Etinda ya Sanza Mpo na Bokasi ya Bilenge Sanza ya zomi na moko 2024

Kolanda Klisto

Biteni

Na Mokambi Dallin H. Oaks

Mopesi toli ya Yambo na Bokambi ya Yambo

Kolanda Klisto ezali momeseno ya mbalakaka te to ya ntango mosusu te. Ezali bomipesi ya ntango nyonso mpe lolenge ya bomoi oyo esengeli kotambwisa biso ntango nyonso mpe na bisika nyonso. Mateya mpe ndakisa na Ye elimboli nzela mpo na moyekoli nyonso ya Yesu Klisto. …

Mitindo ya Nzambe epesaka nguya ya kotambwisa mpe kolendisa bomoi na biso. …

Mateya mosusu ya Mobikisi na biso emonanaka lokola esengaka bozongisi makasi na makambo ya mikolo na biso.

Oyo ezali ntango ya maloba mingi ya makasi mpe ya kozokisa na bopanzi nsango ya bato nyonso ata mpe na kati ya mabota na biso. …

Nini balandi ya Klisto basengeli koteya mpe kosala na ntango oyo ya nsango ya mabe? Mateya mpe bandakisa na Ye ezalaki nini? …

… Tosengeli kolinga mpe kosalela bato nyonso bolamu. Tosengeli koboya boweli mpe kozala bapesi kimya na masolo na biso nyonso. Yango elingi koloba te ete tosengeli kobuka mibeko mpe makambo totyaka na esika ya liboso, kasi tosengeli nde kotika kotyola makasi basusu mpo na oyo ya bango. Yango nde Ndakisa na biso Abonga nie asalaki na mosala na Ye. Yango ezali ndakisa oyo Atielaki biso lokola Abengisaki biso tolanda Ye. …

Lokola balandi ya Klisto, tozali koteya mpe kotatola Yesu Klisto, Ndakisa na biso Abonga nie. Na yango tika ete tolanda Ye na koboyaka boweli. Lokola tozali kolanda politiki oyo tolingi na misala ya bato nyonso, tika tolongobanai mpo na kozwa mapamboli na Ye na kosalelaka monoko mpe mayele ya bapesi kimya. Kati na mabota na biso mpe na mikanano mosusu ya moto ye moko toboya makambo ya mabe mpe ya koyinana.

© 2024 by Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Etinda ya Sanza Mpo na Bokasi ya Bilenge, Sanza ya zomi na moko 2024. Lingala. 19345 639