![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F31%2Fe5%2F31e5521b5aad384e6ac6455742464eda28228a90%2F31e5521b5aad384e6ac6455742464eda28228a90.jpeg/full/!250,/0/default)
Táá Ádéézhí
T’áá nihi bee nihi hólóniihgo Diyin bikee yiidaałígíí éí naanaa łá’ diné doobídeetí’da.
Háshineeh shidéézhí, dooladó nizhónígóó nihił honishlǫ́ diishjí. T’áá ániihdigo Diyin Yáyałtí’ii, Thomas S. Monson, bił ałahsiidłiihgo, ájíní Diyin God ajóó’íínishnį́. Yaa’áheenizin nihi áyóó’óooní, nihi tsodizin, dóó Diyin God nizhónígo bikee nísoozį́’ígíí.
As we recently met with our beloved prophet, President Thomas S. Monson, he expressed to us how much he loves the Lord. And I know that President Monson is very grateful for your love, your prayers, and your devotion to the Lord.
Ałkidą́ą́’ nizaadí keyahdi táá ádéézhí keedahatį́.
Áłtsé ádéézhí éí doo bił hádzíída. T’áá bichį́į́h doo niléí bikézhoozhjí doo bił yá’át́ééh da. Yałtígo bizaad łahda biniinaa diné baa daadloh łeh. Diné doo hágó dabiłníída áko biniinaa t’óó dah diigaahgo t’áásádí nísijíkees łeh, ha’át’íísh biniinaa iiná doo shá yá’át’ééhda jinízin łeh.
Naakii’í adeezhí éí ayóó báháchį́. Áyóó niséskees jinizin ndi naanałah oltádi bilaadí nisékees łeh. Shaadloh hásin, shaajolnį́, shiéé’ dah nizhóní. Ndi t’áá áko naanałah alaadi baadlohásin, alaadi baajolní, biéé’ alaadi dah nizhóní.
Tsídá doo áląąjí ájígaada, éí biniinaa doo hwił yá’át’ééh da. Iiná éí doo ákot’áo dah nt’ę́ę́’.
Łahda diné bichį́ háháchį́ łeh, asdą́ą́’ t́áá doole’í biniinaa yéígo háháchį́į́h łeh.
Éí biniinaa diné doo hwódahnǫǫdlį́ łeh. Tłéégo hawoo ałchį́ ájósingo, dóó hala’ jínismaasgo nisíjíkees, “Iiná doo yá’át’ééh da.”
Áadóó akeedę́ę́’ adéézí. Éí ayóó bił hózhǫ́, doo báhachį́ da, dóó doo bil hádziid da. Ázha doo yéígo nisékees da dóó doo ayóó baajolníí’ da. Ałdó diné doo hágo dah bił nííh da. Łahdi biéé’ yiisítinígíí dóó bizaad yeehaadzsí’ígíí yaa daadloh łeh. Łahda doo yá’át’ééhgo baa yádaałtį́. Da. Ndi díí’ ádajítin’igíí doo bee nít’į́į́’ da.
Hatałgo bił nizhoní. Ázha doo nizhónígo hatal ndi, dóó diné baadaadloh ndi. Áníí łeh, “Diné éí biní adahjiní, hashtałgo shił nizhóní dóó shił yá’át’ééh.”
T’áá hajitał biniinaa hádí aląąji’ígíí doo bił hádziid da, hádí naakiigoné éí tóó báhachį́.
Lahí naahai dóó t’áá táá át’ééké bee iiná nahasdzáán bikaagi hwee’iiná nidahaastį́.
Hádí ałtsé, éí iiná t’áá’awííjíga’ hánontłahgo doo hwiłhadziidgo dájizhtsą́.
Hádí naakii goné éí t’áákwííjį́ t’áá nánilehí jijoołlahgo hahachį́go dajizhtsą́.
Ákéédę́ę́’ ádéézhí éí iiná hwił yá’át’ééhgo hójitaałgo dóó hwił hózhǫ́ǫgo ałdó dajizhtsą́.
Jó ndi iiná doo ákot’éeh da, díí táá át’ééké baa hané’ígi’ít’áo. Jó ndi binaji t’áá nihi óhódiilaał. Łah shį́į́h díí táá ádéézhi ádaat’e’igí’át’áo adánot’é. Há’ííshjąąshį́į̨́h hazhó’í dadíniilįįł.
Bíkéhit’aah
Ałtsé aląąjí adéézhí éí bíkéhat́ááhi bee hól ǫ́—naanała’ ádaatį́.1 T’áá lé’í doo yá’át’ééhígíí ałkee ádaane’ biniinaa doo hwił hát’siid da. Jó díígí át’ao éí naanałah diné binahjí nísi’jíkees dóó ájít’é. Díígí ájít’ao éí naanałah bik’égo joogał leh—nihinąągo baa yádaatí’ígíí niyol tsoh nahalingo daniyol.
Háshinę́ę́’ shidéézhí, ha’at’íísh biniyé naanałah nihił hózhǫ́’nígíí baa dínóaah, éí doo nihąąnisíkees dah?
Áko naanałah diné ádaaní’ígíí biḱehgo yinaałgo, ko’nihidishní: Beenilnįįh Diyin bitsí nilį́, nimá dóó nizhé’e yá’ąąhdę́ę́dí hólǫ́, yádíhił bee boholnííh.
Diyin God bits’ąądoo ánitį́. Ní éí yá’aashdí diyin ḱehjí na’ilyá dóó naasgo hádiilyaah. Diyin God be’awéé’ nilį́, éí áyóójooba’ dóó hoolaagoo hiná, yá’aashdí sǫ’ dóó kéyah yádiłhił bii’ dahólonígíí házhó’ó nideeznil.
Bilah yéí nąą’áhal yá.
Áyóó Bilah nizhóní.
Bilah bee áyóó’ó’óóní
Bilah yee jóóba’.
Áko t’áá saad nídee’aah ndi doo łahgo ánídooleeł da. Diné bizaad éí doo ílíída, Diyin God néehosinígíí éí alaadí álį́.
Ní éí be’awéé’ nilį́.
Áyóó’á’nó’ní.
Ázha nidítłish ndi, ázha bits’ąąjígo ant’ééh ndi, Diyin God áyóó’á’no’ní. Shaaháyoos’nah, yooííya, nósingo—t’ao nanildzidí. Diyin God nikídoogał. Biwos bikąądi dahsint’ę́ę́hgo hooghango nondoołt’ééł.2
Háshinęę’ shidéézhí, t’ááshǫǫhdí díí t’áá ániinii nihijéí biyidí dooleeł. Áko tóó’áhayoi biníínąą doo nihił hádziida doo, háálá hoolaago ninaanish hólǫ́.
Hasdaha’ííníilii náhasdzaan bikąągí bee iiná nighá ninahnidlah áko ní éí diyin k’ehjí ninąąnish hadidííliił. Bizhí ák’idinįįn’ah; Ní éí Diyin bikee’nąąga’hí nilį́. Éí biniinaa niéé’ biihdiinał hoolaago bik’idínidiin doo.
Ájoo’ahí
Ádeezhí naakii’ígíí éí ayóó báháchį́. Badi doo bił hádziida nahalingo, naanałá diné yik’é ha’aah. Yiłhaajeehígíí, bik’is, binaat’ąąnii, dóó yiłnidaalnishígíI, silao, t’áá ákǫǫ dabihaaghanígíí, Sodizin binaat’áanii, éé’ nideechą’ígíí, jóhonąą’aí, dóó doo háchį́’hooniida.
Doo áyóó shá’háchį́da nizin. Jo’ t’óó adaa áhashyá. Naanałah éí t’áá shí t’éíyá danizin dóó dah shijoolá. Shí éí yá’át’éehígíí t’éí nisin— yá’át’ééhgo anihwíí’aah, bee háhódilzin, dóó áyóo’ó’ooní.
Kót’áo nisé’akeesígíí éí nihit’ahdí hólǫ́. Nidahałkaahii diné da áhidjoodlá’ígíí nideeskąą’. Palestinians dóó Israelis tó yinanidí, dóó Jaaneez dóó teli t’áá kǫǫ’ United Statesdí. Nt’ę́ę́’ “t’áá ałtsoh áyóó’ó’óóní alaahdí lah, ájootlah éí t’áá ayisii wóyahdí, áko nabít’éékid nt’ę́ę́’ jo’ aadę́ę́’ danihíjoołah.”3
Dah yíka’ígíí éí nihi yá’át’ééhii ádeetį́, dajiiba’ dóó doo nihin’da’ adloh da. Nihits’ąą’ danílinígíí éí doo yá’át’ééhii ádaatį́, doo biłeedah hózin da, da’biyooch’iid, dóó doo yá’áshǫ́ǫ da.
Tsídá shidizchį yaadą́ą́’ nahaszáan bikaagí dahákidjíga’ áko diné ti’hoo’niih dóó yiniił yiiyíkai. Díí dahahidjíga’nígíí éí shí dine’é ádaatį́—diné dahyiká’ígíí naanałah dine’ doo yá’át’ééhii dóó deejoołá.
Deejoołá’ígíí hádziihgo yichį́ yaa danichį́. Yéígo diné deejoołah dóó dahdiigis danlį́įgo yaanisídaakees—Doo diné da’nílį́į́’da. Diné ákot’áo baanisidjidaakeesgo éí saad nichǫ́’í bee da’jódziih dóó átí da’jiłį́.
Beesh bechahe adaat’iid baaniseskeesgo náshíí’nah.
Lá diné nihichį́jínilíígo, éí diné haash yit’áo baah ndáhasą́. Áádóó t’ááayidi diné atí doolniił saad bee dóó bíkíídiilwoł.
Jó ndi, yá’át’ééhii éí nihi bánisiidzį́, łahdá bits’ą́ą́’jí hadiizí. Niháháchį́ dóó ájiidlaago nihijéí biyí doo—áko diné bá’nahwiiltį́go, átíyiilį́į́’go—ákot’áo éí doo diyin ḱehjí íít’į́į́’ doo.
Há’atíish Hasdahííníilii yee nąneeztą́?
“kónihidishní, dahnihódziihígíí hózhǫ́ǫgo bá hadahodziih, nihik’ee dadiniihígíí nizhónígi bich’į’ ádanoht’é, áádóó atídanihił’íinii bá sodadołzin;
“Áko nihiTaa’ yá’ąąshdihólóonii ba’ałchíní danohłį́į doo.”4
Díí éí Yisda’iiníiłii k’ehjigo át’é. Áko díí éí ałtsé’git’áo dine’ doo yéígo dah ahidjoodlaada, dóó diné dah ahidjoodlaada.
“Oo’ “ kódidoolniił daatsí, “Shí éí shits’ąąjí dah nilį́’ígíí áyóó’íínoshníí doo—áko bí éí áłdo áyóó’áshónííd doo.”
Jó ndi éí doo bóholniidá. Diyin bekee’yiidaałgo éí t’áá nihi bee nihi holnįįh, dóó naanałah doo bídeetį́ da—doodayeeh háít’áo diné nigąąnisí daakees éí doo bóholniida. T’áá nit’ę́ę́’ yá’át’ééhgo nigąą nisédaakees ndi nihi ó’óó’ní nihee hólǫ́ bá éí t’áá bí bee bidahóliih nihi chį́.
Jó nihik’ee dadiniihígíí áyóó’ádeeniihníigo bijéí yizóli daasí dadoołeeł áko yá’át’ééhgo nidaakai doo. Ndi éí doo nájíínihi ánihid doołeeł da Jesus Christ bikeeyiidaal doo.
Áko, Diyin Jesus Christ átah dah nółin’ígíí, t’áá ániltsoh nihits’ąąjí dah nilin’ígíí, áyóó’ádáínį́į́’ nį́į́’ doo.
Áko doo nigha hachį́ doo, ałdó doo iijiiníí’dląądá doo.
T’áá át’é Diyin God bá’ałchiní nihijéí biyídoo áyóó’íí’nííhníí’ doo.
Diné bichį́ dah diinih bik’íjidlí dóó nidaniitin—ázha t’áá bita’ígi adahnihiłį́ dóó nihichį́ ndáhwii’ná.”5
T’áá Anii Diyin Yikeesézin’ígíí
Ákeedę́ę́’ adeezhí éí t’áá ánii diyin yikeesézinígíí nilį́. Éí ýígo nontł’ahígíí áyiilaah: Diyin God yá’olí ázha bichį́ nákwiináan dóó baa dajoodloh ndi. Hááshį́į́h yit’áo bee oodla’ dóó chohoo’į́, bee hólǫ́, ázha dine’ baa daadloh ndi. Bił hózhǫ́ǫgo hiná, ázha binaago doo yá’át’ééh da ndi, Éí bił hózhǫ́.
T’áá aniiltsoh iiná bii’ nihichį́ ndahwiiná. Tóó’ahooyoi danihotah, áko háásh yit’áo iłhózhó baa diidaał éí daoodlá’ígíí bee bágá’oodziih?
Jó éí diyin yáyałt’í’í neezyeel miil naahai yaadą́ą́’. Diyin yáyałtí’í éí Lehi woolyé, yaa neezyelígíí éí Naaltsoos Mormon Wolyéhígíí biyidí yisdzoh.
Lehi neeyeelgo halgaigi tsin tsídá alaadi nizhóníleeh yiyiiłts’ą́. Diné ałdó tsin yichį́ deeyikaah. Bineesté’ áyóó łikanígíí diishį́į́ł dah nizingo. Diné éí da’oodla díí bínají nihiłda hózhǫ́ǫ dóó nihil hodéezyéél doo.
Tsin bíchį́ atiinígíí éí ałtsoozí yeeh, dóó beesh leeh biighagoo ni’á’ éí bik’eh dee yikaah. Ákwe’í ałdó áhi’ łizin leeh naajooł biniinaa atiin dóó tsin doo yitįį’ da. Álaahgo ba’hádzid éí dine’ leeh daadloh dóó yánidahałį́ diné deeyikąąígíí kin nitsaa leeh biighá’dę́ę́’. Nt’ę́ę́’ ła’ dine’ tsin bineestí dahyiiyąą’yaa yaayádániizį́į́h dóó łájigo dáhidiikai.6
Da’ t’áá anii tsin ayóó nizhóní, łah éí bił naaki daazlį́į́h. Da’ t’áá anii tsin deelts’ą́ dóó bineest’é deedą́ą́’.
Daatsí tsin bits’ąą doo dahiikaigo nihee’iiná daatsí yá’át’ééh doo. Daatsí diné doo nihgaa daadloh dah doo dóó doo nigá’nidahałtí.
Dine’ aadaalohígíí éí bił dah hózhǫ́ dóó nahlin. Áko tsin bits’aniijeehgo, diné daatsí hago danihiłnii’ doo kin nitsaa’adí háálá nihi tsékees dóó nihi ánihwii’aah bił da’nizhóní.
Átiin t’éí bikąągi yidaał doo
Háshinę́ę́’ shideezhí, áko nihá’nantła’go beesh ní’ahi yinótą́go dóó hasda’iildeehjígo yinaałgo, dóó dine’ aadaadlohígíí biniinaa t’áá yó doo niłdzilgo, dóó lah nánitin doo nił bee’hózingoo, binahjí nił hásiidgo, bénałniih Lehi yaaneezyelyą́ą́’.
Átiin bikąągí t’éí yinaał!
Beesh ni’áhí bídoochiid lago—Diyin God bizaad át’é!
Ła diné naadaadlohgo Diyin God bee’óó’dla’jí yinaałgo, t’áá doo yinits’aaí.
T’áá ká, baa yooneeh Diyin be’wéé’ nilį́; nihik’idjolí’ígíí niba’; bek’eh hóniłį́į́’go, bił nąąhiłhóninąa doo!7
Nahasdzáanjí aahą́niih éí doo t’áá anii át’éíi da. Diyin Godjí éí t’áá anii, dóó iłhózhǫ́—ḱad dóó hoolaagoo.
Ha’ashjąąshį́į́’ oodla’ dóó dine’ bi’nahaga’ dinooliił. Kin nitsaaígíí bitsąą’ doo éí tsídá doo diyin Jesus Christ bina’nitin beełt’éé’ da.
Ánaa’ t’ah doo yiyiiłtseeh, doodayeeh ájaa’ t’ah doo ídiits’į́į́da diné bijéí biyí, Diyin God yá’hasht’eh yiyiilaa’ígí éí doo bił beeh dahózin da.8
T’áá shíshił béé hózin diyin bikeejooghał’go dóó Jesus Christ binahagha’ éí hwił hózhǫǫ’ łeh.
Shił béé hózin Diyin Niłchį́ binahjí, t’áá ní nił béé hódoolziił.
Jó nichį́ nahwiinąągo nihi sodinzinjí éí binahjí nidziil doo: Ałchíní Yázhi, Tsełkeeh dóó Saanii Dah Yiká’íǵíi. Éí bik’ehgo atiin bikaa yinaal doo, ní’oodla’ dóó naa bidziil doo. Jó éí hooghan yá’át’ééhii át’é, ádi nizhónigo nilah dóó diyin yikeenaadzinígíí binah nidziil ni deedłeeł.
T’áá lehí bóhóniląąh Primaryjí éí Tsékeejí niká’adoolwoł. Áádóó Tsékeejí bóhóniłąąh diyin bikeeyínaal éí Sąąniijí Relief Society nizhónigo naadi dah nilį́į́’ doo. T’áá naasyinaałgo nideezhi bikah ananwó dóó ayóó’iinó’nígíí bee naalnish doo.
Díígi’át’áo diyin bikee yinaalgo diyin k’ehjí áyóó niłhózhǫǫ’ doo.
Áyóó nantłah. Tsídá yéego niłbee hózinígíí choodeliił—ni odla’ii, ni dziilii, ni ayóó’ó’óó’ní ni dóó ni bee hódilzinígíí. Ndi naasdí hoolzizhdí nat’ąą ndinį́į́hgo bee nihił hózhǫǫ’ doo t’áá nidziil dóó iinidlą́ áko Diyin bee átiinjí yinaał.
Naasgo yínaał
Tóó aghayói ííná doo nanlo’da. Ndi t’áá nínił bee hozin háídishį́į́h nídidiiłeeł dóó yinaaljígo nił bee hozin doo. Jó háidishshį́į́h nidiileehígíí éí iiná t’áá áyísíí bóholnįįh lah.9
Nichį́ náhwiinąągo éí t’áá doo biniinaa niłhádzíídí.
T’áá doo diné biniinaa náháchį́’í.
Baah nił hózhǫ́ Diyin God bitsį́ nilį́. Diyin God áyóó’ó’nó’ní dóó iłhózhǫ́ Diyin t́áá niik’eh á’ilyehii binahjí.
Biniinaa nił hózhǫ́ǫ doo
Shí aní hidishní Diyin God bee yá’át’ééhii nihijéí bee hádoołbin. Háshinęę’ shideezhi, díí biinigha. Na sodizin éí yá’át’ééhii nídídiileł áko Tsin Bee Iiná bichį́ yi naał doo. Dóó Diyin bisodizinjí baah hóniih dóó Jesus Christ bina’hagha baah honiih háálá Diyin bee áyóó’a’no’ní dóó diné baah doolyeeł.
Diyin bikeeoodalígíí bíyiin éí łahda doo áko t’éíigo diits’ah łeh. T’áá ha’hooyąą’dą́ą́ ákot’é nt’ę́ę́’.
Ndi NiYizhé’e’ Yá’aashdi éí bił nizhóní dine’ dah bijoodla’ígíí dóó ayóó’á’dahbónį́į́’ígíI éí bi yiin bił nizhóní—háálá éí ayiin ayóó’óó’ní dóó Diyin God ba’neelnish dóó ba’ałchíní ałdó.10
Nihikidjishdlį́ ní Diyin God bitsį́ danolį́, dóó bichį́ dah nihidziil naasgo Diyin God bí kee deeyinókaah. Diyin Jesus Christ bizhí binahjí, amen.