“What exactly do we promise when we’re baptized?,” For the Strength of Youth, June 2024.
ຂ່າວສານປະຈໍາເດືອນ For the Strength of Youth, ເດືອນມິຖຸນາ 2024
ເຮົາສັນຍາຫຍັງເມື່ອເຮົາຮັບບັບຕິສະມາ?
ການບັບຕິສະມາ, ໂດຍ ແອນນີ ເຮັນຣີ ເນເດີ
ພຣະຄຳພີສິດສອນເຮົາວ່າ ເມື່ອເຮົາຮັບບັບຕິສະມາ, ເຮົາເຮັດພັນທະສັນຍາ (ຫລື ສັນຍາ) ທີ່ຈະເຕັມໃຈຮັບເອົາພຣະນາມຂອງພຣະເຢຊູຄຣິດ, ຮັບໃຊ້ພຣະເຈົ້າ, ແລະ ຮັກສາພຣະບັນຍັດຂອງພຣະອົງ (ເບິ່ງ ໂມໄຊຢາ 18:10; ຄຳສອນ ແລະ ພັນທະສັນຍາ 20:37, 77).
ເຮົາຍັງຮຽນຮູ້ຢູ່ໃນພຣະຄຳພີອີກວ່າ ການບັບຕິສະມາຊ່ວຍເຮົາໃຫ້ບັນລຸຄວາມປາດຖະໜາຂອງເຮົາ “ທີ່ຈະເຂົ້າມາຫາຝູງຊົນຂອງພຣະເຈົ້າ, ແລະ ມີຊື່ວ່າຜູ້ຄົນຂອງພຣະອົງ” (ໂມໄຊຢາ 18:8). ໃນອີກຄຳໜຶ່ງ, ເຫດຜົນໜຶ່ງທີ່ເຮົາໄດ້ຮັບບັບຕິສະມາແມ່ນຍ້ອນວ່າເຮົາຕ້ອງການທີ່ຈະເຂົ້າຮ່ວມສາດສະໜາຈັກຂອງພຣະເຢຊູຄຣິດ ແລະ ມີຄວາມສຸກກັບຄວາມຮັກ ແລະ ການເປັນພາກສ່ວນທີ່ມາຈາກການເປັນອັນໜຶ່ງດຽວກັນໃນພຣະຄຣິດ.
ການໃຫ້ຄຳໝັ້ນສັນຍາທີ່ຈະຮັບໃຊ້ພຣະຜູ້ເປັນເຈົ້າ ແລະ ຮັກສາພຣະບັນຍັດຂອງພຣະອົງສາມາດປະກອບດ້ວຍຫລາຍສິ່ງຫລາຍຢ່າງຕະຫລອດຊີວິດຂອງເຮົາ. ຍົກຕົວຢ່າງ, ມັນລວມທັງການ “ເຕັມໃຈທີ່ຈະແບກຫາບພາລະຂອງກັນແລະກັນ, … ທີ່ຈະເປັນທຸກກັບຄົນທີ່ເປັນທຸກ, ແລະ ຈະປອບໃຈຄົນທີ່ຕ້ອງການຄວາມປອບໃຈ, ແລະ ຈະຢືນເປັນພະຍານຂອງພຣະເຈົ້າໃນທຸກເວລາ ແລະ ໃນທຸກສິ່ງ, ແລະ ໃນທຸກບ່ອນ” (ໂມໄຊຢາ 18:8–9).
© 2024 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, June 2024. Laotian. 19299 331