Bek el Buil Kirel a Klisichir a RengeasekKlumech, Ongelolem el buil er a 2024

Ngera meral de yaksok er ngii sel de metecholb?

Techolbechelid, mlara Annie Henrie Nader

A chedaol llechukl olisechakl er kid el kmo sel de metecholb, kede mora telbiil (lechub ng yaksok) el mo nguu a ngklel a Jesus Kristo, mesiou er a Dios, e moltirakl a Llechul (mesa Mosiah 18:10; Doctrine and Covenants 20:37, 77).

Kede dirrek el subii ra chedaol llechukl kmo techolbechelid a churungelii sel urunguled el “mo uldak lobengkel a Dios, e mokedong el chedal¨ (Mosiah 18:8). A tara tekoi, eng belkul a kmo ng soad el metecholb e mo chedal a Ikelesia er a Jesus Kristo e mo medengelii sel beltik el reng el dolchesuar sel dedak lokiu a Kristo.

Sel de relii er a rengud el mo mesiou er a Rubak e mo oltirakl a Llechul a sebchel uldimukl a betok el tekoi er a klengar kid. A tara bedengel a “ngara klengitelreng lobengterir a rengara klengitelreng, … e mengelim er a chelmongel; e dechor el sioning er a Dios er a rokui el taem me a rokui el tekoi, me a rokui el basio” (Mosiah 18:8–9).

© 2024 mal er a Intellectual Reserve, Inc.Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel ra Bek el buil Kirel a Klumech el Kirel a Klisichir a Rengeasek, Ongelolem el buil er a 2024.Palauan.19299 881