Mulwol ni Ngan Thapeg ko biney e Pul ni Fan ko Gelngin e Pi’in ni Fal’yangren ko December 2024

Fare Nativity

Ke yib rok David A. Edwards

Fapi Magazine ko Galasia

Fil ko giney ni gabe guy ko ya’an e Christmas ko urogon ningad sap gad ngak fare Tathapeg.

Caroline Vibbert e Yoloey ya’an

Bethlehem

Bethlehem e be yip’ fan e “na’un ko flowa” u Hebrew. Bay boch ngiyal’ nyima pining ngay binaw rok David, ni’i yoeg fare Messiah nrayib (muguy ko Jeremiah 23:5; John 7:42). Samuel e anoint nag fram David ni pilung u Bethlehem (muguy ko 1 Samuel 16:1–13). Unoeg ni fare Messiah e ran diyen nag fraf u roem (muguy ko Mikah 5:2).

“Rib piluw lingan nikan noeg ni [Yesus Kristus], fare ‘flowa ko yofas,’ era yib ko fare ‘na’un ko flowa.’”

President Russell M. Nelson, “In This Holy Land,” Liahona, Feb. 1991, 13.

Inn

Fare thin ko Greek ni inn e gin ningan par ngay ndabi n’uw npan, woed e senggil ko guest. Mary “e ii thekiy [Fare Kristus ni Bitir] nga manger; ni bochane dakuriy e senggil u lan fare inn” (Luke 2:7). (Fare Pilyegthin ku Joseph Smith e be g’ar “inns.”) “Dariy e Senggil” e sana be yeog nda’ani pi’ e senggil ngorow fa dariy e senggil nrayog ningan gargaleg e bitir u langgin. Machane, ranow ngabang nibay e manger riy.

Manger

Manger e woed ba kahol fa pan nikan kunuy nga t’abang nima par e gan ko gamanman u langgin. Kakrom u Judea, e uni fal’agin y’an ko malang. Inns e bay e courtyard riy nge manger, ma b’or e tabinaw ni bay e manger u lane singgil nib ga’ nifan ko gamanman ninge mol ni balayal’.

Mad Nyima Chubchiy

Chitinngin e bitir e ke n’uw napan ni tabab ko kakrom nir chubchiyed e mad (ni gulgul fe mad) ko dakean e bitir rorad. Be ayuweg e bitir nra yib nga but’ ma d’abi dada’ doew rad. Ereram e mad ni sana fanay Mary nibay amithngin e rane’f riy ko tabinaw.

Mary nge Joseph

Boch e girdi’ ni manggil, ni pigirdi’en David. Yow l’agrow ni yibi m’ug e angel ngorow ni nge fal’eg rogon wo’en e gargelegnag fare Tathapeg (muguy ko Matthew 1:18–25; Luke 1:26–38). Nir malekag gow ko 100–140 km (60–90 e miles) nge mada’ nga Bethlehem. Bdiyean Mary npan nir malekag gow.

Gidii’en e gafaliy e saf

Gidii’en e gafaliy e saf e yidbay ko gamanman rorad nib chuchgur nga Bethlehem. Mayoeg e scholars, ni saf ningan maligach nag e nge par mab chuchgur ko binaw. Ere pi gidii’en e gafaliy e saf e yidbe yaliy e saf machane be yip fan fare maligach rok Yesus Kristus ngodad (muguy u Moses 5:6–7). Myid digey e flocks rorad ngar ranoed ngar guyed fare Messiah, ni maligach rok e re tilaeg e maligach ko gamanman.

Fare Bitir Ni Kristus

Yesus Kristus e rib ga’fan ya’an ko fare nativity—nge yofas rodad.

“Gube athapeg ko biney e Christmas ni ngam par ngabang nib achichig liman gubin binen’ riy ngam thamiy amithngin fare tathapeg nibe pagowran ngom. … Pirew e titiy roem nga but ngam thamiy gelngin fare thothup nibe yib amithngin. … Mu tay ko ngiyal’ nem ni gabe tofan nikam thamiy e bi’ech nge tin ni yibe pagowran ngom.

“Got e ke pi’ e binef e tow’ath ngom, nge gag ko Christmas, ningad mangew reb e micheg ko fare Tathapeg Yesus Kristus —rib Ga’fan ko yofas rodad, nge gubin e yofas ko girdi’, nge fan ni gadad bfas.”

Elder D. Todd Christofferson ko fare Quorum ko Twelve Apostles, “Be at Peace,” Liahona, Dec. 2015, 37.

© 2024 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Pilyegthin ko Mulwon ni Fan ko Gelngin e Pi’in ni Fal’yangren ko biney e puul ko, December 2024. Yapese. 19346 905

Babyoren e Ayuw

1. Joseph Smith Translation, Luke 2:7 (in Luke 2:7, footnote b).

2. Muguy rok ii Andy Mickelson, “An Improbable Inn: Texts and Tradition Surrounding Luke 2:7,” Studia Antiqua vol. 14, no. 1 (May 2015).

3. Muguy rok ii Andy Mickelson, “An Improbable Inn.”

4. Muguy nibe yoeg Russell M. Nelson, “The Peace and Joy of Knowing the Savior Lives,” Liahona, Dec. 2011, 19–20.

5. Muguy ii Alfred Edersheim, The Life and Times of Jesus the Messiah, 8th ed. (1907), 1:186.