Klumech er a bek el buil Kirel a Klisichir a RengeasekOngeai el Buil 2024
Mesisiich el lDelionge
A telbiil a lmuut el tmolech a belkul ra klaudengei: tiang a deliongel.
Ak dirk obang a siasing ra ikel chemadech el kingall el Elder Pistone ma Elder Morasco el blel dengchokl er ngii e ulsisechakl ra telungalk er ngak ra blimam ra Argentina. Tolisechakl el mui ra mesisiich el reng le ta re ngak el teruich a rekil me ngak (etiu a rekik) a remurt elmo merutech a ikel kingall ra uriul ra lorael, e loureng mesel klisiich bo le bereked er kemam.
Nguriul e ak mlo medengei el kmo sel klisiich a dimlak el mei ra ikel kingall e bai mlara telbiil el deliongel el obengkel a Dios ma Jesus Kristo.
Ngera Ak Mlo Melchesiu er ak Metecholb
Ak kiltmeklii a kot el telbilek er sera November 13, 1977. Ngdiak sal medengelii a teletael er a ak metecholb, engdi ak medengelii a Elder Piston el longeseu er ngak el modulb ra ralm ma Elder Morasco lolterkokl er ngak ea cheiuk a direk dekims. Ak dirrek el medengelii sel deurreng el blo kulchesuar er ngii ra re beches el sechelik ra ward el lomechuul e melungl ra medak lokiu ersel siukang ra Argentina mesel blo kulchesuar el soak el mesisiich el kedung el ngelekel a Demad ra Babeluades.
Ngeasek el Sister Spannaus (ngara belngel) lobengkel a rechad ra blil (ngara klitechetul), a ta er ngii ra Silvina (mora mong ra klisichel), ma Elder Morasco.
Nguriul e ak mlo melchesuar el kmo sel deurreng el blo kulchesuar a mlei el sengk ra Chedaol Reng. Ak mlo medengei el kmo alsekum eng blak a renguk el mengeluoleu a telbilek lobengkel a Dios, ea Reng a di obengkek. A Chedaol Reng a di tara mesisiich el klengeltengat el mei el ngara telbiil deliongel lobengkel a Dios ma Jesus Kristo.
Chelechang, alsekum ma ikel moktek, uldesuek, ma omerellek a mo chetiteuokel, eng di ngak a di ourreng e di outekangel. E le ngerang? Le melai ra chedaol belsoil a rulii meng sebechek el lomekbeches a telbilek e soiseb er a beches el telbiil ra bek el sandei. Ak meral dmeu a renguk el kirel seikid el klengeltengat.
A Mekeald, Telbiil Deliongel
Kede blechoel remenges el kmo a telbiil a erung a rolel el yaksok ra delongeled ma Dios. Meng uaisei el klemerang, tia diak el cherrengelel a rokuo el tekoi. Le klemerang, “a mengeluolu a telbiil a diak el mekekelekolt el telbilel a siobai ng bai mekekeald el deliongel.”
Me ke mekera mo muchel ra telbiil el deliongel lobengkel a Demad ra Babeluades ma Osobel? Te kltmokl e cherrungel a beltik el reng er tir el kirem e sorir lomekngeltengat er kau (mesa 3 Nephi 14:11). Engdi a ngidil deliongel el eru rolel a ousbech er a kou el tame me a beltikelreng er tir terung.
Ng soam elmo klou a temem lobengterir el Terung? Sel moltirakl a tekoi el Tir a meruul, e kau a merael Lobengterir! Tia kora beot eldi ua morrenges er a sechelim leng kora metacherbesul, osiik ra taem e kuk milil kau ma rebebil er kau, malechub e ke uldimukl ra chad el kora diak el ngara belsachel. Diak el meketeket, eng mle telkib el taem el kurael lobengkel a Dios el rekord a tekingek e oldurokle el mora sechelik el ngara Argentina el sabisi eldi mle ngiltang. Ak dirrek el tilbir ra renguk elmo blechoel el lomekbeches ra temple recommend er ngak mel sebechek el ngarngii a temek e lobengkel a Rubak el ngara chedaol el Blil. Sebechem el meluluuch el kirel a uldasu elmo ngosukau el chemoit a temem lobengkel a Demad ra Babeluades ma Osebelem.
Ng soam lochotii er Tir el kmo komekerreu? Momtebechel a llach el kau a tilib el mengeluoleu el rolel a olechotel a beltkil a rengum, e lak el kuk dil lolkael el moltirakl. E tiakid okesiul, sel kiei el loltirakl ra Llechul a Ulekerreuil a Bedenged, e ak milsuub el mekerang a kuruul a ungil kall el mora bedenged. Chelechang e ak kulsisechakl ra rengelekek el redil ra osisiu el tekoi. Sel ngara rengum el mengeluolu a llechul a Dios, ea beltikelreng er kau elmo re Ngii ma Osobel a mukeroul.
A telbiil deliongel er kid lobengkel a Demad ra Babeluades ma Jesus Kristo a mo ngosukid elmo ungil Medengelterir e morengii a klou el techall el ngmai a Klisichir el me ra klengar er kid—e lmuut el klou a klisichel ra ngidil tekoi el molmuut ra doldars a chemadech el kingall. E seikid el klisiich a meltid elmo cherechar!
© 2024 lokiu Intellectual Reserve, Inc. All rights reserved. Milluches er a USA. Kengei er a English: 6/19. Kengei er a Oidel: 6/19. Oidel ra Monthly For the Strength of Youth Message, August 2024. Palauan. 19342 000