Ehu ehu sounpwong Ong Kakehlepen me Pwulopwul kan Padahk en, Tihsempe 2024

Rahn en Kasansalpen Ipwidi en Sises Krais

By David A. Edwards

Makasihn kan en Mwomwohdiso

Kasikuhlki duwen kasdohn Krismas wet oh ia uwen eh sewese kitail en mehlel ohng Sounkomouro.

Kawehwehdi sang Caroline Vibbert

Bethlehem

Bethlehem wehwehki “imwen wasahn pilawa” ni lokaiahn Ipru. Ekei ansou e kin wehwehki kahnihmw en Dehpit, sang ni kadaudok en irail me Mesaia ketin kohpadahro (kilang Seremaia 23:5; Sohn 7:42). Samuel keiehdi Dehpit nanmwarki en Bethlehem (kilang 1 Samuel 16:1–13). E kokohpdahr me Mesaia pahn ipwidi wasahu (kilang Maika 5:2).

“Ia uwen kesempwal en [Sises Krais], me wia ‘pilawahn komour,’ en ketido sang ‘imwen wasahn pilawa.’”

Preseden Russell M. Nelson, “Nan Sahpw Sarawi Wet,” Liahona, Pep. 1991, 13.

Imwen Keiru

Ni lokaiahn Greek inn kak wewehki wasahn keiru, iangahki wasahn ohng me lukodo. Mary “ketin kaipwihedi [mesenih] nan dewen kamwenge mahn ehu; pwehki eh sohla wasa nan imwen keiru.” (Luk 2:7). (The Joseph Smith Translation kosoia “imwen keiru kan.”) “Sohla wasa” kak wehwehki me ira kopwurupwur de sohte wasa me ira kak mih loale pwehn kaipwiedi seri. Pwe ede peien neitik, ira eri patohla wasa ehu wasahn kamwenge mahn.

Wasahn Kamwenge Mahn

Manger iei koakon ehu de mehkot me kak kolpene kenen mahn mwonge. Nan mwehin Sudia, soahng pwukat kin wiawihsang takai. Wasahn keiru kan kin kalap dierek manger tohto, oh ihmw tohto mie manger kin mimiseli nan pere laud pwe mahn akan en kak iang pweidi loale.

Likoun Kidimkipene Seri

Nohno kan kin kidimkipene Seri pwelel (kidimkipene plangkes de likou) erein sounpar kid samwahier. Met kin kameleileldi oh kansenamwahu ih irahil ansou me irahil kin pidohi sang nan kapehd. Likou me Mary doadoahngkier ekis pahn kesempwal pwehki mie mark ehu me kesempwal ohng peneinei.

Mary oh Sosep

Ira wia armas mwahu oh mehlel, oh ira wia kadaudek en Dehpit. Ira koaros kilangehr tohnleng pwehn kaunopada ipwidien Sounkomouro (kilang Madiu 1:18–25; Luk 1:26–38). Ira seiloakilahr mwail 60 lel 90 kohla Bethlehem. Mary liseian erein ara seiseiloako.

Silepen sihpw kan

Silepen sihpw kan wie ahpwahpwalih neirail mahn akan limwahn Bethlehem. Semen kan kin inda, sihpw kelehpw me pahn wia mehn meirong nan tehnpas sarawi me kin epwelda limwahn kahnihmw. Eri sihpw pwukat kin epwehpwel pwehn wia kilel en Sises eh meirong kihla ih pwehki kitail (kilang Moses 5:6–7). Irail pwilikihdi neirail mahn akan pwe irail en kilang Mesaia, me ketkihda eh meirong pwehn weliandi meirong en mahn akan.

Seri Pwelel Sises

Sises Krais me wia poahsoan en Kasansalen Ipwidien Sises Krais—oh atail mour.

“I koapwoaroapwoarki me ke pahn ahniki ansou mwahu nan Krismas wet oh mweidehng ngehn en Kauno en kamehleleiluk oh kapwunguhkala. … Mwohndi ni meleilel rehn seri pwelel oh kehlailkihda ni pali ngehn. … Mweidohng ansouo en wia ansou en kommoal, insenamwahu oh kapwungala oh ipsapala.

“Koht ketkihong uhk kapai wet nan Krismas sang ni ata kadehdehki mwaren Sounkomour Sises Krais—Eh wia pwoahsoan en atail mour, ohng aramas koaros, oh ih kahrepen mour eh mie.”

Elder D. Todd Christofferson Wahnpoaron Ehk-riemen, “Be at Peace,” Liahona, Tihs. 5, 37.

© 2024 sang Intellectual Reserve, Inc. Kolokol pwuhng koaros. Intingda nan Wehin Amerika. Kamanaman ong ni Lokaiahn Inglis: 6/19. Kamanaman ong kawehwe: 6/19. Kawehwehpen Ehu ehu Sounpwong Ohng Kakehlepen Me Pwulopwul, Tihsempe 2024.Pohnpeian.19346 885

Nting kan

1. Joseph Smith Translation, Luk 2:7 (in Luk 2:7, mehn kaweid b).

2. Kilang Andy Mickelson, “An Improbable Inn: Texts and Tradition Surrounding Luke 2:7,” Studia Antiqua vol. 14, no. 1 (Mei 2015).

3. Kilang Andy Mickelson, “An Improbable Inn.”

4. Kilang Russell M. Nelson, “The Peace and Joy of Knowing the Savior Lives,” Liahona, Tihs. 2011, 19–20.

5. Kilang Alfred Edersheim, The Life and Times of Jesus the Messiah, 8th ed. (1907), 1:186.