Asɔr Edzibewdzifo Tsĩpia Ma no

President Henry B. Eyring na Ɔdze to Gua

Ɔpamfo a Odzi Kan wɔ President a Odzi Kan na n’Apamfo mu

Enuanom na nkyerɛbaa President Monson ase me dɛ memfa Asɔr no ne Wiadze Mfɛndzanan Edzibewdzifo na Apaamu Eduosuonfo edzin nto gua ngye hom tsipia ambatow.

Yesusu dɛ yɛma Thomas Spencer Monson tsĩpia dɛ nkɔnhyɛnyi, adzehunyi, na oyikyerɛfo, na Jesus Christ n’Asɔr a ɔwɔ hɔ ma Nda a Odzi Ekyir Ahotseweefo no ne President; Henry Bennion Eyring dɛ Ɔpamfo a Odzi Kan; nye Dieter Friedrich Uchtdorf dɛ Ɔpamfo a Otsĩa Ebien wɔ President a Odzi Kan na n’Apamfo mu.

Hɔn a wofua ekyir botum akyerɛ.

Hɔn a wotsia no botum akyerɛ.

Yesusu dɛ yɛma Russell Marion Nelson tsĩpia dɛ Asomafo Duebien no hɔn Quorum no ne President, nye hɔn a wodzi do yi, dɛ dɛm quorum no kuwmba no: Russell M. Nelson, Dallin H. Oaks, M. Russell Ballard, Robert D. Hales, Jeffrey R. Holland, David A. Bednar, Quentin L. Cook, D. Todd Christofferson, Neil L. Andersen, Ronald A. Rasband, Gary E. Stevenson, na Dale G. Renlund.

Hɔn a wofua ekyir, yɛserɛ hom nkyerɛ.

Obiara a otsia no, obotum so akyerɛ.

Yesusu dɛ yɛma Apamfo a wɔwɔ President a Odzi Kan na n’Apamfo mu, nye Asomafo Duebien no tsĩpia dɛ, nkɔnhyɛfo, adzehufo, nye yikyerɛfo.

Hom a hom fua ekyir nyina, yɛserɛ hom nkyerɛ.

Sɛ binom wɔ hɔ a, wotsia a, wɔmfa nsɛnkyerɛdze kor noara.

Yesusu dɛ yɛdze enyisɔ sian hɔn a wodzi do yi wɔ hɔn som mapã ho, Elders Daniel L. Johnson, Jairo Mazzagardi, Kent F. Richards, na Francisco J. Viñas dɛ Wiadze Mfɛndzanan Eduosuonfo Etumdzifo na yɛama woenya hɔn a wɔapon hɔn edwuma dzibew. Yɛkamfo Elder Per G Malm a, ofii mu wɔ Ayɛwoho 26, 2016 no wɔ no som ho. Yɛkyerɛ hɛn dɔ na hɛn akoma mu kosɛkosɛ ma Akyerɛbaa Malm na hɔn mba nye mbananom.

Hɔn a wɔpɛ dɛ wɔnye hɛn yɛkyerɛ hɛn enyisɔ ma Enuanom yinom hɔn som soronko ho no, yɛserɛ hom nkyerɛ.

Yesusu dɛ yesian Alan R Walker dɛ Apaamu Eduosuonyi Hɔn a wɔpɛ dɛ wɔkyerɛ hɔn enyisɔ ma Onuabanyin Walker no, yɛserɛ hom nkyerɛ.

Yesusu dɛ yɛma hɔn a wodzi do yinom tsipia dɛ Apaamu Eduosuonfo: Bhanu K. Hiranandani na Sandino Roman.

Hom a hom fua ekyir nyina, yɛserɛ hom nkyerɛ.

Hɔn a wotsia no, sɛ bi wɔ hɔ a.

Yesusu dɛ yɛma Wiadze Mfɛndzanan Etumdzifo Etsitsir, Apaamu Eduosuonfo, nye Wiadze Mfɛndzanan Ekuwekuw Presidencyfo nkaafo no, dɛ mbrɛ sesei wɔahyehyɛ no, tsipia.

Hom a hom fua ekyir nyina, yɛserɛ hom nkyerɛ.

Sɛ binom wɔ hɔ a, wotsia a, wɔmfa nsɛnkyerɛdze kor noara.

President Monson, yɛahyɛ ambatow no nsew. Yɛto nsa frɛ hɔn a bia wotsiãa nsusui no mu biara no dɛ wɔnye hɔn stake presidentfo nkehyia.

Mo nuanom na nkyerɛbaa, meda hom ase, wɔ hom gyedzi na mpaabɔ a hom kɔ do bɔ ma Asɔr no ne banodzifo no.