Shoko reMwedzi Woga Woga reFor the Strength of Youth (ZveRusimbiso rweVechidiki), Chikunguru 2024

Ropafadzo Rako raPatiriyaki

Zvakatorwa kubva kunhaurwa dzemusangano mukuru waKubvumbi 2023 dzakapuwa naGosa Kaazuhiko Yamashita uye naGosa Randall K. Bennett veMakumi Manonwe.

Mifananidzo naGuev

• Ropafadzo raPatiriyaki rine rairo yako pachako iwe inobva kuna Ishe.

• 

  Rinokuzivisa dzinza rako muimba yaIsraeri.

• 

  Igwaro dzene rako pachako iwe.

• 

  Rinoera uye rakavanzika.

• 

  Haritsananguri mafambiro achazoita upenyu hwako hwose.

• 

  Haripindure mibvunzo yako yose.

Kana rikasataura chiitiko chakakosha muhupenyu, usatora izvi sezvinoreva kuti hauzowani mukana iwoyo. Ropafadzo rapatiriyaki ndere kusingaperi, uye kana ukararama zvakakodzera, vimbiso dzisina kuzadzikiswa muupenyu hwuno dzinozopuwa mune hwunotevera.

Unofanira Kuva Wakura Zvakadii?

• Unofanira kuva wakura zvakakwana kunzwisisa kukosha uye nokuera kweropafadzo racho uye kunzwisisa dzidziso yekutanga yevhangeri.

• Zvakanyanya kunaka kuti uve uchiri mudiki zvakakwana zvokuti sarudzo zhinji dzakakosha dzehupenyu dzichiri mberi.

Maropafadzo kubva Kuropafadzo Rako

“Nguva zhinji uye nemunamato ndinoverenga ropafadzo rangu rapatiriyaki. Rakandibatsira kutendeuka uye kuva ndinozvininipisa. Apo pandinoriverenga uye nokufungisisa nezvaro, ndinova nechido chekurarama zvakakodzera kugamuchira maropafadzo aro akavimbiswa.”

Gosa Yamashita

“Ropafadzo rangu rapatiriyaki rakabatsira kuwedzera rutendo rwangu neruvimbo rwangu muna Baba vangu Vokudenga uye nemuMuponesi wangu. Rakawedzerawo rudo rwangu kwaVari—uye richiri kungodaro.”

Gosa Bennett

Kana urikugadzirira kugamuchira ropafadzo rako rapatiriyaki, tsvaka muGospel Living appu kuti uwane zvinyorwa izvo zvinokwanisa kubatsira!

© 2024 by Intellectual Reserve, Inc. All rights reserved. Chakadhindwa muUSA. Mvumo yemuChirungu: 6/19. Mvumo yeDudziro: 6/19. Dudziro yeMonthly For the Strength of Youth Message, July 2024. Shona. 19302 731