UMyalezo waNyanga zonke wephephabhuku elithi Okwakha Intsha, ngoSepthemba 2024

Uyesaba Ukuphenduka?

UJessica Zoey Strong

AmaPhephabhuku eBandla

NgokukaMongameli uRussell M. Nelson, nasi isizathu sokuthi ungesabi.

Wena usabani? Ama-rollercoaster? Iklasi leZibalo? Ukuzama ukuqonda u-Izaya?

Mhlawumbe ukuphenduka? Uma umcabango wokuphenduka ukwenza ufune ukucasha ngaphansi kwezingubo zakho zokulala noma udle ushokoledi omningi, lesi sihloko ngesakho.

“Ngiyakunxusa ungakwesabi noma ukulibale ukuphenduka,” kwasho uMongameli uRussell M. Nelson. Futhi enesizathu esilungile. Nazi izinto ezimbalwa ukuphenduka okuyikho futhi nokungekona, ngokukaMongameli uNelson.

Imifanekiso nguCorey Egbert

Ukuphenduka kuyikho: Okwabo bonke abantu.

Ukuphenduka AKUSIKONA: Okwabantu “abangalungileyo” kuphela.

“‘Ngabe wonke umuntu uyadinga ukuphenduka na?’ Impendulo ithi yebo.”

“Ukuphenduka kuyadingeka kuwo wonke umuntu okufanele aziphendulele ofisa inkazimulo yaphakade. Abekho abakhethiwe kulokhu. … Ukuphenduka kuyisihluthulelo senqubekela phambili.”

Ukuphenduka kuyiyo: Indlela yokuba ngcono nsuku zonke.

Ukuphenduka AKUSIWONA: Umcimbi ongavamile “wezono ezinkulu” kuphela.

“Izwa amandla aqinisayo okuphenduka kwansuku zonke—okwenza kanye nawokubangcono kancane usuku nosuku.

“Ngesikhathi sikhetha ukuphenduka, sikhetha ukuguquka! Sivumela uMsindisi ukuba asiguqule ukuba sibe yinguqulo engcono kakhulu. …

“… INkosi ayilindele ukuphelela kithi ngalesi sikhathi ekuqhubekeleni kwethu kwaphakade. Kodwa Usilindele ukuba sibemsulwa kakhulu.”

Ukuphenduka kuyiyo: Indlela yokuzwa ukuthula nenjabulo.

Ukuphenduka AKUKHO: Khona ukusenza sizwe amahloni noma ukwesaba.

“Ukuphenduka … kuyisihluthulelo senjabulo nokuthula emqondweni. …

“Ngesikhathi sikhetha ukuphenduka, … sikhetha ukukhula ngokomoya futhi sithole injabulo—injabulo yensindiso eku[Jesu Kristu].” (Bheka futhi Alima 36:17–23.)

Ukuphenduka kuyiso: Isibusiso saBaba oseZulwini noMsindisi, abasithandayo.

Ukuphenduka AKUSISO: Isijeziso.

“Abantu abaningi babuka ukuphenduka njengesijeziso—into yokugwenywa ngaphandle kwezimo ezinzima kakhulu. Kodwa lomuzwa wokujeziswa ubangelwa uSathane. Uzama ukusivimba ukuthi singabheki kuJesu Kristu, omile nezandla ezivulekile, enethemba futhi ezimisele ukusiphilisa, ukusithethelela, ukusihlanza, ukusiqinisa, ukusicwenga, nokusingcwelisa.”

Wena uya: Dingeka eBandleni leNkosi.

Wena AWUKA: Hambi kakhulu ukuze ungakwazi ukuphenduka.

Uma uzwa sengathi uchezuke kakhulu endleleni yesivumelwano noma isikhathi eside kakhulu, akengikuqinisekise ukuthi lokho akulona iqiniso. NgeNhlawulo kaJesu Kristu, ikusasa lakho lingaqhakaza—ngisho likhazimule. Khuluma nabazali bakho futhi nombhishobhi wakho noma umongameli wegatsha. … Ngiyakucela, buyela kwinjabulo nokuphepha yendlela yesivumelwano. Siyakudinga nathi.”

Yamukela Isipho SikaNkulunkulu Esiphelele

Ngakho-ke, ingabe usukulungele ukwethemba uMsindisi ukuze unqobe ukwesaba kwakho ekuphendukeni? Ngeke uzisole.

UMongameli uNelson uthi: “Ngoba umhlaba wadinga ukusindiswa, futhi ngoba wena nami sadinga ukusindiswa, [uBaba oseZulwini] wasithumela uMsindisi.

“… Masamukela isipho sikaNkulunkulu esiphelele du futhi esiyigugu. Masilahle imithwalo yethu kanye nezono zethu ezinyaweni zoMsindisi futhi sizwe injabulo evela ekuphendukeni nasekuguqukeni.”

© 2024 ngabakwa Intellectual Reserve, Inc. All rights reserved. Igaywe eMelika. Usuku okuvunywe ngalo ukuba lesi sifundo sikhishwe ngesiNgisi: 6/19. Usuku okuvunywe ngalo ukuba lesi sifundo sihunyushwe ngesiNgisi: 6/19. Ukuhunyushwa kweMonthly For the Strength of Youth Message, September 2024. Zulu. 19343 783

AmaNothi

1. NguRussell M. Nelson, “Amandla Omfutho ongokoMoya,” ingqungquthela yebandla lonke yango-Ephreli 2022 (iLiyahona, ngoMeyi 2022, 98).

2. NguRussell M. Nelson, “We Can Do Better and Be Better,” ingqungquthela yebandla lonke yango-Ephreli 2019 (i-Ensign noma iLiyahona, ngoMeyi 2019, 67).

3. NguRussell M. Nelson, “Amandla Omfutho ongokoMoya” (98).

4. NguRussell M. Nelson, “We Can Do Better and Be Better” (67–68).

5. NguRussell M. Nelson, “We Can Do Better and Be Better” (67).

6. NguRussell M. Nelson, “We Can Do Better and Be Better” (67).

7. NguRussell M. Nelson, “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. URussell M. Nelson, Instagram, ngoDisemba 24, 2021, instagram.com/russellmnelson.