ወርሀዊ የለወጣቶች ጥንካሬ መልዕክት፣ መስከረም 2024 (እ.አ.አ)

ንስሐ መግባት ትፈራላችሁ?

ጄሲካ ዞዊ ስትሮንግ

የቤተክርስቲያኗ መጽሔቶች

በፕሬዚዳንት ራስል ኤም. ኔልሰን መሠረት፣ መፍራት የሌለባችሁ ምክንያት እነሆ።

እናንተ የምትፈሩት ምንድን ነው? ሮለርኮስተርስ? የሒሣብ የትምህርት ክፍል? የኢሣይያስ መፅሐፍን ለመረዳት መሞከር?

ንሥሐ መግባትስ? ንስሃ የመግባት ሀሳብ በብርድ ልብሣችሁ ውስጥ መደበቅ ወይም ብዙ ቸኮሌት እንድትበሉ ካደረጋችሁ ይህ ጽሑፍ ለእናንተ ነው።

“እባካችሁን ንስሃ መግባት አትፍሩ ወይም ንስሃችሁን አታዘግዩት” ብለዋል ፕሬዚዳንት ራስል ኤም. ኔልሰን። ይህም ለጥሩ ምክንያት ነው። በፕሬዚዳንት ኔልሰን አባባል ንስሃ ስለመግባት ትክክል የሆኑ እና ያልሆኑ ነገሮች ቀጥሎ ቀርበዋል።

ስዕል በኮሪ ኢግበርት

ንሥሃ፦ ለሁሉም ሠው ያስፈልጋል።

ንሥሃ፦ “ለመጥፎ” ሠዎች ብቻ አይደለም።

“‘ሁሉም ሰው ንስሀ መግባት ያስፈልገዋልን?’ መልሱ አዎ ነው።”

“እያንዳንዱ ተጠያቂነት ያለበት እና ዘለአለማዊ ክብርን የሚፈልግ ሠው ንስሃ ያስፈልገዋል። ልዩ ሁኔታዎች የሉም። … ንስሃ ለእድገት ቁልፍ ነው።”

ንሥሃ፦ በየቀኑ የመሻሻል መንገድ ነው።

ንሥሃ፦ “ለከባድ” ኃጢያቶች ብቻ አልፎ አልፎ የሚደረግ አይደለም።

“በየቀኑ ትንሽ ሻል ያለ ነገር የማድረግን እና የመሆንን—በየቀኑ የሚደረግ ንስሃ ያለውን የማበርታት ሃይል ተለማመዱ።

ንስሃ ለመግባት ስንመርጥ መለወጥን እንመርጣለን! አዳኛኙ ልንሆን ወደምንችለው ምርጥ እኛነታችን እንዲለውጠን እንፈቅድለታለን። …

“… በዚህ የዘለዓለማዊ እድገታችን ላይ ሳለን ጌታ ከእኛ ፍፁምነትን አይጠብቅም። ነገር ግን ንፅህናችን እያደገ የሚመጣ እንዲሆን ይጠብቅብናል።”

ንሥሃ፦ ሠላም እና ደሥታ እንዲሠማ የሚያደርግ መንገድ ነው።

ንሥሃ፦ ሃፍረት እና ፍርሃት እንዲሠማችሁ ለማድረግ የታሠበ አይደለም።

“ንሥሃ … ለደስታ እና ለአዕምሮ ሠላም ቁልፍ ነው። …

“ንሥሃ መግባትን ስንመርጥ … በመንፈስ ማደግን እና ደስታ መቀበልን እንመርጣለን—ይኸውም [በኢየሱስ ክርስቶስ] ቤዛነት ደስታ ነው።” (በተጨማሪም አልማ 36፥17–23 ተመልከቱ።)

ንሥሃ፦ ከሚወዱን ከሠማይ አባት እና ከአዳኙ የተሠጠ በረከት ነው።

ንሥሃ፦ ቅጣት አይደለም።

“እጅግ ብዙ ሰዎች ንስሃን እንደ ቅጣት ይመለከቱታል—በጣም አስከፊ ካልሆነ በቀር ሊርቁት እንደሚገባ ነገር። ነገር ግን ይህ ቅጣት ነው የሚለው ሥሜት ሰይጣን የሚያነሳሳው ነው። ሊያድነን፣ ይቅር ሊለን፣ ሊያነጻን፣ ሊያጠናክረን፣ ሊያፀዳን እና ሊቀድሰን እየፈለገ እና ተስፋ እያደረገ እጆቹን ከፍቶ ወደ ቆመው ወደ ኢየሱስ ክርስቶሰ እንዳንመለከት ሊገድበን ይሞክራል።”

እናንተ፦ በጌታ ቤተክርስቲያን ውስጥ ትፈለጋላችሁ።

እናንተ፦ ንሥሃ መግባት በማያስችል ርቀት ላይ አይደላችሁም።

“ምናልባት ከቃል ኪዳኑ መንገድ በጣም እንደራቃችሁ ወይም ረዥም መንገድ እንደሄዳችሁ ከተሰማችሁ ያ እውነት እንዳልሆነ ላረጋግጥላችሁ። በኢየሱስ ክርስቶስ የኃጢያት ክፍያ በኩል የወደፊት ህይወታችሁ በተሥፋ የተሞላ እንዲሁም ብሩህ ነው። ከኤጲስ ቆጶሳችሁ ወይም ከቅርንጫፍ ፕሬዚዳንታችሁ ጋር ተነጋገሩ። … እባካችሁ ወደ ቃል ኪዳኑ የደሥታ እና የደህንነት መንገድ ተመለሱ። ከእኛ ጋር እንድትሆኑ እንፈልጋለን።”

የእግዚአብሔርን ፍፁም ሥጦታ ተቀበሉ

ስለዚህ፣ ንስሐ የመግባትን ፍርሃት ለማሸነፍ ትችሉ ዘንድ በአዳኙ ለመታን ተዘጋጅታችኋልን? አትፀፀቱበትም።

ፕሬዚዳንት ኔልሰን እንዲህ ብለዋል፦ “ዓለም መዳን ያስፈልገው ስለነበረ፣ እንዲሁም እናንተ እና እኔ መዳን ስለሚያስፈልገን፣ [የሰማይ አባት] አዳኝ ልኮልናል።

“… የእግዚአብሔርን ፍፁም እና ውድ ሥጦታ እንቀበል። ሸክማችንን እና ኃጢአታችንን በአዳኙ እግር ሥር እንጣል እንዲሁም በንሥሃ እና በለውጥ የሚገኘውን ደስታ እናጣጥም።”

© 2024 by Intellectual Reserve, Inc. All rights reserved. በዩ.ኤስ.ኤ ውስጥ የታተመ። እንግሊዘኛ የተፈቀደበት፦ 6/19። ትርጉም የተፈቀደበት፦ 6/19። የMonthly For the Strength of Youth Message, September 2024. ትርጉም። Amharic. 19343 506

ማስታወሻዎች

1. ራስል ኤም. ኔልሰን፣ “የመንፈሳዊ ፍጥነት ሃይል፣፣” የሚያዝያ 2022 (እ.አ.አ) አጠቃላይ ጉባኤ (ሊያሆና፣ ግንቦት 2022 (እ.አ.አ)፣ 98)።

2. ራስል ኤም. ኔልሰን፣ “የተሻለ ማድረግ እንችላለን እንዲሁም የተሻልን መሆን እንችላለን፣” (ኤንዛይን ወይም ሊያሆና፣ ግንቦት 2019 (እ.አ.አ)፣ 67)።

3. ራስል ኤም. ኔልሰን፣ “የመንፈሳዊ ፍጥነት ሃይል፣” (98)።

4. ራስል ኤም ኔልሰን፣ “የተሻለ ማድረግ እንችላለን እንዲሁም የተሻልን መሆን እንችላለን፣” (67–68)።

5. ራስል ኤም ኔልሰን፣ “የተሻለ ማድረግ እንችላለን እንዲሁም የተሻልን መሆን እንችላለን፣” 67።

6. ራስል ኤም ኔልሰን፣ “የተሻለ ማድረግ እንችላለን እንዲሁም የተሻልን መሆን እንችላለን፣” 67።

7. ራስል ኤም ኔልሰን፣ “Worldwide Day of Testimony: I Can Do All Things through Christ [ዓለም ዓቀፍ የምስክርነት ቀን፦በክርስቶስ ሁሉን እችላለሁ]፣” broadcasts.ChurchofJesusChrist.org።

8. ራስል ኤም. ኔልሰን፣ Instagram፣ ታሕሣስ 24፣ 2021 (እ.አ.አ)፣ instagram.com/russellmnelson።