Etinda ya Sanza Mpo na Bokasi ya Bilenge , Sanza ya Zomi na mibale 2024

Mbotama

Na David A. Edwards

Magazini ya Eklezia

Yekola etali esika oyo eyebani ya Noele mpe tala lolenge nini esalisaka biso totya makanisi na Mobikisi.

Bililingi ya Caroline Vibbert

Beteleme

Beteleme elakisi “ndako ya lipa” na Hebreux. Ebengamaka ntango mosusu engumba ya Davidi, uta libota na ye nde Masiya asakolamaki ete akobimela (tala Jeremi 23:5; Yoane 7:42). Samuele apakolaki Davidi mafuta lokola mokonzi na Beteleme (tala 1 Samuele 16:1–13). Esakolamaki ete Masiya akobotama kuna (tala Mishe 5:2).

“Ebongaki mpenza ete [Yesu Klisto], ‘lipa ya bomoi,’ asengelaki kowutela na ‘ndako ya lipa.’”

Mokambi Russell M. Nelson, “In This Holy Land,” Liahona, Sanza ya mibale 1991, 13.

Ndako ya bapaya

Liloba ya Greke mpo na inn ekokaki kolimbola esika nyonso ya kolala mpo na mwa ntango, kobakisa kisuku ya bapaya. Malia “alalisaki [Mwana Klisto] na kati ya elielo ya bibwele; mpo esika ezalaki te mpo na bango na ndako ya bapaya” (Luka 2:7). (Libongoli ya Joseph Smith elobi “bandako ya bapaya.”) “Esika te” ekokaki kolimbola ete baboyaki bango to ete esika moko te bakokaki kofanda ezalaki na kisuku mpo na kobota mwana. Ezala bongo to te, bakendaki esika ya elyelo ya bibwele.

Elyelo ya Bibwele

Elyelo ya bibwele ezali sanduku oyo etombwami to esika moko babombaka bilei ya banyama. Na Yuda ya kala, biloko yango ezalaki mingimingi kosalama na mabanga. Bandako ya bapaya ezalaki na libanda monene oyo ezalaki na bibombelo ya banyama, mpe bandako ebele ezalaki mpe na bibombelo ya banyama na kisuku ya monene mpo ete banyama bakokaki kolala kuna butu mobimba.

Bilamba ya Kozinga

Bamama bazipi bana oyo babotami sika (kozingaka bango na bolangiti to elamba) banda ntango ya kala. Yango epemisaka mpe ekitisaka bango motema nsima ya mpasi ya kobima na libumu. Elamba oyo Malia asalelaki ekokaki kozala na elembo moko ya ntina mpo na libota.

Malia mpe Yosefe

Bazalaki bato malamu mpe ya sembo, mpe bango mibale bakitani ya Davidi. Anzelu ayaki kotala moko na moko na bango na bolengeli ya mbotama ya Mobikisi (tala Matai 1:18–25; Luka 1:26–38). Basalaki mobembo ya 100–140 km (60–90 ya bakilometre) na Beteleme. Malia azalaki na zemi na bowumeli ya mobembo.

Babateli mpate

Babateli mpate bazalaki kobatela bitonga na bango pene na Beteleme. Engebene na bato mosusu ya mayele, kaka bampate oyo ebongisamaki mpo na bambeka na tempelo nde bapesamaki ndingisa ya kobokola pene na engumba. Na yango babateli mpate oyo bazalaki kobatela bampate oyo elingaki komonisa mbeka ya Yesu Klisto mpo na biso (tala Mose 5:6–7). Batikaki bitong mb a na bango mpo na komona Masiya, oyo mbeka na ye ya bomikabi elingaki kosilisa mbeka ya banyama.

Mwana Klisto

Yesu Klisto azali moto ya ntina mingi na bililingi ya Mbotama—mpe na bomoi na biso.

“Nazali na elikya ete bokozwa ntango na eleko oyo ya Noele ya kofanda mpo na mwa bantango ya kimya mpe kotika Molimo ya Mobikisi epesa bino moto mpe ekitisa bino motema. … Bofanda kimya elongo na mwana wana ya moke mpe bolongwa wana ya kolendisama na molimo. … Tika ete ntango wana ezala ya bopemi mpe kimia mpe ya bozongisi sika.

“Nzambe apesi bino lipamboli wana na Noele oyo ntango bino, elongo na ngai, tozali kotatola maye maetali Mobikisi Yesu Klisto—ntina monene na Ye na bomoi na biso, na bomoi ya bato nyonso, mpe na ntina mpenza ya bozali.”

Mpaka D. Todd Christofferson ya Lisanga Likoki ya Bapostolo Zomi na Mibale, “Be at Peace,” Liahona, Sanza ya Zomi na mibale 2015, 37.

© 2024 by Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly For the Strength of Youth Message, December 2024. Lingala. 19346 639

Matangi

1. Bobongoli ya Joseph Smith, Luka 2:7 (na Luka 2:7, makomi ya nse b).

2. Tala Andy Mickelson, “An Improbable Inn: Texts and Tradition Surrounding Luke 2:7,” Studia Antiqua vol. 14, no. 1 (Sanza ya mitano 2015).

3. Tala Andy Mickelson, “An Improbable Inn.”

4. Tala Russell M. Nelson, “The Peace and Joy of Knowing the Savior Lives,” Liahona, Sanza ya Zomi na mibale 2011, 19–20.

5. Tala Alfred Edersheim, The Life and Times of Jesus the Messiah, 8th ed. (1907), 1:186.