Mukenji wa ku Ngondu Bua Dikankamika dia Bansonga, Ngondu Muitanu 2024
Bionsu ne Bikala Bimpa Kupitshila ku Bipungidi bia Ntempelo
Tshikosu
USA
Bana betu baluma ne bakaji, Ndi njadika ne didipuekesha ne patudi tubuela mu ntempelo, tudi mua kuikala bavulujibua bua buikadi bua tshiendelela bua nyuma yetu, malanda etu ne Tatu ne Muanenda wa bunzambi, ne dijinga dietu dinena bua kupingana ku dîku dietu dia mu diûlu.
Mu buludiki bua nyuma bua Mulombodi Mukulu Nelson, Mukalenga udi mubandisha lubilu, ne neatungunuka bua kubandisha lubilu, bua dîbaka dia ntempelo mu buloba bujima. Etshi ne tshipesha bana bonsu ba Nzambi bipolu bia kupeta milulu ya lupandu ne dizanjikibua ne bua kuenza ne kulama bipungidi bia tshijila.
Kutamba kuikala mu milulu ya ntempelo kudi mua kufuka mushindu wa kusambila Mukalenga. Pawudi ulama bipungidi bieba bia ntempelo ne ubivuluka, udi ubikila bulunda bua Nyuma wa Tshijila bua mu bionso kukukolesha ne kukukezula.
Bidi kupitshila ku milulu ya disuikibua mu ntempelo ke kutudi tupeta dituishibua dia malanda a dinanga a dîku atungunuka panyima pa lufu ne ashala bua tshiendelela. Dinemeka dia bipungidi bia dibaka ne bia dîku bienjibua mu ntempelo wa Nzambi nedituala bukubi ku bubi bua budisunkaya ne diditambisha.
Mateta, ntatu, ne busami bua mutshima nebilua bushuwa kudi yonsu wa ku tuetu. Kakuena nansha umua wa kutudi udi mukubibua ku “mateta a mubidi” [tangila 2 Kolinto 12:7–10]. Kabidi, patudi tubuela mu ntempelo ne tuvuluka bipungidi bietu, tudi mua kudilongolola bua kupeta buludiki bua nkaya bua kudi Mukalenga.
Bana betu baluma ne bakaji, Ndi njadika ne kakuena tshintu tshitambe mushinga bu kunemeka bipungidi biwudi muenza anyi biwudi mua kuenza mu ntempelo.
© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, May 2024. Tshiluba. 19298 760