“Na cava sara mada eda yalataka nida papitaiso?,” Me iSakisaki ni iTabagone, June 2024.
iTukutuku Vakavula ni Me iSakisaki ni iTabagone, June 2024
Na cava sara mada eda yalataka nida papitaiso?
Papitaiso, mai vei Annie Henrie Nader
E vakavulica vei keda na ivolanikalou ni gauna eda papitaiso kina, eda sa veiyalayalati (se yalayala) meda lomasoli meda taura na yaca i Jisu Karisito, qarava na Kalou, ka muria na Nona ivakaro (raica na Mosaia 18:10; Vunau kei na Veiyalayalati 20:37, 77).
Eda vulica talega ena ivolanikalou ni papitaiso e vukei keda me da vakayacora na noda gagadre “me da lako mai ki na lomanibai ni Kalou, ka vakatokai me nona tamata” (Mosaia 18:8). Ena dua tale na kena itukutukuni, e dua na vuna eda papitaiso kina oya nida vinakata meda lewena na Lotu i Jisu Karisito ka marautaka na loloma kei na veivakataukenitaki ka yaco nida sa duavata vei Karisito.
Na yalayala meda qarava na Turaga ka talairawarawa ki na Nona ivunau e rawa ni oka kina e vuqa na ka ena noda bula taucoko. Me ivakaraitaki, e okati kina meda “lomasoli mo dou colata vata na nomudou icolacola, … mo dou rarawa vata kei ira sa rarawa … ka vakacegui ira era sa gadreva na veivakacegui, ka mo dou tu ka vakadinadinataka na Kalou ena veigauna kecega, kei na veika kecega, kei na veivanua kecega” (Mosaia 18:8–9).
© 2024 mai na Intellectual Reserve, Inc. All rights reserved. Tabaki e Amerika. Vakadonui me vaka Valagi: 6/19. Vakadonui me vakadewataki: 6/19. iVakadewa ni Monthly For the Strength of Youth Message, June 2024. Fijian. 19299 858