungil telbiil er a delongelem lobengkel a Chedam er a Babeluades me a Jesus Kristo,” me tiang a telengtengil a duch el reng el mo oltirakl er a Osobel “ el mo obang a Chedaol Reng mel blechoel kldemem”?14
A rechad a locha medengei el kmo kau a diak molim a lechub e ke meloku a lechub ke ousbech a mekngit el kar. Eng di te medengei el kmo kau a melilt aikang ele Jesus Kristo a ulsisechakl el kmo “a bedengem a chedaol,” “el mekreos el sengk el mla er a Demam er a Babeluades,” el milruul lokiu a Llecheklel?15
A resechelim a locha medengei el kmo ngdiak momedikm a lechub kou mulak e bai blak a rengum er a skulem. Eng di te medengei el kmo nguaisei ele Jesus Kristo a ulsisechakl el kmo “a klemerang a ngubetemiu el mo diak msibai”?16
E sel ngii rokui, a resechelim te medengei el kmo a lebebil er a taem e ke melilt a ikel diak merael a chisel teletael ele koltirakl a omerellel a Kristo ele kau a medengei el kmo a “Jesus Kristo a klisichem”?17
Ngii a Klisichem
Ng soak louchais er kau er a sioning er ngak el kmo a Jesus Kristo a Rael el mo er a ungil e klebokel er a ngarmedal taem—sel ngarmedal temem. E Ngii a dirrek el Rael el mo er a ungil e klebokel el sils er a chelechal taem. Morael er a Rolel, e Ngii a mo merael lobengkem. Tia sebechem el rullii!
Kemiu el ngeasek el sechelik, a Jesus Kristo a klisichem. Molemolem merael Lobengkel, e Ngii a mo ngosukau el suebek “el morbab el ua uasi”18 el merael bedul sel diak a ulebengelel deurreng el Ngii a mla kudmeklii el kirem.
© 2024 lokiu Intellectual Reserve, Inc. All rights reserved. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, March 2024. Palauan. 19356 881