Mahlwem Nuhkwewa Mwe Ahkkweye Mwet Fuhsr Mwe Fahkwack, Septempuh 2024

Sahngweng in Auliyak?

Jessica Zoey Strong

Mackuhsin luhn Alu uh

Oacna Prestuhn Russell M. Nelson el fahk, pa inge sripac pwacnwacng kom in enenuh in sahngeng.

Meac kom sahngweng kac uh? Rollercoasters? Kuhlahs ke Mact kuh Oacwac? Srihke in kahlwem ke Isaiah?

Ac auliyak? Fin nuhnak in auliyak uh oruh kom ke wihklac ye kahot lom kuh kang puhslac chocolate uh, mwe fahkwack se inge ma nuh sum.

“Nuhnak muhnahs nimet sahngweng kuh kohllah auliyak uh,” Prestuhn Russel M Nelson el fahk. Ac ke sripac wo. Pa inge kuhtuh ma ma auliyak el pwacye ac tiacna, oacna ke Prestuhn Nelson el fahk.

Sral sel Corey Egbert

Auliyak uh ma: Nuhsin Nohfohnna.

Auliyak uh el TIACNA: ma nuhsin mwet “koluk” MUHKWENA.

“‘Kuh mwet nuhkwewa enenuh in auliyak?’ Top an pa ahok.”

Auliyak el enenweyuck nuh selos nuhkwewa suc kena ke moul ma pahtpaht. Wacngihn ma sahyac. … Auliyak el ki nuh ke kapkapwack.”

Auliyak uh: Pa inkacnek in eklac wolac ke lwen nuhkwewa.

Auliyak uh el TIACNA: Ma nuhke ma koluk “luhlahp” muhkwena.

“Puhlakihn kuh luhn auliyak lwen nuhkwewa—oruh wo ac in woyak kuhtuhsrihk likina met ah.

“Ke kuht sulwaclah in auliyak, kuht sulwaclah in eklac! Kuht lwelah Mwet Lahngo Elacn ikihlkuhtlac sifacna nuh ke mwet wo emet.

Leum El tiac enenuh kuht in suwohswohs ingena ke pacl in kapkapwack lasr uh. Tuhsruhk El sanwe kuht in eklac nwacsnwacslah liki met ah.

Auliyak uh: Pa inkacnek in oruh kom in puhla mislac ac engan.

Auliyak uh TIACNA: Oasr in oruh kom in puhla mwekihn ac sahngweng.

“Auliyak … el ki nuh ke engan ac mislac in nuhnak. …

“Ke kuht sulaclah in auliyak uh, … kuht sulaclah in kapwack in nguhn ac eis engan—engan se ke moliyucklac sin [Jisus Kraist].” (Liye pac Alma 36:17–23.)

Auliyak uh: Mwe insewowo se sel Pahpah Inkuhsrao ac Mwet Lahngo, suc luhngse kuht.

Auliyak uh TIACNA: Kaiyuhk se.

“Puhs mwet nuhnkuh na muh auliyak uh mwacta koluk se—sie ma in lusrongyuck sahyacn na ma sikyak upac emet uh. Tuhsruhktuh puhla se ke nuhnuhkweyuck inge tuhkuh sel Satan. El srihke in tulokihn kuht in ngwet nuhsel Jisus Kraist, suc tu ke paho ikacklah, finsrak ac mwesahs in onwelah, nuhnakmuhnahs, ahkkweye, ahknwacsnwacsye, ac ahkmuhtahlye kuht.”

Kom: Enenweyuhk nuhke Alu luhn Leum.

Kom TIACNA: Loesuhlahalah in auliyak.

“Kom fin puhla muh kom som liki inkacnek in wuhlwelah sac loeslac kuh pahtlac ac wacngihn inkacnek in fohlohk, lwelah nga in fahk lah tiacna ma pwacye se. Ke Iwaclah luhn Jisus Kraist, moul lom in pacl fahsruh uh kuh in kahlwem—ac oaskuhlacna. Sramsram nuh sin ninac ac pahpah tomom ac pisrap lom kuh prestuhn luhn pracns. … Nuhnak muhnahs, fohlohkoh nuhke engan ac karihngihnyuck luhn inkacnek in wuhlweacng. Kuht enenwe kowos in wi kuht.”

Eis Mwe Sang Luhn God

Ohinge, kom ahkolah in luhlahlfongi Mwet Lahngo in kuhtanglah sahngweng lom in auliyak? Kom e fah tiac auli.

Prestuhn Nelson el fahk: “Ke sripen facluh enenuh in moliyucklac, ac ke sripen kom ac nga enenuh moliyuck, [Pahpa Inkuhsrao] suhpwacma Mwet Lahngo se.”

“… Lwelah kuht in eis mwe sang sacohk luhn God. Lwelah kuht in sisyac mwe toasr lasr ac ma koluk lasr ye niyacl Mwet Lahngo ac puhlakihn engan se ma tuhkuh ke auliyak ac eklac.”

© 2024 sin Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lwenglah luhn Mahlwem Nuhkwewa Mwe Ahkkweye Mwet Fuhsr Mwe Fahkwack, Septempuh 2024.Kosraean.19343 868

Ma Sihmlac

1. Russell M. Nelson, “Kuh se ke Mukwikwi luhn Nguhn,” Eprel. 2022 toeni luhlahp (Liahona, Mei 2022, 98).

2. Liye Russell M. Nelson, “Kuht Kuh in Oruh Wo Liki ac In Woyak Likina Met ahEprel . 2019 toeni luhlahp (Ensignkuh LiahonaMei 2019, 67).

3. Russell M. Nelson, “Kuh se ke Mukwikwi luhn Nguhn” (98).

4. Russell M. Nelson, “Kuht Kuh in Oruh Wi Liki ac In Woyak Likina Met ah” (67–68).

5. Russell M. Nelson, “Kuht Kuh in Oruh Wi Liki ac In Woyak Likina Met ah” (67).

6. Russell M. Nelson, “Kuht Kuh in Oruh Wi Liki ac In Woyak Likina Met ah” (67).

7. Russell M. Nelson, in “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.