“De ma Mmabunu Ahoɔden:Agyenkwa no Nkrasɛm de ma Wo,” De ma Mmabunu Ahoɔden, Ɔbɛnem. 2024.
Bosome bosome De ma Mmabunu Ahoɔden Nkransɛm, Ɔbɛnem 2024
De ma Mmabunu Ahoɔden: Agyenkwa no Nkratoɔ de ma Wo:
De ma Mmabunu Ahoɔden akwankyerɛ no boa wo ma wode wo pɛ bata Yesu Kristo ne Ne nkyerɛkyerɛ ho.
Megyina Ɔpono no Akyi rebɔ mu, a J. Kirk Richards twerɛɛeɛ
Fa no sɛ wote tete Galilea, mfie 2,000 a atwam ni. Wɔato nsa afrɛ wo ne wo nnamfonom aba mmeranteɛ ne mmabaa ahofama bi ase wɔ hyiadan a ɛwɔ mpɔtam hɔ no mu, na ɔkasafoɔ titiriw bi bɛba: Yesu a ofiri Nasaret. Na wɔ Ne nkrasɛm no mu bere pɔtee bi mu no, Yesu to nsa frɛ mmabunu a wɔwɔ atiefoɔ no mu no sɛ wommisa No nsɛm.
Nsɛmmisa bɛn na wosusu sɛ ɛbia wobɛte?
Mesusu sɛ nsɛmmisa bi bɛda amammerɛ ne tebea hodoɔ a na ɛwɔ hɔ saa berɛ no adi. Nanso megye di ampa sɛ wɔn mu pii bɛyɛ te sɛ nsɛmmisa a yɛwɔ nnɛ no kɛse.
Sɛ nhwɛsoɔ no, Apam Foforɔ no mu no, nkorɔfoɔ bisaa Agyenkwa no nsɛmmisa te sɛ yeinom:
-
Dɛn na ɛsɛ sɛ meyɛ na ama manya daa nkwa?1
-
Moagye me atom? Enti meyɛ ne dea?2
-
Sɛ me nua yɛ bɔne tia me a, mprɛ ahe na ɛsɛ sɛ mede kyɛ no?3
-
Deɛn na ɛbɛto wiase yi daakye? Enti mɛnya ahobanbɔ?4
-
Enti Wobɛtumi asa me dɔfo yareɛ?5
-
Deɛn ne nokorɛ?6
-
Mɛyɛ dɛn ahunu sɛ menam ɔkwan pa so?7
Enti yɛn nyinaa nsusu adeɛ korɔ ho berɛ ne berɛ mu? Mfie ɔha pii a atwam no, nsemmisa no nsakyeraeɛ pii. Na saa ara nso na Agyenkwa no nni ayamhyehyeɛ mma wɔn a wɔbisa wɔn no. Onim sɛnea asetena bɛtumi aha adwene na ayɛ basaa. Onim sɛnea ɛyɛ mmerɛ sɛ yɛbɛyera yɛn kwan. Onim sɛ ɛtɔ da bi a yɛha yɛn ho wɔ daakye ho. Na Ɔka kyerɛ me ne wo, sɛnea Ɔka kyerɛɛ N’akyidifoɔ berɛ tenten a atwam no sɛ:
Sɛ wowɔ pɛ a ɛho hia a ɛsɛ sɛ woyi a, Yesu Kristo ne N’asɛmpa a wɔasan de aba no ne pɛ a ɛyɛ sene biara. Sɛ wowɔ nsɛmmisa a, Yesu Kristo ne N’asɛmpa a wɔasan de aba no ne mmuaeɛ a ɛkyɛn so.
Wei nti na medɔ De ma Mmabunu Ahoɔden: Akwankyerɛ a Ɛfa Nneɛma a Wobɛyɛ Ho. Ɛtwe adwene si Yesu Kristo so sɛnea ɛbɛyɛ a yɛbɛtumi anya N’ahoɔden. Mede bi hyɛ me kotokuo mu berɛ nyinaa. Berɛ a mehyia nnipa a wɔwɔ wiase nyina ara a wɔpɛ sɛ wɔhunu deɛ enti a yɛn, sɛ Yesu Kristo Asɔre no mufoɔ, yɛ deɛ yɛyɛ no, me ne wɔn kyɛ saa akwankyerɛ yi.
De ma Mmabunu Ahoɔden kyerɛkyerɛ daa nokorɛ nsɛm fa Agyenkwa no ne N’akwan ho. Ɛnto nsa frɛ wo sɛ wobɛgyina saa nokorɛ ahodoɔ no so ayɛ nneɛma. Na ɛkyɛ nhyira a wɔahyɛ ho bɔ a Ɔtrɛ kɔ wɔn a wodi N’akyi no so. Yɛsrɛ sɛ kenkan, dwendwene ho, na kyɛ akwankyerɛ yi!
To nsa frɛ No Bra Mu
Yesu Kristo pɛ sɛ ɔyɛ w’asetena mu fa—wɔbɛba hɔ daa, da biara da, wɔ mmerɛ pa ne mmerɛ bɔne mu. Ɛnyɛ sɛ ogyina ɔkwan no awieeɛ kɛkɛ, retwɛn sɛ wobɛkyere No. Ɔne wo nantee anammɔn biara a wobɛtu. Ɔno ne Ɔkwan no!
Nanso Ɔrenhyɛ Ne kwan nkɔ w’abrabɔ mu. Woto nsa frɛ No sɛ ɔmmra mu, denam wo pɛ so. Wei nti na akwankyerɛ a wɔde paw nneɛma, te sɛ De ma Mmabunu Ahoɔden, no som bo paa. Berɛ biara a wobɛpaw adetenee a ɛgyina Agyenkwa no daa nokorɛ no so no, wokyerɛ sɛ wopɛ No wɔ w’abrabɔ mu. Saa ɔpɛ no bue ɔsoro apono ano, na N’ahoɔden bɛhwie agu w’abrabɔ so.11
Yɛ Nkitahodie a Ɛyɛ Den
Ɛbia wobɛkae sɛ Agyenkwa no de totoo wɔn a wɔtie na ɔyɛ Nsɛm a ɔka kyerɛɛ onyansafoɔ a “ɔsii ne dan wɔ ɔbotan so.” Ɔkyerɛkyerɛɛ mu sɛ:
“Osuo tɔe, na nsuyiri bae, na mframa bɔe, na ɛbɔɔ saa fie no; na anhwe ase, ɛfiri sɛ wɔde sii ɔbotan so.”12
Efie ntumi ntena ase wɔ ahum mu efirisɛ efie no ho yɛ dene. Ɛnyɛ ɔbotan no mu dene ara kwa nti na ɛtena ase nso. Efie no nya nkwa wɔ ahunu no mu efirisɛ ɛbata saa ɔbotan a ano yɛ dene no ho dendeeden. Ɛyɛ ahoɔden a ɛwɔ nkitahodie de kɔ ɔbotan a ɛho hia no so.
Saa ara nso na berɛ a yɛkyekyere yɛn asetena no, ɛho hia sɛ yɛpa nneɛma pa. Na ɛho hia sɛ yɛte Agyenkwa no daa nokorɛ no ase. Nanso ahoɔden a yɛbɛhia na yɛatumi agyina asetena mu ahum ano no ba berɛ a yɛanya no na yɛ de ka yɛn pɛ a yɛne Yesu Kristo ne Ne nkyerɛkyerɛ wɔ. Ɛno ne nea De ma Mmabunu Ahoɔden boa yɛn ma yɛyɛ.
Sɛ nhwɛsoɔ no, ɛbia wo nnamfonom bɛhu sɛ wobɔ mmɔden sɛ woremfa kasa a ɛhyɛ abufuo anaa nsɛm a ɛyɛ ya nni dwuma. Ɛbia wobɛhu sɛ worekɔ saa abɔfra no nkyɛn wɔ sukuu a nnipa dodoɔ no ara bu wɔn ani gu no so kɛkɛ anaasɛ wɔyɛ no basabasa mpo. Nanso so wonim sɛ wopaw saa nneɛma yi efirisɛ Yesu Kristo kyerɛkyerɛe sɛ “nnipa nyinaa yɛ wo nuanom mmarima ne mmea —a nnipa a wɔyɛ soronko wɔ wo ho ka ho”?13
Ɛbia wo nnamfo nim sɛ wokɔ asɔre Kwasiada biara. Ɛbia wɔbɛhyɛ no nso berɛ a wodum nnwom pɔtee bi anaa wopo nsa a wɔto frɛɛ wo sɛ wɔnhwɛ sini pɔtee bi no. Nanso nti wɔnim sɛ wopaw saa nneɛma yi esiane sɛ wo ne Ɔsoro Agya ne Yesu Kristo wɔ apam abusuabɔ a ɛyɛ anigyeɛ,” na sɛ saa bɔhyɛ no fa bi sɛ wobɛdi Agyenkwa no akyi no, w’ani sɔ “sɛ woanya Honhom Kronkron sɛ wo hokafoɔ daa”?14
Ɛbia nkorɔfoɔ bɛhu sɛ wonnom nsa anaa wonnom sigaret anaa wommfa nnuro bɔnee a ɛpira nni dwuma. Nanso nti wɔnim sɛ wopaw saa nneɛma yi ɛsiane sɛ Yesu Kristo kyerɛkyerɛɛ sɛ “wo nipadua yɛ kronkron,” “akyɛdeɛ nwanwasoɔ a ɛfiri wo Soro Agya hɔ,” a wɔyɛɛ no wɔ Ne suban so nti?15
Ɛbia wo nnamfo bɛhu sɛ worensisi anaa worendi atorɔ na wubu nwomasua aniberesɛm. Nanso nti wonim sɛ nea ɛnti a ɛte saa ne sɛ Yesu Kristo kyerɛkyerɛe sɛ “nokorɛ no bɛma moade mo ho”?16
Nea ɛsen ne nyinaa no, nti wo nnamfo nim sɛ wopaw saa nneɛma a ɛtɔ mmerɛ bi a ɛnyɛ nea nkorɔfoɔ ani nnye ho yi na ama woadi Kristo gyinapɛn ahodoɔ so esiane sɛ wonim sɛ “Yesu Kristo ne w’ahoɔden” nti?17
Ɔno Ne W’ahoɔden
Medi m’adanseɛ a edi mu ma mo sɛ Yesu Kristo ne Ɔkwan a ɛkɔ daakye a ɛyɛ anigyeɛ na animuonyam wom —mo daakye. Na Ɔno nso ne Ɔkwan a ɛkɔ mprempren a ɛhyerɛn na animuonyam wom mu. Nante Ne kwan so, na Ɔne wo bɛnante. Wobɛtumi ayɛ wei!
Me nnamfo nkumaa adɔfoɔ, Yesu Kristo ne mo ahoɔden. Kɔ so ne No nante, na Ɔbɛboa wo ma woatu de “ntaban te sɛ ɔkɔreɛ” .18 de akɔ daa anigyeɛ a Wasiesie ama mo no ho.
© 2024 by Intellectual Reserve, Inc. Wɔakora hokwan ahodoɔ nyinaa so. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ ma Bosome biara Mmabunu Ahoɔden Nkrasɛm, Ɔbɛnem 2024. Twi. 19356 503