« តើយើងអាចមានសាមគ្គីភាពបានយ៉ាងដូចម្តេច បើយើងទាំងអស់គ្នាមានភាពខុសគ្នាដូច្នេះ ? » ដើម្បីកម្លាំងនៃយុវជនខែតុលា ឆ្នាំ២០២៤ ។
សារលិខិតប្រចាំខែនៃទស្សនាវដ្តី ដើម្បីកម្លាំងនៃយុវជន ខែតុលា ឆ្នាំ២០២៤
តើយើងអាចមានសាមគ្គីភាពបានយ៉ាងដូចម្តេច បើយើងទាំងអស់គ្នាមានភាពខុសគ្នាដូច្នេះ ?
យើងទាំងអស់គ្នាមានភាពខុសគ្នា ។ ប៉ុន្តែព្រះអម្ចាស់បានណែនាំពួកយើងឲ្យ « រួមគ្នាតែមួយ » ( គោលលទ្ធិ និងសេចក្ដីសញ្ញា ៣៨:២៧ ) ។ នេះគឺជាគោលការណ៍មួយចំនួនពីសាមគ្គីភាព ដែលពួកព្យាការី និងពួកសាវកបានបង្រៀនដល់យើង ៖
យើងសាមគ្គីគ្នាក្នុងព្រះយេស៊ូវគ្រីស្ទ ក្នុងដំណឹងល្អរបស់ទ្រង់ និងក្នុងសាសនាចក្ររបស់ទ្រង់ ។ « មានតែនៅក្នុង និងតាមរយៈភាពស្មោះត្រង់របស់យើងម្នាក់ៗចំពោះ និងសេចក្តីស្រឡាញ់នៃព្រះគ្រីស្ទប៉ុណ្ណោះ ទើបយើងអាចមានសង្ឃឹមថា រួមមកតែមួយបាន » ។
សាមគ្គីភាពទាមទារឲ្យមានសេចក្តីស្រឡាញ់ ។ « ទោះជាមានភាសាជាច្រើន និងប្រពៃណីវប្បធម៌ដ៏ផូរផង់ និងខ្ពង់ខ្ពស់ក្ដី ក៏យើងត្រូវតែមានចិត្តជាធ្លុងមួយក្នុងសាមគ្គីភាព និងសេចក្ដីស្រឡាញ់ដែរ » ។
សាមគ្គីភាពមិនមែនជាភាពដូចគ្នានោះទេ ។ សាមគ្គីភាព និងភាពខុសគ្នាមិនមែនជាការផ្ទុយគ្នានោះទេ ។ យើងអាចកាន់តែមានសាមគ្គីភាព នៅពេលយើងបណ្ដុះឲ្យមានបរិយាកាសមួយដែលរួមបញ្ចូល និងគោរពដល់ភាពខុសគ្នា » ។ « សាមគ្គីភាពមិនតម្រូវឲ្យមានភាពដូចគ្នានោះទេ ប៉ុន្តែវាតម្រូវឲ្យមានភាពចុះសម្រុងនឹងគ្នា » ។
សាមគ្គីភាពទាមទារឲ្យមានការលុបបំបាត់ចោលនូវការទាស់ទែងគ្នា និងការរើសអើង ។ « ដំណឹងល្អមានកន្លែងសម្រាប់មនុស្សគ្រប់គ្នា ។ ប៉ុន្ដែ មិន មានកន្លែងសម្រាប់ការរើសអើង ការថ្កោលទោស ឬការទាស់ទែងគ្នាទេ » ។
© ឆ្នាំ២០២៤ ដោយ Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly For the Strength of Youth Message, October 2023 ។ Cambodian. 19344 258