Ɔfiɔŋ-ke-ɔfiɔŋ Etop emi Enɔde ke Nsɔŋɔnda eke Iwaad , Ɔfiɔŋ Itiaita 2024
Ɔsɔŋidem Ebuana
Ediomi okpon akan ediomi-mbubehe; enye edi ebuana.
Ami nsuk nyenyene ndise eke mme awaw mme awawa mkpɔ-itie Elder Pristone ye Elder Morasco eketiede kini mmɔ ekekpepde ufɔkemana ŋkpɔ ke ufɔkiduŋ nnyin ke Argentina. Mmɔ ekekpep ye ata odudu spirt anamde eyeneka mi ŋwan isua Duop ye ami (ndide isua Usukkiet) iyefehe ikituk mkpɔ-itie mmɔ ke mmɔ ema ekenyɔŋ, ikere ke odudu oro eyedoro nnyin ke idem.
Ibighike ami ndikpep ke odudu oro ikidige ito mme mkpɔ-itie oro edi okoto edinyene ebuana ediomi ye Abasi ye Jesus Christ.
Ifiɔk-ukpep eke Uduɔkmmɔŋ Mi
Ami ŋkanam akpa ediomi mi ke November 13, 1977. Ami ntighe ediwak ŋkpɔ mbaŋa uduɔkmmɔŋ miedi ami mmeti ke Elder Pristone akaŋwam mi ndiduk mmɔŋ ndien Elder Morasco okodori mi ubɔk kini idet mi okosuk edide mbit-mbit. Ami ŋko mmeti idara eke ami ŋkekopde nte mbufa ufan ke ward ekefatde enyuŋ etim mi inua ke ido mbon Argentina ye ɔsɔŋɔ udɔŋ eke ami ŋkekopde ke edi-di eti eyen-aŋwan eke Ete Heaven.
Ekpri Sister Spannaus (ke-ufɔt) ye mme ete ye eka esie (ke-ufien), eyeneka esie ŋwan Silvina (ke esisit nnasia), ye Elder Morasco.
Edikem ami ndifiɔk ke idara eke ami ŋkekopde okoto enɔ Edisana Spirit. Ami ndikpep ke nte ami nehede nim ediomi mi ye Abasi, ke Spirit eyedu ye ami. Edisana Spirit edi kiet ke mme ɔsɔŋɔ edidiɔŋ emi edide oto ebuana ediomi inyenede ye Abasi ye Jesus Christ.
Idahaemi, kpa ke ini mme udɔŋ, ekikere, ye edinam mi ekpride, ami mmenyene idorenyin ke ndinam ŋka-iso. Ke ewe ntak? Koro edidia udia-ɔbɔŋ anam emem ɔnɔ mi ke ndifiak nam ediomi mi nyuŋ nam mbufa ediomi kwa udua. Ami menehede ŋkop inemesit nnɔ edidiɔŋ oro.
Inem, Ebuana Ediomi
Nnyin imisiwak ndikop ke ediomi edi eŋwɔŋɔ usuŋ-iba ke ufɔt nnyin ye Abasi. Kini emi edide akpanikɔ, emi idige kpukpru se mmɔ edide. Ke akpanikɔ, “edinim ediomi idige ntetuebe mbubehe emi enamde edi edi inem ebuana.”
Ntem didie ke afo editɔŋɔ ebuana ediomi ye Ete Heaven ye Andinyaŋa? Mmɔ ema ebebem-iso enehede ema fi ndien eyom ndidiɔŋ fi (se 3 Nephi 14:11). Edi ediomi usuŋ-iba ekededi esida ini ye ima oto ŋkaŋ mbiba.
Ndi afo omoyom edibiat ini ye Mmɔ? Ini emi afo anamde mme ŋkpɔ emi Mmɔ ekpenamde, afo amasaŋa ye Mmɔ! Oro ebiet ke emem ke nte akpaŋde-utɔŋ ɔnɔ ufan fo kini ɔkpɔsɔŋ ini, ediyom ini man ebre-mbre ye eyeneka fo, mme esinede owo efen emi ekerede ke imɔ iduhe ke otu. Mmi-mmi-emi, ami mma mbiat ini ndisaŋa ye Abasi ke ediwet mme yyo etop ye edinɔ mkpri ikɔ esɔk ufan kiet ke Argentina emi okokopde ndobo-ikpɔŋ. Ami ŋko ndibiere kpukpru ini ke edi-nam temple recommend odu ke eti ndaha man ami ŋkeme edinyene ini ye Jehovah ke edisana ufɔk Esie. Afo emekeme ebibeŋe nyom mme ekikere emi ediŋwamde fi enyene ini ye Ete Heaven ye Andinyaŋa.
Ndi afo omoyom ediwut Mmɔ ke afo emenyene ima? Kama ibet emi afo ekediomode ete ke iyenim ke usuŋ man owut ima fo, idige ke nte edibat ibet. Nte uwutŋkpɔ, ke edinim Ikɔ Ifiɔk, ami mkpep nte etemde nti udia. Idahemi ami mmekpep nditɔ mi iban ke ndinam ukem oro. Nte afo enyimede enim ibet Abasi, ima emi afo enyenede ɔnɔ Enye ye Andinyaŋa eyekɔri.
Ebuana ediomi nnyin ye Enye ye Jesus Christ eyeŋwam nnyin ndinehede ndiɔŋɔ Mmɔ nyuŋ nnyene ediwak usuŋ ndida odudu Mmɔ nsin ke uwem nnyin ke akpanikɔ awak akan ŋkpɔ ekededi emi udim awawa mkpɔ-itie enyenede edinɔ. Ndien odudu oro okpuhɔ nnyin ke nsinsi!
© 2024 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Kabaŋa Nsɔŋɔnda eke Iwaad, Ɔyɔhɔ Ɔfiɔŋ Itiaita 2024. Efik. 19342 553