Átaa’ Yiską́ǫ Nihitah Ayóó anoolnín Íidoolííł
Eldir Jeffrey R. Holland Áyiilaa
Hastóí Naakits’áadah Bá Naazį́įdoo
T’áa ayóó’iniini’ní. T’áa ba’íinlí. T’áa iinídlą́. T’áa niisééł. Yá’ąąshdę́ę́’ nádadilwosh dííjį́, yiską́ǫ, dóó nee’níjį’.
Shik’is dóó shiláh, baa ákonóhsin’ísh—baa tsísidookeeísh éí doodáo áłtsiisíjį’—nihi ayóó’ánhii’-nínii ? 10 nihee’ áhee’áłkid nół’į́įgo, díí ałkéé’ hadaheesdzi’íí binii’ danół’į́įgo, ndi t’áa’éí 10 ákee’ílkid, nihi díí bii’ á’ati’í bina’dę́ę́’ dah nahéetąh, danihí niilnį́įgo. Nihiyéél biníi’jį’ nihaa nihił dahózhǫ́, t’áá díí áłah na’ádleehí yii’ 21,000 dah nahéeztą́ní gi’át’áo, éí doodáo bii’ damǫ́ǫ áłah nídaadłeehgóó, éí doodáo dimíiltsoh nihokáá’góó t’áá hihighan bii’ danół’į́, doodáo daats’í t’áá’anóht’é saa náyiiláhí binísół’á. Kwįį nahísóotą́, áádi nahísóotą́, nihee’ áhee’íilkeed, éé’ damǫ́ǫgóó bee ałnánahkáhíí bee, áhodinółzée’go. Dahótaał dóó sodadółzin. Da’íisółts’ą́ą́’ dóó da’íinóhdlą́ǫ. Nihi Nahágha’ be’álilee danóhlį́. Dóó nihi ayóó’adanihíínii’ní.
Nihi ayóó anoolníngo ntsáo áłah siidlį́į́’. Nihí naat’áanii Thomas S. Monson nihił hólǫ́ dóó ádahanééh yaa hoolne’ígíí yee nihík’ijisdli’. Naat’áanii, ayóó adanii’ní, ná sodadiilzin, ahéhee’, dóó aláahgo, nił déiyiniilníísh. Nihí baa ahééh daniizin ni, nikéé’ dah sikéii, dóó t’óó ahayóí hastóí dóó sáanii nihá aláajį́’ naazį́į nihich’į’ yádaałti’. Nihí sin nizhǫ́nígíí dasidiits’ą́ą́’. Nihá yéego sódahodizin dóó bee ndanhi’dóoskąn. T’áa’aaníí Átaa’ Be’Íi’sizį́į kwǫ́ǫ́ bidzíilgo hólǫ́. Dooládó’ diyin k’éhjí naaki yiską́ąjį’ bee nihił hóone’.
K’ad, shí t’áá anáhóoti’ yish’į́. Ła’ éiyá shí t’éí ni dóó abe’yístiní ntsáo áłah alééh áłch’į’ kónalnéego íiníł’į́įhígíí bit’a’gi sézį́. Nááná ła’ígíí bee ánáhooti’ii díí eelkídígíí t’áa’aanii ach’į’ ál’į́ biyi’ yíiłtsą́.
Nánihóóshką́ą́h áłchiní ałtso bikáá’dah’asdahí bine’dę́ę́’ nidanóht’íníí, nídi t’áa’aaníí dasidiitsą́’íí yiskáo, éí doodáo biiską́nį eíí, baa nihił dahózhǫ́nii dóo nihits’ą́ą́’ k’ee’doolchǫ́ǫł da. Nihí diyin k’ehjí nihidiisna’ígíí t’áá béé deelniih dóó sáá bee nanihi’dineestą’íí. Nídi t’áa doole’é diyiníí nihe’íina’ biih yiilyéehgo, nihí, ts’ída, nihokáajį’ ch’íídááh, t’óó nahalin, áádi nihichį’ nínááhodii’nááh.
Hebrews náyiizooígíí díí haasíídnóo yee nihił hóolne’, “Nighádę́ę́’ áhoot’įįd béé nilnííh, jo’éí bii’, nihił ch’i’diní-dláád bik’ijį’, nihí kana’adá biih woo’áázh.”1 Eíí ił ch’ídi’nídláád bik’ijį’ t’óó’ ahayóí kana’adá áł’ąą’ át’é, dóó t’áa’ániit’é akó nihidoolííł. T’áa’aaníí ałtso nanítiní daaz’į́’ígíí yaa’áko daniizį’íí eíí naznítingo dóo nléí na’nítin bóhoo’ááhídi nahálin da. T’áá’ akót’é nihíTaa’ bighandí nizhónigo í’iiyáa yę́ę ch’íneidáaho łáhgo át’įįh éí doodáo tó dóó bááh yilzį́į́h góne’ íi’sizį́į binahjį’ íhwiil’á hąą.
Moses bénałníihgo eíí Dził Sinái yikáa’di ayóó’atéii yiyííłtsą́ągo adanáadzáo, bidine’é “t’áa bí tsi’haakáo” dóó yee’ “tsį́įłgo łahjoo dah dííkai.”2 Dził yiyáagi dah yinééł, beegashii yáázh yich’į’ sodádilzin yiká yedá’alééh, ts’ída akóhgo eíí Jahóvah, dził yyighą́ą’di, Moses yee yił halne’, “nihí dóo ła’ diyin chíín shitsijį’ biidóosį́įł da” dóó “nihí dóo íshį́į́ béé doodlíił da.”3 Moses yee’ dóo yaa bił hózhǫ́ǫ da eíí Israel dine’é néi’eeshígíí!
T’óó nihokáá’ aho’níilne’, Jesus dah yidíi’eezh Peter, James, dóó John níléí Dził bikáá’ łáhgo ájiitį́įh, áádi, God bizaa koní, “bínii’jį’ jóhonaa’éí gi’átáo bits’ádi’nílííd, dóó bi’éé’ adinídíín gi’át’áo łigai.”4 Yá’ąąsh ’ąą’ ádzáo, bá yádaałti’í nináheeskai, dóó nihíZhe’é Diyin God haadzíí’.
Ayóó’at’é yit’į́ alyáa bik’íjį’, Jesus ha’íish dziłdę́ę́’ adáayáo yik’í niyá? Shóóh, áłtsé éiyá bá naazį́į ałch’į’ saa dahólǫ́ dóó be’ádziil bee ashkii bik’í sohodóozin nídi t’áadoo bidéiiłniid da. Áádoo Naakits’áadah chééh kót’é yił ní—ch’ééh ayíił’į́į́d, ákohgo—Bí eíí hodíínáá’oo ánaazį́į́ baa ho’dit’áahgo dáho’niiłhxį́. Ákogo ła’ ni tax ninílé ní, jó eíidi niinílá. Áádoo bik’iské ła’ ha’íísh dadóhní éí háiish nił haz’ą́ądi aláahgo át’ée doolééłígíí yaa saa dahólǫ́. Díí ałtso bąą Bí yee haadzíí’, “O háánoot’ą́ dóó da’óodlą́nii, … haash nizáhgóó bee niháhoséł’ą́?”5 Bí yee’ na’nítindą́ą́’ t’áa’ahą́ą́h eíí yee hanádzíh. Eíish bąą dził bighą́ą’di nizáágóó sodílzin łéh!
Baa áko niidzį́’íí eíí t’áa’ániit’é ayóó’at’éii déiltsą́ądę́ę́’ nináheekaigo hinii’náo doole’é bee ák’i dahwiiltá’, shi díí ntsáo áłah azlį́’ígíí bee hada’íínółní nihídishní.
Átsé éiyá, náás yoołkááłgóó nihí diné nihináo doole’é yi’óhneel’ą́nii wóh’į́ nídi t’áa nihí ałdó’ díí naakijį́ bee nihich’į’ ha’íísdzi’ígíí eíí nihe’íina’ bee ch’ééh ádeiil’į́, t’óó naah nihónółkaad dóó bits’ą́ąjoo dah dooínááh. Bá hane’, biNahágha’, dóó hastą́ą́ ninádizi’ áłah na’ádłeehígíí binahjį’ laanaa dóó diyinjí ínaahwiil’ááh, dóo nihąąh nahóniłka’ biniiyé da. Ach’į’ na’íił’ná t’éi, t’áa’ániit’é nihe’ána’í nilį́, nihíha’dit’áahgo eíí ntsáo áłah azlį́įgo binidíílnishígíí dóo bóhonee’ą́ą da nihił ní, dine eíí dóo náás dikáah da, ła’ eíí t’ahdóo náás digháah da. Dóó ha’íish biká eíí Lucifer yee yáłti’? Bił bééhóziníí biniinaa bí dóo sííd nidoogháał da, bí dóo náás doogáał da, ndahokáá’ eíí bił ahwiishzhíizhgo bí yiską́ądoo dóo bił chídi’doodláł da. Bí éiyá hastįį dóo bił hózhǫ́ǫ́góó hool’áo yi’óhnilį́, dóó bí dóo íł hózhǫ́ ná yinízin. Eíí, bídin wóhlée lágo. Nihá Jesus Christ Nina’ídláhígíí niháadeet’ą́ dóó yá’ąąshdę́ę́’ nihiká i’dóolwoł, nihi yee’ náás diidááł, dóó hane’ yá’at’éhii ayóó’at’éego bąą biniitálii bił ólta’, azhą́ dóo áłahjį’ be’íil’į́į da ndí.
T’óó Nahágha’ ninalyá hę́ędą́ą́’ baa saa hazlį’ígíí éí haíish yá’ąąshdę́ę́’ bik’idahózh doodlííł dóó hái éiyá dóo da, aTaa’ bá yáłti’í Joseph Smith íiłní, “ts’ída ándishní, [Diyin God áayiilá] yee’ dine’é yee náás dookáh biniiyé ayóó’adabó’níi dóó yeda’áł’íi … shíbeenahaz’áanii, dóó [há] eíí yínizingo ye’aléhii.”6 Yááh, nihiísh t’áa’aniit’é baa áheeh níizin eíí bíídzooígíí “ dóó … yiniiyé ye’eléhii”! eíí ts’ída nihiká éelwodgo biniinaa łahda t’áá’éit’éí bił hadiilchi’! nihi bee hanéii’yołígíí eíí Diyin God ts’ída dóo nida’íisígíí t’éí ya’niláo, Bí dóo lą’ída yitáa’dooníh.
T’áá shǫǫ yiską́ǫ béédaałnííh, dóó eíí t’áá yoołkááł bik’eh, nihíTaa’ eíí háishį́į́ yá’at’ééh yiníziníí yik’ijidoodlííł, éí bibeehaz’áanii yinízinígíí dóó náás déiidóhsin, éí Christjí íłtólí ídlį́ bił danilį́ dóó yik’íhidookáhbiiniigáhjį’. Ní eíí bi’óhsinilíi’go, áłtso ákodaadzaa, Yisda’íinííł ákogo niká ádoolwół. Néiniwó’go, ne’ádziil bee náshiisįįh. Alma gi’at’áo, “O Jesus, … sháa jiiníbááh.”7 Bí lá nanidóódloos. Bí nibąąhá yoo’ádi’ááhgi yee niká adóolwoł, hasht’e’ ádilnééł, lá nilééł bóhonee’ą́nii, dóó náás yinááł. Náasdi índa hanítáhígíí bik’ídiinááł.
“Shíí nóhkeedíí bąą niháá doolyééł,” níTaa’ yee haadzíí’.
“… nihí éiyá Íi’sizį́į yá’at’éeh yaa’ íilósii ba’íínóhłí—aoo’, ts’ídii ół’į́, jooba’ í’dółzin, diyin k’éhjí ánihóyoh’ááh. …
“… [Áádi índa] diyin k’eh[jí] yinóhkeedígíí, … niháá doolyééł.”8
Eíí na’nítin ayóó’oosh’ní! Éí koní dóó konínii eíí nihí yee’ bee nihik’ihózhdoodlííł akǫ́ǫ́ yá’at’éhii níídzino, azhą́ tóó biká hwiidzaaígo. Dóó yéé nihiłníhii eíí binahjį’ bee nihik’i dáhozh-doodlíiłgo, nihí ts’ída háiida dóo bich’į’ baa niichį́’í da: nihí ts’ídii íilnííł, t’áa na’níle’diií; nihí jooba’ í’diníilzin, dóo ádaa zííniidíígóó; diyin k’ehjí ánihwiit’ááh, t’áa shí aláah anisht’é niizį́ní.
Shik’is dóó shiláh, áłtsé aláadi beehaz’áanii nléí ahóól’áádę́ę́’ éiyá Diyin God ayóó’íínii’ní nihi jéí, nihe’ádziil’ nihíni’, dóó nihe’átsxe’, eíí áłtsé aláadi beehaz’ą́. Ndi áłtsé aláahdi t’áá’aaníí éiyá Diyin God ahóól’áádę́ę́’ eíí ayóó’a nihó’ní t’áa’at’é Bí{ jéí, be’ádziil, bíni’, dóó be’átsxe’ yee. Eíí ayóó’o’o’ní éiyá ahóól’á yee niłdzil, dóó nihí ts’ída t’áa’áhwiijį bee niildzil. T’áa bééhózinóo éiyá eíí nihiyéél yee ha’ólnóo eíí yá’at’éhígíí ádáhaniitáh, nihibąąhá nihá yóó’ahididoot’ááł haniitá, dóó nihináagoo dabighaníí bich’į’ hwíiniilzin.
Naat’áanii George Q. Cannon łahda yína’neestą́ą́’: “ayóó nihich’į’ anáhooti’go, yéego nitíhonidéelgo, yéego ká nanináo, [Diyin God] dóo nihits’á doogáał da.t’ahdóo da, dóó dóo akódooníił da. Dóo yídinóotáh da. Dóo yee [hábi’dilyáa da]. … Bí dóo nihi[ts’á]dóogáał da. Nihi dah hodóok’áą́ł bii’ ch’ídiidááł; nihi tó ditą́ągo dah bii ch’ídiidááł; ndi dóo ántidoolíłí da dóo ni’ nihik’éhdidóodleeł da. Díi áłtso bii’ ch’ídiikáh dóó bee yá’at’éeh diidleeł dóó niiltólóó.”9
K’ad, eíí ayóó’at’éí yá’ąąshdę́ę́’beehódilzin bee nihe’íina’ bii’ silį́į’go, ayóó niłtólóó íishją́ ályaa dóó iiná bii’ niłtílí, dóó aniné, dóó Átaa’ Jesus Christ nihá Nina’ídlá, nihi bąąhá dóó dóo áhayą́ biyi’dę́ę’ ch’íhidiikáh—t’áá nihíi éí doodáo dine’é daabíi—t’áá dahinii’náo haa’íshį́į́ nihe’íina’ bii’ hódoolééł. Nihijéí Diyin God baa diniit’ą́ǫ, nihi Átaa’ Jesus Christ ayóó’ii’nóo, nihi báhane’ bíniil’ą́ąjį’ bee hinii’náo, yiską́ądóó—dóó t’áá yoołkááł—ayóó’at’é nihił hódoolééł, azhą́ dóó áłahjį’ akóniidzin da ndi. Ha’át’áo? Jó nihíZhe’é Diyin ákwiinízinígíí biniinaa! Hák’ijideeshdlííł nízin. Ba’áłchiní yaa jóoba’go bináhast’ą́nígíí yaa bił dahózhǫ́, yee nída’didóolééł, dóó hool’áo iiná yee yik’ídookáh! Éí náhast’ą́nii ga’ t’áa’aaníí binahjį’ “eíí doole’é áłtso yá’at’éehgo yílnish eíí Diyin God ayóó’adayó’níi bá.”10 t’áá ayóó’iinóh’ní. Bínóohtáh. Ba’íónóhlí. Íinóhdlą́. Nóosééł. Yá’ąąshdę́ę́ náhodiwósh dííjį’, yiską́ǫ, dóó nee’nígóó.
“Dooísh nił bééhózin da? T’aaísh disiníts’ą́ą’ da?” Isaiah yicháo.
“[Diyin God] ch’ééh at’į́į ádziil yéidi’ááh; dóó dóo bik’alíí eíí bitse’ áyiił’į́į́h. …
“… Bí ba’naakaiígíí eíí yee dabítse’íí ániidí ndadoodlééł; bí atsá dah diit’áh gi’át’áo déi kódadoo-nííł. …
“Áko … háTaa’ … Diyin God [há]la’ nish’náájí yótą́’go, [ha]ch’į’ kónóo, T’áa nałdzidí; nihiká adeehwół.”11
Shik’is dóó shiláh, aZhe’é Diyingo ayóó’ánho’níi dah yiską́ǫ díijį́ haa niit’éhígíí yéé nihídoołní. Bí yee’ bił ha’ííniilní bee yiidáałgo yee nihik’izhdoodlííł dóó nihi díí naakijį́ áłahniidlǫ́ǫ dasidiits’ą́’íí t’áa bich’į’ ne’niidlį́ní bee náás yiikáh, be’ayóó’o’o’ní eíí nihił bééhózin dóó ch’ééh íil’ínígíí ndi yee nihiká adoolwół—shóóh, nihił hólǫ́ǫ doolééł ts’ída ch’éeh’íitį́įgo.
Báhane’ bich’į’ hózáadgo dóó náasgi yoołkááł bee hast’e’ni’ídááh dóo bíínishgáh da, Joshua bidine’é nee’níjį’ dóo bíígáh da danízingo saa bee ha’óníínii yee haadzíí’. “Diyin k’ehjí wóhkah,” yił ní, Átaa’ ga’ Yiską́ǫ Nihitah Ayóó anoolnín Íidoolííł.”12 Shí t’áá’éí bee nánasdzííh. Éí díí áłah áleeh yee nánaadzíí’. Díí Nahágha’ éí yee hanáádzíí’. Bí éí yee hánaadzíí’ náanish áyoolíłíí, éí t’áá Bí “ayóó’at’éi, Íłyáłti’, Diyin God bitse’íí, … Hóózyéél Binanta’í.”13 Bí hólǫ́ dishní. Bí lá bá sezį́. Dóó díí áłah áleeh bí bináanish díishjį́įdi náas yiyóółwół. Jesus Christ bízhi’ bínahjį’, áamen.