Umyalezo wanyanga zonke wephephabhuku elithi For the Strength of Youth (Okwakha Intsha), NgoDisemba 2024

UkuZalwa KukaJesu

NguDavid A. Edwards

AmaPhephabhuku eBandla

Funda ngalesisigaba somdlalo esijwayelekile sikaKhisimusi nokuthi sisisiza kanjani sigxile kuMsindisi.

Umfanekiso nguCaroline Vibbert

iBethlehema

iBhetlehema isho “indlu yesinkwa” ngesiHebheru. Ngesinye isikhathi ibizwa ngokuthi yidolobha likaDavide, enzalweni yakhe uMesiya okwaprofethwa ukuthi uyoqhamuka kuyo (bheka kuJeremiya 23:5; NgokukaJohane 7:42). USamuweli wagcoba uDavide ukuba abe yinkosi eBethlehema (bheka 1 Samuweli 16:1–13). Kwaprofethwa ukuthi uMesiya uyakuzalwa khona (bheka kuMika 5:2).

“Kwakufaneleka kangakanani ukuthi [uJesu Kristu], ‘isinkwa sokuphila,’ wayezoqhamuka ‘endlini yesinkwa.’”

UMongameli uRussell M. Nelson, “In This Holy Land” iLiyahona, NgoFeb. 1991, 13.

Indlu Yezihambi

Igama lesiGriki lendlu yezihambi lingachaza noma iyiphi indawo yokuhlala okwesikhashana, okubalwa kuyo igumbi lezihambi. UMariya “walalisa [UKristu Umntwana] emkhombeni, ngokuba beswela indawo endlini yezihambi” (NgokukaLuka 2:7). (Ukuhunyushwa okwenziwa nguJoseph Smith kuthi “izindlu zezihambi.”) “Ukweswela igumbi” kungachaza ukuthi baphindiswa emuva noma ukuthi yayingekho indawo ababengahlala kuyo eyayinegumbi lokubeletha umntwana. Noma kwakunjani, baya endaweni lapho kwakunomkhombe khona.

Umkhombe

Umkhombe yibhokisi eliphakeme noma umkhombe ogcina ukudla kwezilwane. EJudiya yasendulo, lokhu kwakuvamise ukwenziwa ngetshe. Izindlu zezihambi zazinamagceke phakathi ayenemikhombe, futhi amakhaya amaningi ayenemikhombe egumbini elikhulu ukuze izilwane zigcinwe khona ubusuku bonke.

Izingubo zokuSonga

Omama bebesonga abantwana abasanda kuzalwa (ukubasonga ngengubo yokulala noma indwangu) iminyaka eyizinkulungwane. Lokhu kuyathulisa futhi kubaduduze ngemva kokwethuka kokuphuma esibelethweni. Indwangu eyasetshenziswa uMariya kwakungenzeka ukuthi yayinophawu olukhethekile olwaluyingqayizivele emndenini.

uMariya noJosefa

Babengabantu abahle futhi abalungile, futhi bobabili babeyisizukulwane sikaDavide. Ngamunye wabo wavakashelwa yingelosi ukulungiselela ukuzalwa kukaMsindisi (bheka NgokukaMathewu 1:18–25; NgokukaLuka 1:26–38). Bahamba amakhilomitha ayi-100–140 (amamayela ayi-60–90) ukuya eBethlehema. uMariya wayekhulelwe kuloluhambo.

Abelusi

Abelusi babelusa imihlambi yabo eduze kwaseBhetlehema. Ngokwezinye izazi, yizimvu ezazibekelwe imihlatshelo yasethempelini kuphela ezazivunyelwe ukukhuliswa eduze kwedolobha. Ngakho-ke labelusi kwakungenzeka ukuthi babelusa izimvu ezazizomela umhlatshelo kaJesu Kristu kithi (bheka uMose 5:6–7). Bashiya imihlambi ukuyobona uMesiya, omhlatshelo wakhe wenhlawulo oyoqeda umhlatshelo wezilwane.

UKristu uMntwana

UJesu Kristu ungumuntu obalulekile kwisigaba somdlalo sokuZalwa KukaJesu—nasezimpilweni zethu.

“Ngiyethemba ukuthi uzothatha isikhathi kulesi sikhathi sikaKhisimusi ukuhlala imizuzwana embalwa uthule futhi uvumele uMoya woMsindisi ukufudumeze futhi ukuqinisekise. … Hlala uthule nalowomntwana omncane futhi ubuye uqiniswe ngokomoya. … Vumela lowo mzuzu ube owokuphumula nowokuqinisekisa nowokuvuselela.

“UNkulunkulu akunike leso sibusiso kuloKhisimusi ngesikhathi wena, kanye nami, sifakaza ngoMsindisi uJesu Kristu—ukubaluleka Kwakhe ezimpilweni zethu, kwizimpilo zabo bonke abantu, kanye nakuyo injongo yokuphila.”

IGosa uD. Todd Christofferson womGwamanda wabaPostoli abaliShumi naMbili, “Be at Peace,” iLiyahona, NgoDec. 2015, 37.

© 2024 ngabakwa Intellectual Reserve, Inc. Wonke amalungelo agodliwe. Igaywe eMelika. Lesi sifundo sikhishwe ngesiNgisi: 6/19. Lesi sifundo sihunyushwe: 6/19. Ukuhunyushwa ko Mlayezo For the Strength of Youth (Okwakha Intsha), NgoDisemba2024. Zulu. 19346 783

Imithombo okuthathwe kuyo lemfundiso

1. UkuHunyushwa okwenziwa uJoseph Smith, NgokukaLuka 2:7 (ku NgokukaLuka 2:7, isengezo b).

2. Bheka ku-Andy Mickelson, “An Improbable Inn: Texts and Tradition Surrounding NgokukaLuka 2:7,” Studia Antiqua vol. 14, no. 1 (Meyi2015).

3. Bheka ku-Andy Mickelson, “An Improbable Inn.”

4. Bheka uRussell M. Nelson, “The Peace and Joy of Knowing the Savior Lives,” Liyahona, NgoDec. 2011, 19–20.

5. Bheka u-Alfred Edersheim, The Life and Times of Jesus the Messiah, 8th ed. (1907), 1:186.